JEREMIA 50:14 - OTSAO BAIBEL (BSI)

¹⁴ “Sanhap füikyabu süpahibu Babilon zan to ka ang zyenle pyakox ilaxle ija akhople kopkox. Hünzom san pangwüi füi Babilon nok to hapkox, chemthüikoxle ijae ku, Jowanpa zongto ochax lyendaoa.

JEREMIA 50:14 ပူးပေါင်းရင်းမြစ်များ

JEREMIA 50:29

“Sanhap füikya süpahibu ang Babilon to sing angkya akaxkox. Sanhap twon ang mankyabu pangwüi tomle akatkox. Tingnu akhople kopkox ilaxle owachu paole azang ang taxtom. Ijae mokdaokya pangwüi olüix khomkox, ilaxle ijae mix to chemle hwondaopuix ijaningle chix to hwonkox, chemthüikoxle tuita Israel nok Otsaopa, ku zongto ongam füi chixe mokdaoa.

HABAKUK 2:17

Lebanon faonu hünzome shapu; athax hünzom dakle anguaküi. Ija angkya müi hünzome langpu; athax a müie hünzom chabüt-lasün ang tomüi. Ija a hünzome mik-lang mix-huak tamchu chaxwannu angkya tingnubu hia ibu ma tüikya khünakbu zan to kale changkya khoma ile chang ang tomüi.

HABAKUK 2:8

Hünzome obibi nok kux hexle tsuidaoa, ikoxle athax a ota toxle changkya khünakbue hünzom tuina tsuiüi, ija a hünzome zong ma laxle chaxwannu angkya khünaknu hia hwom tingnubu to ozik-omüt thama apüile changkya olüix ang changüi.

JEREMIA 50:42

Hwome ma hapnu hia changlobu koplaxle laile; hwom a mongtsike awang laxle chingcha jao chitüile changle. Hwom zing a shixkya tinu tichap zing ningle tüile, hwom man kho ma ngale changpongma. Hwom a Babilon nok füi azan ang achwonle tüile.

JEREMIA 50:9

Kue shuakuxchi ma tsak-zong füikya jat-libu to lüixüi ilaxle hwom ang Babilon nok to sing ang tomüi. Hwome ija nok füi azan ang zyenthole piaüi ilaxle ija nok to lütüi. Hwome müihap mankyabu changle, ilaxle hwome hapkya sanhap otuechu münthai.

JEREMIA 50:7

Hwom füi apongpong pangnusae hwom to sing. Hwome zanpabue thüi: ‘Hwome Jowanpa zongto ochax lyendaoa, idaile keme hwom to chemle hwonpuix ija ma thaikya müntüi. Hwom pupa hwome Jowanpa to mongong thom, iningle hwom chuwüi mongong füi ngokoxle müisepa.’

MIKNGÜN-OHÜN 17:5

She khangpong ma huxsa zangwün füikya mün tuita ile zale tüikya: “Achongkya Babilon a chaxwannu ma chinunchakkaile tüikyabu hia nushix dongkya mwot-kat honu changle.”

JEREMIA 51:27

“Sing angkya mowan laxkox! Chaxwannu noke atatle nyazong mütkox! Chaxwannu nok Babilon füi azan ang achwonlax! Ararat, Minni, hia Ashkenaz wangtingbu füi sing angkya kax laxkox. Ija zansing lom azüi angkya lompa kamkox. Naxnu-naxlangbu ningle manbu apüikox.

JEREMIA 51:2

Zangwin to tsaxsa jeple paopu ningle Babilon amüt angkya hanpakma kue mixnokbu ahüiüi. Chemtue ija thama angkya nyix nguile hüipuix, hwome pangnu chitokhange singüi ilaxle haxtok a hingzang ngaxchu chipuakya kha ang dantoxüi.

JEREMIA 50:11

Jowanpae thüi: “Babilon angkya khünaknu, hünzome ku khünaknu thomjole toxpu. Hünzom a mongmüi-pwonlale ngole, tsaxnakle anguix ngokya maihu tuita ningle chichangba man tuita akhongkya ningle changkoxchu,

JEREMIA 49:35

Chixe thüi: “Elam nok ipongpongle zax-zang ang tomkya sanhap füikya khünakbu kue komkaile langüi.

JEREMIA 46:9

Manbu pao angkya kax laxkox man-kanlinbu atüi angkya a! Süpahibu akatkox: Etheopia hia Libia angkya khünaknu, di kopkople, ilaxle Lidia angkya hapnu füikya khünakbu lang kox.’”

ISAIA 13:4

Haxhuabu tokya ozing to apalax — chongkya khünaknu tu asoxkya zing, jat-li hia wangtingbu asoxkya ozing a. Süpahibu Jowanpa a chix zankat othom zanhok hanpakma achwonle ngole.

ISAIA 5:28

Hwom naxhixbu a tüle anaxle, ilaxle hwom hapnubu a hap ang achwonle tüile. Hwom man chisokbu a long-jan lailaile tsak, ilaxle hwom man-kanlin ochabu shangflo ningle anguix.

MÜNCHUAK-TSAI 51:4

Kue nang zongto ochax lyenle tüidaoa: nang tata zongto a: ilaxle nange chem münsule thüipuix, kue ija mokdaoa. Idaile nange ku to kaxfün fa angkya asule tüile; ku thaikya ang achangkya tokhange nang sukya ang achangle.

2 SAMUEL 10:9

Chix zanpabue tunthochi hia nong-tsax to khünle ngolaxle single hüi angkya Joap-e ngünle lax, ikhoma chixe Israel nok süpahi sümüimüi zünlaxle Siria nok chikao ma ziakop ang tom.

1 SAMUEL 17:20

Ngainop ningle Dawid swomsae wüi zo, chun to hu ang owawa danle tox, saxtsom thwop koplaxle hopa Jesse-e chix füi akaxkya ningle pao. Israel khünakbu sungdün ahukle azan ang achexle laipongkhae Dawid-e ikha alop.

JEREMIA 49:14

Kue thüipu: “Edom, kue Jowanpa tokhange kaxho tuita kopdaoa. Hünzom to sing ang achwon angkya hanpakma hwom süpahibu asoxle chang angkya bama chaxwannu nok hato kaxhomix tuita apaodaoa.

JEREMIA 51:3

Ija angkya süpahibu ang hwom sanhap hap angkya chichangba hwom chang-hi-pax laxle achwon angkya chakba taxkox. Naosünbu danle taxtox! Hwom süpahi pangwüi amütdao!