JEREMIA 50:3 - OTSAO BAIBEL (BSI)

³ “Shuakuxchi tokya jat-li tuita Babilon to sing ang nguingole ilaxle ijae she a zizopakya nuiting ang achangüi. Khünaknu hia müibu a fütle paoüi, ilaxle ikhama owachu münngoüi.”

JEREMIA 50:3 ပူးပေါင်းရင်းမြစ်များ

ZEFANIA 1:3

müi-hi-mix pangwüi, o hia nyax pangwüi. Kue chichangchizangle tüikya khünakbu hato düt angkya hanpak apüile faüi. Kue noknusa amütüi, ota tuita chu müntoxüi. Ija Jowanpa kue akaxdaoa.

JEREMIA 51:11

Chixe Babilon nok amüt-sele tsukya khoma Jowanpae Medi nok wanghombu to cheile amwop. Ijaningle chixe chix Zangshwom-Hom amakya olüix khom angkya changle. Zansing lompa-e kaxkox: “Hünzom changlobu wunle anax kox! Hünzom dibu achwonkox!

JEREMIA 51:62

Ipongma zangjoplax, ‘Jowanpa, ikhama khünak hia müi, ozün zünmokbu chemchu chingole chang angkya hanpakma ija onui ama laxle jento tuita sak-hax ang achangle thom angkya nange akaxpu.’

JEREMIA 50:9

Kue shuakuxchi ma tsak-zong füikya jat-libu to lüixüi ilaxle hwom ang Babilon nok to sing ang tomüi. Hwome ija nok füi azan ang zyenthole piaüi ilaxle ija nok to lütüi. Hwome müihap mankyabu changle, ilaxle hwome hapkya sanhap otuechu münthai.

JEREMIA 51:48

Shuakuxchi tokhange ija amüt ang nguikya khünakbu chak to chemtue Babilon nguile changpuix, ding-hi-hax ma tüikya jalinusa pangwüi mongmüile akhongüi.

JEREMIA 21:6

Ija tingnu ma ngokya pangwüi kue langüi; khünaknu hia müi tomwüile za-adünkya kak-lak ma zi ang tomüi.

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

LAIPAO 12:12

“Ija ja ku Ijip haxtok pangnu khato ahamüi; ilaxle müikha angkyachu üntoxle khünakchu, tüichongsasa komle langle toxüi. Ile Jowanpa kue Ijip nok zanpabu ang sikngün koxle leüi.

PONGWANG LAIPEX 6:7

chixe thüi: “Kue zingle alaikya khünak ibu kue bakle amütüi. Müi-nyax hia o-juxbu su-sa wüi amütüi, chemthüikoxle ibu pangwüi zingle alaikya bama ku ang mongmale.”

ISAIA 41:25

“Kue handün chito ngokya khünak tuita zünle kopdaoa; Shuakuxchi makhange sing ang kue chix apüiüi. Chixe haxthom to nakpupule apün-awangkyabu to naküi, tikjaomix-e haxthom to nakpupu lea.

ISAIA 45:1

Jowanpae Sairas a wanghompa ang kam! Chixe ku a chaxwannu nok tingtak tsuak angkya hanpak ma kam; chixe chix a wanghom tsak-zong züpak da angkya hanpakma ahüi; Jowanpae chix hanpakma tingnubu pan dapüi. Jowanpae Sairas ang akaxle:

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”