JEREMIA 5:6 - OTSAO BAIBEL (BSI)

⁶ Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

JEREMIA 5:6 ပူးပေါင်းရင်းမြစ်များ

ZEFANIA 3:3

Ikhama alixachongbu a ahungle ngokya mailangbu ningle; ikha angkya kaxfün mixbu a, müiza nyaxza chemchu ngainopkya zangngai thoma bang ang chitsukya, woknuak ma ngokya shwonbu ningle.

HABAKUK 1:8

“Hwom manbu a mailangbu füi ngaxchu sümomle, howok anole ngokya shwon füi ngaxchu za-adünle. Hwom mankho ma azankya süpahi othom tsailo nok tokhange mankho ma nguile; hwom manbue haxkha nakle akhixle. Zangshop laxle olae o to shingkya ningle hwom zikle nguile.

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

MIKNGÜN-OHÜN 13:2

Ija müi sünngün ma chaxnu ningle, ocha a chep cha ningle üntoxle owikha a mailang wikha ningle, le tüikya. Dragon-e ija müi ang ma tsakzong, ma chongwang tüntong tamchu mae apün-adakya zong, ibu kox.

HOSIA 5:14

Kue Israel hia Judah to mailangpa lailaile shingle hüiüi. Kujaoe hwom ashikle akhixlaxle dantoxüi. Chemtue kue hwome linle paoüihex, owaechu hwom khosünle kop ang chithoüi.

DANEL 7:6

Kue hule ngopongma, mama müi tülai. Ija a fuachax lailaile, ilaxle ija otok ma ozang ali tüikya, ilaxle ija ma okhang ali tüikya. Ijae apün-ada angkya janzüi to hule ngo.

DANEL 7:4

Pongwang angkya müi a mailang lailaile ngün, ikoxlechu ola ningle ozang füi tüi. Kue hule ngopongma ozang ibu a dütle pao. Ija müi ding to nom ilaxle tangthole ajong ang tom. Ifüima ija ang khünak khangka kox.

EZEKEL 23:19

She a amipongkya füingaxchu sisi-mix tsangtsa hangkya mixcha ang achangle pao, ilaxle ami naocha pongma Ijip nok to mokpupule mokle ngo.

EZEKEL 16:25

Ipong müikya nangsün nangjo nange haxthom khato linle amapu. Ikhato hüikya khünak pangnusa ang nange ma tsangtsa koxpu, ilaxle nyixfokya to nang a chinunchakkai okho ang ngohompu.

MANGSOP 1:5

She zanpabue she to lüt; hwome ma tsak-zong füi she to künle kop. She huanu ochax khoma Jowanpae she füi sikngün apong ang tom; She naosombu a koplaxle tsui pao.

JEREMIA 49:19

Mailang tuita faonu-lingmong tokya lailaxle Jordan Shuanu achole müie fumtsütkya nui to hüikya ningle, ku nguiüi ilaxle hwom haxtok angkya Edom nok allele fütle pao ang tomüi. Ifüima kue zünle kopkya lompa-e ija jat-li apün-adale changüi. Ku füi apyen angkya owa tüi? Ku füi achan-ala angkya owa tüi? Chemningkya wanlome ku füi alün-aloxle changüi?

JEREMIA 30:14

Hünzom mongkünbue hünzom alakle awütdaoa; hwome hünzom hanpakma athax humele müntüi münchang. Kue hünzom to zan to singkya ningle singpu 2 hünzom zothup tsakle wüi changkya chemthüikoxle hünzom ochaxbu a huanu chang koxle ilaxle hünzom chichang-chizangkya a chongle chang koxle.

JEREMIA 25:38

Jowanpae chix khünaknu chilaxle dantoxle mailang tuitae longlua danle toxkya ningle. Khompuatsikya zan ilaxle zadünkya Jowanpa mongtsike haxtok a tuita sak-hax ang achangle tox.

JEREMIA 14:7

Ku khünakbue ku sele akhong: “Kwom ochaxbue kwom ma tsaihux-kaxhux fe angkya tüingokoxchu, kwom to asunhüi, Jowanpa, ami nange tsaodaokya ningle a. Kwome nang hato tok obithomthom ma hexle ahole changdaoa; kwome nang zongto ochax mwot mokle changdaoa.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

ISAIA 59:12

“Jowanpa, nang zongto kwom thaikya a huanu. Kwom ochaxbue kwom ma kaxhux fele. Kwome ibu pangwüi tiklax ngopu.

MÜNCHUAK-TSAI 104:20

Nange zangnak zing, ilaxle zangnak fangto faomüi pangwüi koto lai.

IZRA 10:10

Nguapa Izra ajong laxle hwom füi akax. Chixe thüi: “Hünzom ma mongong chitüikya tamchu mixnokchabu laxle apüikya khoma Israel nok hato thaikya thünzak apüidaoa.

IZRA 9:6

Kue thüi: “O Zang, kue nang tuntho to ku thün ahoüima azakle maxle. Kwom ochaxbu a kwom khangkho füi ngaxchu sütsuale athünle tüile; ibue zangkho jaojao to thule tüidaoa.

HUAKE LAIPEX 32:14

Ilaxle, athax hünzome hünpa hwom man ma, ochaxe awangkya tsünthom hozünbue Jowanpa ang tamchatle mongtsik adün ang azongpu.

MÜNCHUAK-TSAI 80:13

müilabue ibu to ocha füi nakle, ilaxle faomüibu ija saxlaxle ngole.

JEREMIA 8:5

Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.

JEREMIA 30:15

Hünzom thomzün-maklax bama kaxthup-ngaotün taxtüi ngo; hünzom hanpakma müi angkya olom müntüi. Kue hünzom to zo ile thuppu chemthüikoxle hünzom ochaxbu a huanu changle ilaxle hünzom chichang-chizangkya a chongle tüile.

2 PUKAX-PANGAO 36:14

Ito obo ang, Judah nok lompabu, zompu-zangpa hwom, ilaxle khünaknu, ibu hwom akhople tüikya khünakbu ningle chapabu to shwomkya olom tole ochax lyenle changkya khoma, Jowanpa, chix jaoe atsaole dankya Zangshwom-Hom chitsaokya ang achang.

JOB LAIPEX 10:16

Kue tütali tho-lünle jangchang, mailang lailaile nange ku to-zile amüt; ku mong ama ang nange ohünotün mwot ngaxchu mokpu.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

JEREMIA 8:7

Olobue ngaxchu chat angkya otu awanle; osu, za-ngo-pakpe, ilaxle zangwa osabue ngaxchu hwom pao angkya hia ngui angkya tu awanpu. Ikoxle ku khünaknu, hünzome a wanlom oja füi kue hünzom thakma apünle ngopuix ija chitik.