JEREMIA 50:10 - OTSAO BAIBEL (BSI)

¹⁰ Babilon a tsui paoüi, ilaxle tsuikyabue hwome laxse atsutsu laxüi. Ku, Jowanpae ija akaxdaoa.”

JEREMIA 50:10 ပူးပေါင်းရင်းမြစ်များ

JEREMIA 25:12

Ifüima kue hwom ochax khoma Babilon nok hia ija wanghompa to sikangünüi. Kue ija haxtok amaüi ilaxle othuithui hanpak ang pünle dantoxüi.

MIKNGÜN-OHÜN 17:16

Nange ngünkya müizong bün üntoxle müi, ibue tsahangcha to miktsaküi; hwome she kuxka komle paoüi ilaxle she ohua ma dantoxüi; hwome she müi saxüi üntoxle wün füi she amütüi.

JEREMIA 27:7

Zangfang pangnu noke wüi chix thothale changüi, ilaxle hwom thai angkya tunu mangui-manguile thothale ibu jatlibue hwom thothale ngoüi. Ifüima chix wangtinge chix thak to tsak-zongle tüikya wangting angkya wanghombu thothale changüi.

ISAIA 45:3

Kue nang ang tuina zangnak hia otsao nui tokya faüi; ifüima nange ku a Jowanpa changpule awanüi, ilaxle Israel nok Zang-e nang a mün ma nyakle.

ISAIA 33:4

Hwom tuinabu a athün-athünle danüi ilaxle tsui paoüi.

JEREMIA 50:26

Ija to pangnuchi makhange singkox ilaxle hwome saxziak shole thomkya saxpung daple dongkox! Saxjun thokle dan pupule tsui kopkya tuinabu dankox! Ija haxtok amale toxkox! Ikhama chemchu taxtox!

JEREMIA 51:24

Jowanpae thüi: “Jerusalem to hwome chichangchizangle chempang hwon daopuix ibu bama kue hwom to jannong alüikya hünzome ngünüi.

JEREMIA 51:35

Zaion angkya khünaknue thüikox, “Kwom to chakmok janlangle changkya bama hünlit a Babilon noke naxlaxkox!” Jerusalem angkya khünaknue thüikox, “Kwome apongkya sikngün bama Babilon nok ma wüi tsaitox-kaxfele naxchang kox!”

EZEKEL 11:24

Mikngün-ohün ma ku a Zang-e dingkho to nwon ilaxle zanda ang ngokya Babilon nok to chatle apüitox. Ifüima ija mikngün-ohün sam,

JEREMIA 50:37

Ija angkya man hia man-kanlinbu hato omüt-osam! Tha koxle apüikya süpahibu hato mikmüt— hwom chemtukux shonaile changpuix! Ija angkya tuinabu amadao; amadao ilaxle tsui paodao.

HABAKUK 2:8

Hünzome obibi nok kux hexle tsuidaoa, ikoxle athax a ota toxle changkya khünakbue hünzom tuina tsuiüi, ija a hünzome zong ma laxle chaxwannu angkya khünaknu hia hwom tingnubu to ozik-omüt thama apüile changkya olüix ang changüi.