JEREMIA 50:2 - OTSAO BAIBEL (BSI)

² “Chaxwannu nok hato kaxho laxkox! Ija khuapukox! Mowan ahokox ilaxle kaxho tsingang tomkox! Ija khom-pyenle taxthom! Babilon a nguakdaoa! She baozang Marduk a thuple amadaoa! Babilon nok chapabu ang zak-akopdaoa; nushixdongkya she chapabu a asumdaoa!

JEREMIA 50:2 ပူးပေါင်းရင်းမြစ်များ

ISAIA 46:1

“Ija a Babilon nok baozangbu ashukkya ang achangüi! Tam a Bel hia Nebo hwom to shwomle tüikya, ikoxle athax hwom mantsak khoma hünzingle tüile, na-juale maxkya müibu tok ma a.

ISAIA 21:9

Allele hwom nguile ngole! Mankho ma khünakbu, ijachu mixhuak anyipong. Zanhumixe ija kax kox: “Babilon a nguakdaoa! Hwome shwomle ngokya chapabu pangwüi hax ma chiak daoa.”

JEREMIA 51:47

Ikhoma Babilon nok chapabu to kue chakmok angkya tunu nguile hüingole. Onok pangwüi zakkop ang tomüi, ilaxle ija angkya khünakbu pangwüi langüi.

JEREMIA 51:44

Kue Babilon nok baozang Bel to sikangünüi, ilaxle chix angkya ahuxle apüikya tuinabu danle apao ang tomüi; ilaxle jatlibue chix to tamchatle münshwomüi. “Babilon pan-katukbu a nguakdaoa.

MIKNGÜN-OHÜN 18:2

Chixe tüle azaxle thüi: “She nguakdaoa! Chongkya Babilon nguakdaoa! Athaxpi she a, bao hia haxshix chasabu, ngwotnui ang achangdaoa; chitsaokya tamchu nushix dongkya susabu, oli pangwüi she ma awangüna.

ZEFANIA 2:11

Jowanpae hwom chabüt-lasünle chang ang tomüi. Chixe ija chaxwannu angkya baozangbu chem angchu chichangle ahikle awütdaoüi, ifüima jat-li pangnusae, ma chaxwan khokho to chix to shwom-töle changüi.

JEREMIA 52:31

Babilon nok ma Ewil-merodak wanghom ang achangkya zanglao ma, chixe Judah nok wanghompa Jehoiakin hato chingcha aho kun tokya chix dokle alai. Jehoiakin zanda ang kople paokya zanglao 37 lyetbün anyi ma nyixtsa aga lükya to ija ile chang.

JEREMIA 51:52

Ikhoma kue thüipu, kue Babilon nok chapabu to twon angkya hanpak zanghan nguile hüile, ilaxle thomzün-maklaxle changkyabu haxtoktok awangle awaole wotüi.

JEREMIA 51:31

Pangnuchi tokhange tingnu pünle ama hüikya kaxho ang Babilon nok wanghompa hato kaxhomixbu ta füima tale zikle ngui.

JEREMIA 51:8

Babilon a allele nguakdaoa ilaxle ija a amütdaoa! Ija mang sopkox! Ija mak hanpakma hinghai apüikox, owatsing ija mak müile chu changtüilax.

JEREMIA 50:46

Chemtue Babilon nguakpuix, zangfang abakle sile aloxle ozing tüiüi, ilaxle khong to akhong-akhakya zing mixnokbue atatüi.”

JEREMIA 46:14

“Ijip nok tinglongbu to ija apukle changkox, Migdol ma, Memfi ma, ilaxle Tahpanhes ma apuk-kox: ‘Hünzom ma kho awa ang achwonle ngolax; hünzom ma atüitüi komle zan ma amütüi changa!

JEREMIA 31:10

Jowanpae thüi: “Jat-libu, ku kax to apalax ilaxle ku kaxbu a tinu kaxbu tsailo to apuk-kox. Kue ku khünaknu chiakle thomle, ikoxlechu kue hwom asox-atomüi ilaxle chunnyetpa tuitae chunbu nyekya ningle kue hwom to nyeüi.

JEREMIA 6:18

Ikhoma Jowanpae thüi: “Apakoplax, hünzom jat-libu, ilaxle ku khünakbu hato chempangle chang angkya hex awanle koplax.

JEREMIA 4:16

Hwom a onokbu ang kaxkhün kox ang tamchu tsailo nok tokya zanpabu nguile ngokya bama Jerusalem hama apua angkya hanpakmale nguikya changle. Zan-nok ibue Judah nok tingnubu füi alünle akhongüi

ISAIA 48:6

“Kue chempang akax daopuix ibu athax changle hüile; hünzomechu ku kax otsing tomtata wüile lax angkya hato hüipu. Athax kue hünzom hama jali hozün changle hüi angkyabu akaxfang, kue hünzom hato ngaile ma ahokya jalibu a.

ISAIA 39:1

Itukhae, Babilon nok wanghompa-e, Baladan sasün Merodak Baladan, chixe Wanghompa Hezekiah mik amütdaoa tale atat ang kop, ikhoma chixe chix hato laiza tuita hia hingho tuita akat.

ISAIA 37:19

ilaxle hwom baozangbu zokle ashundaoa — ibu a baozang jao chichangkyabu, ikoxle khünake pün hia long, ibu makhange zingle alaikya changkya.

ISAIA 13:2

Tuita kohwon haxnukho ma azan angkya nyiluak apikkox! Süpahibu to tsale akhong kox ilaxle ija ongam tingnu panbu to sing angkya münwan aho ang nang chak ajongkox.

ISAIA 12:4

Khünaknue tsaingao angkya hanpak tunu nguile ngole, “Jowanpa ang münchong fakox! Hünzom to asun angkya chix se-kox! Chixe mokdaokyabu pangnu jat-li hato apuale laxkox! Hwom hama chix chemtukux chongpuix ija apua laxkox!

MÜNCHUAK-TSAI 96:3

Chaxwannu hato chix fuazangkya apukkox, üntoxle chu chix ohünotün mwotbu khünaknu pangnu hato.

MÜNCHUAK-TSAI 64:9

Hwom pangwüi abütüi; Zang-e chem mokdaopuix ija bama hwome ajangüi ilaxle chix mwotbu mo wünle changüi.

MÜNCHUAK-TSAI 97:7

Chapa shwomkyabu pangwüi zakkop ang tomle; baozangbu pangwüie Jowanpa tunthoma akhuxle.

ISAIA 48:20

Babilon angkya paolax, mongtex ma paolax! Kaxho müikya mongmüile apukkox, “Jowanpae chix da Israel sündaoa!”, le pangnue tsingang laxkox.

JEREMIA 4:6

Zaion chitole angkya lom apua laxkox! Khangkhosün ang ziklax! Shenle taxngo! Shuakuxchi tokhange Jowanpae huanu thomjo hia thama apüile ngole.

JEREMIA 51:12

Babilon nok pan-katuk to sing angkya mowan ahole laxkox. Nyetmixbu to mixbo laxkox! Nyetmixbu angwot kox! Zankat othom ziakople chang ang tomkox!” Babilon nok to moküihex-o lükya Jowanpae chix mwot mokdaoa.

JEREMIA 51:27

“Sing angkya mowan laxkox! Chaxwannu noke atatle nyazong mütkox! Chaxwannu nok Babilon füi azan ang achwonlax! Ararat, Minni, hia Ashkenaz wangtingbu füi sing angkya kax laxkox. Ija zansing lom azüi angkya lompa kamkox. Naxnu-naxlangbu ningle manbu apüikox.

DANEL 1:2

Jowanpa-e chix ang wanghompa Jehoiakim kop ilaxle Zangshwom-Hom angkya tuinabu züizüi tsui pao ang dan. Chixe chix füi tomle zandabu koplaxle Babilon tokya chix baozangbu to shwomkya nui to ngui ilaxle zan ma kopkya tuinabu baozang to shwomkya hom ma shole thom.

DANEL 3:14

Chixe hwom ang thüi: “Shadrak, Meshak üntoxle Abednego, hünzome ku baozang to münshwomhex ilaxle kue zingle ajong thomkya hun chapa tong to münakhux hexle wünkya kax otsing chang koxcha?

JEREMIA 10:11

Chaxwannu zingle chialaikya baozangbu ang amüt angkya changle le hünzom khünakbue hwom hama apua angkya wüi changpu. Hwom a chaxwantok ojongtochu ngo ang müntom.)

JEREMIA 10:15

Ibu a laxli chitüikya ilaxle ajaole chang angkya oli; chemtue hwom wai ang Jowanpa nguiüihex ibu a amale awüt angkya changle.