JEREMIA 5:9 - OTSAO BAIBEL (BSI)

⁹ Kue ibu khoma hwom to sikangünle tamchu onok to iningle olüix khomle münchangüi hia?

JEREMIA 5:9 ပူးပေါင်းရင်းမြစ်များ

JEREMIA 9:9

Ibu khoma kue hwom sikangünle münchang puixnyi? Iningkya jat-libu to olüix khomle münchang puixnyi? Ku, Jowanpae ija kax akaxdaoa.”

JEREMIA 5:29

“Ikoxlechu, ibu khokho ma kue hwom to sikangün angkya changle; ija nok to kue jannong alüile changüi.

NAHUM 1:2

Jowanpae Khüthak Zang-e chix zan to kale changkya chemchu adu ang müntho; chix füi apüile tüikya mix to chixe sikngün ang tomle. Ibu to chixe mongtsik füi olüix khomle.

HOSIA 8:13

Hwome ku ang töbu koxle ilaxle ikha angkya omüi saxle. Ikoxle, Jowanpa, ku ang hwom füi mong münmüi. Athaxpi kue hwom ochax texle ataküi ilaxle ija khoma hwom ang sikngün faüi; kue hwom Ijip nok to chat ang tomüi!

HOSIA 2:13

She-e Bal baozang tuntho to so zokle tamchu she likwünbu aza-apua laxle she mowünpabu füito ziküima ku alakle asamkya tu-wan hanpakma kue she to sikangünüi.

EZEKEL 7:9

Kue hünzom opupuchu müntox chichangba hünzom hato chingcha ojao münaho. Hünzome mokle changdaokya zakkop mwot bama kue hünzom to sikangünüi, ikoxtix ku a Jowanpa changle tamchu hünzom to sikangünle ngokya a ku changpule hünzome awanle laxüi.”

MANGSOP 4:22

Zaion-e she ochax tsang thomdaoa; Jowanpae kwom tamchatle zanda ang thomüi münchang. Ikoxlechu Edom, Jowanpae nang to sikngün koxüi; chixe nang thaikya mwot kotok to alaiüi.

JEREMIA 44:22

Anyixkha hünzom haxtok a pünle ama thomdaoa ilaxle ikhato owachu münngo. Jowanpae hünzom chichang-chizangkya hia ochax mwotbu füi adu ang chithokya tokhange, ija a mikngün zongma za-adünkya tuita ang changdaoa, ilaxle khünaknue ija mün a othuak-ozom lom ma lünle.

JEREMIA 23:2

Chix khünaknu to akox-akomle hu-mese pa, apün-awangle hüikya lompabu hanpakma, Jowanpa, Israel nok Zang-e akaxkya kax ija changle: “Hünzome ku khünaknu to chihu-chime; hünzome hwom chiakle asam ilaxle jwonle apao. Athax a kue, ija hünzom ochax mwot khokho ma hünzom to sikangün angkya changle.

ISAIA 1:24

Ikhoma athax, Jowanpa Khüthak Zang, Israel nok Zang-e ile akaxle ngokya to apalax: “Kue nang to olüix khomüi, hünzom ku zanpabu, ilaxle hünzome ku ting münatüiüi.

TSAITONG-KAXTONG 32:43

“Jat-libu, hünzome Jowanpa khünaknu achuak angkya changpu— hwom mik amütkyabu to chixe sikangünle. Chixe chix zanpabu to olüix khomle ilaxle chix khünaknu ochaxbu thailak tüile.”

TSAITONG-KAXTONG 32:35

Jowanpae hwom to olüix khomüi ilaxle sikangünüi; hwom nguak angkya hanpak nguile hüiüi; hwom max angkya hanpak soxle tüile.

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

ISAIA 57:6

Ikhatokya longtom müikyabu tswonle koplaxle ibu to baozang changpule shwom. Ibu chitong to shwomle hünzome jubu thok tamchu ibu hato saxziakbu apüile töbu kox. Hünzome ibu mokkya füi ku ang mongmüile le hünzome texpia?

JEREMIA 5:10

Ku khünakbu grep haxtok züt ang kue zanpabu ahüiüi, ikoxle ibu komkaile oli thu angkya hanpakmale münchang. Kue hwom ang okangsasa tum angkya akaxüi, chemthüikoxle okang ibu a ku kux münchang.

JEREMIA 32:31

Ija zaile alaikya nyix makhange wüi ija tingnu angkya khünaknue ku ang küntsik-mongma ang tompu. Kue ija amüt angkya mongzangwünle tsuakdaoa

MANGSOP 3:42

“Kwome ochax lyendaoa ilaxle nang zan to kadaoa, ilaxle Jowanpa, nange kwom ang thailakkya chitüi.

LIWI 18:25

Hwom mwot-kat makhange ija haxtok a chitsaokya ang achangle. Ikhoma Jowanpae haxtok to thuakzomle ilaxle ikhama ngokya khünakbu pongle chikopkya ang achangle.

WANWÜNKAX 6:29

Mix kakonu owawa füi jip-pomle chang angkya a itukuxle thama changpu. Owae ile moklaxpuix sikngün apongüi.

JEREMIA 6:6

Jowanpa Khüthak Zang-e wanghom ibu ang pündak laxle Jerusalem tingnu hwople kop ang athünle zing angkya kaxkox. Chixe akax: “Kue ija tingnu to sikangünüi chemthüikoxle ikha a zothupmixbue awangle tüile.

JEREMIA 6:11

Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

JEREMIA 9:8

Hwom lebu a mik-amüt angkya sanjunbu ningle; hwome jento kaxthai zangzang wüi wün. Hwom pangwüie tomzibu füi zuikop zangzang wüi wünle, ikoxle ija hwome ibu hanpakma aman angkya kam thakya tuita changpu.