JEREMIA 5:7 - OTSAO BAIBEL (BSI)

⁷ Jowanpae atüi: “Kue ku khünaknu thaikya ochaxbu chemkhoma alak angkya? Hwome ku chilaxle dantoxpu ilaxle changjao chichangkya baozangbu to hwome shwompu. Kue hwom ang wok afwotle machang machangle ku khünaknu tuxpu, ikoxlechu hwome chinunchakkaile changpu ilaxle hwom hanpakbu a tsangtsa hangkyabu füi alyetpu.

JEREMIA 5:7 ပူးပေါင်းရင်းမြစ်များ

GALATIA 4:8

Ledaokya wan ma hünzome Zang chitsing homtoxle ngole hüi, ikhoma hünzom Zang chichangkyabu chak to da ang ngole hüi.

JEREMIA 2:11

Hwom otsing tomtata chichang koxle ngaxchu, owa nokechu ma baozangbu lüile machang. Ikoxle ku khünakbue ku, hwom hato münchong apüile fakya Zang, chem lom ma ngaxchu hwom füi chiamüitho angkya baozang füi alüixle.

JIHUSUA 23:7

ilaxle hünzom khama danle toxkya mixnok khünakbu füi hünzom tomsax-tommok le chichangüi chichangba hwom baozangbu mün lünle zang chiwünüi chichangba tsaosaxle changpongma ibu mün chilünüi chichangba ibu baozangbu to shwom-to le chichangüi chichangba ibu tong to puinaile chichangüi.

TSAITONG-KAXTONG 32:21

Hwom chapabu füi hwome ku ang mongtsik ang tom, hwome baozangle nyakkyabu to huanuma khax-khu, Zang chichangkya baozangbu a. Ikhoma kue jat-li tuita hwom mong atsik ang twonüi; kue hwom ang ongat jat-libu to osingle tüi ang tomüi.

ZEFANIA 1:5

Homkho to donglaxle lyetnu, zanghan, hia lyettsibu to shwomkyabu kue amaüi. Ku to shwomtole tamchu kutsai-kukax ma laxle tüiüihex le tsao laxle Molek baozang mün ma tsaotsütle changkyabu chuwüi kue amaüi.

1 KORIN 8:4

Idaile chapa ang koxkya süt saxkya bama; keme awanpu chapa ma ozün müntüi; ikoxle keme awankya a, Zang a tuita wüi.

JEREMIA 23:10

Haxtok a Jowanpa to mongong chitüikya khünakbue awangle tüile; hwom chichangchizangle ngole ilaxle hwom tsak-zong chichangkya lom to twonle. Jowanpa thuakzom khoma haxtok a sople ilaxle müitsüt fum zile zanle.

TSAITONG-KAXTONG 32:15

“Jowanpa khünakbu huanuma ahak-aluale chang, ikoxlechu chix zan to kale tüi; hwom a tüle nutle ilaxle osüt füi wokbu afwot. Hwome hwom zingpupa Zang chilaxle awüt üntoxle tsak-zong füikya hwom khosünpa chilaxle awüt.

JAKOP 4:4

Hünzom chaxwannu zuikhui ang achangkya a Zang zongto zan ang achangpu le hünzome matsing hia? Hünzome chaxwannu zuikhui ang ngose tsukya a malailai to Zang füi zan ang achangpu.

JEREMIA 12:16

Hwome hwom kün-hi-mong makhange zongbakle ku khünakbue tokya zanglom pongle jangkop ilaxle ‘Jowanpa chemle ozün ma ngopuix iningle ngo angkya’: kaitanto hwome ku khünaknu ang Bal mün ma tsaotsüt angkya anwot-anole koxkya ningle: tsaotsütle jangchang, hwom chuwüi ku khünaknu khama womüi ilaxle tomwüi ahak-aluale changüi.

1 KORIN 6:9

Otsao chichangkyabue Zang Wangting mantswon münkopüi le hünzome münawan hia? Nang taxthaikop ünlax; chinunchakkai, chapa shwomkya, chakzong-kwonte, jonglyen,

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

AMOS 8:14

Opange Samaria angkya chapabu, Dan angkya baozang mün ma chichangba ‘Bersheba angkya baozang mün ma’ tsaosaxlaxle changpuix, hwom a nguakle paoüi ilaxle tamchatle chizole changüi.”

HOSIA 13:6

Ikoxle müikya haxtok to nguikya füi tomle, hünzom awangle tamchu okhonguile ngokyabu ang achang, ilaxle hünzom mongngam ma tsong ilaxle ku alakle asam.

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

HOSIA 7:4

Hwom pangwüi khualopmix tamchu kax ma laxle chitüikya changle. Hwom miktsak a fongbak angkya wün lailaile huxsa ma azwonle ngo, oja to an zingpae an myettu manguiba lüixle chichangpuix.

HOSIA 4:2

Hwome tsaosaxle chang ilaxle ibu a chithom; hwom atse, mix mik amüt, ahux, ilaxle chinunchakkaile chang. Zikmüt mangkho onüi, tuita füima tuitale mikmüt mwot tsale hüi.

EZEKEL 22:11

Züizüie chinunchakkaile changle, ilaxle züizüibue a ma nomcha hia mali manao hwom to twon-jao le.

JEREMIA 13:27

Hünzome chixe anukya mwot mokle changkya chixe ngündaoa. Zwonpong tuita zwonnu tuita to achuale zikpupule hünzom a ma tomzi kakonubu füito zikle ilaxle haxkho hia kotho to hünzom a songsari baozangbu hato paole changkya chixe ngündaoa. Jerusalem angkya khünakbu, hünzom a maxdaoa! Hünzom a chemtue tsaotha laxüi?

JEREMIA 9:2

Sak-hax to ku ang ngwotnui tuita namtüikoxba ku khünaknu füi atsaile ku ikhato ngose dai. Hwom pangwüi mongong chitüikya khünakbu, mixkho hang ang mwopkya othom.

JEREMIA 3:19

Jowanpae thüi: “Israel, kue nang kusa ang pongle kopse tsupu ilaxle nang a mongtex ma nguikya haxtok koxse tsupu, chaxwan tok ma osün sümüikya haxtok a. Hünzome ku ang apale namnyakbae texpu ilaxle ku hato tamchatle tok chiahole changbae le thütpu.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

MÜNCHUAK-TSAI 50:18

Hünzom a hünzome ngünpupu ahuxmixbu füi zuikhui ang achang, ilaxle hünzom a ma tsangtsa hangkya mixcha hwom füi asox.

LIWI 20:10

Mixsün tuitae, Israel khünak tomtom mix kakonu füi chinunchakkaile jangchang, ija mixsün hia mixcha pangnyi wüi mik max ang tom angkya changle.

IBRI 13:4

Noke wüi aju-asomkya achuak achen angkya oli, ilaxle kakonu hia kakopabu tata chiale le ngo angkya changle. Chakzongkwonte le hia chinunchakkaile tüikyabu to Zange kaxfün angkya changle.

2 PUKAX-PANGAO 13:9

Jowan dapa Arun sixli nguapabu hia Liwi hwom hünzome jwonle apaopu. Hwom man ma hünzome mixnokbu lailaile zompu-zangpabu kamle danpu. Owawae maihupong hia chun anüt koplaxle nguile jangchang, chix a hünzome baozangle nyakle ngokyabu zompu-zangpa ang achang tsuakpu.

JEREMIA 7:9

Hünzome ahuxle, mix langle, chinunchakkaile, tsaosaxle kaxthai zang wünle, Bal ang töbu koxle, ilaxle amipongma hünzome chitikkya baozangbu to hünzome shwomle.

JEREMIA 16:11

Ipongma Jowanpa zangwün ija hwom hama apuakox: ‘Hünpu hünpa hwom ku hato tok aho laxle aküile pao ilaxle mama baozangbu to shwom-to tamchu ibu thothale chang. Hwome ku chilaxle awüt ilaxle ku hwon-nwotbu kax ma chilax.

JEREMIA 16:20

Khünaknue ma baozangbu alüile zingle lax ang tsuak ang chami? Müntsuak! Hwome zingle jangchang thünchu ibu a baozangbu tsingtsing münchangüi.”

MANGSOP 3:42

“Kwome ochax lyendaoa ilaxle nang zan to kadaoa, ilaxle Jowanpa, nange kwom ang thailakkya chitüi.

JOB LAIPEX 31:12

Ile changkyae ku ma atüitüi komle zokle ashunle, ija a ku zongto amalum okham wün thama ang changüi.

JEREMIA 3:8

She a ku hato tok aho laxle tuita tsangtsa hangkya mixcha ang achangle paokya khoma kue Israel chilaxle jwonle apaokya Judah-echu ngünle lax. Ikoxle Judah, tuita mongong chitüikya Israel nanaonu ija ngünlaxle ojao chiza. She chuwüi tsangtsa hangkya mixcha ang achangle pao

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.