JEREMIA 5:3 - OTSAO BAIBEL (BSI)

³ Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

JEREMIA 5:3 ပူးပေါင်းရင်းမြစ်များ

JEREMIA 7:28

Hwome Jowanpa hwom Zang kax ma chilaxle tüikya bama chichangba hwome apongkya sikngün makhange awanle lax angkya nange hwom hama akax angkya changle. Hwom zongto mongong tüikya a omang ang achangdaoa. Athax ija mo ojao wünle münngo.

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

ZEFANIA 3:7

Ile changkya zuma ku khünakbue ku achuak-achenle changüi ilaxle kue akox-akomkya kax ma laxle tüiüi, ilaxle hwom hama kue ahole fadaokyabu otuechu hwom münalaküi. Ikoxle janpüi ma hwome amipongkya füi ngaxchu sümale chang.

ISAIA 9:13

Israel khünaknu ang künlop-monglüi matüi; Jowanpa Khüthak Zang-e hwom to ipongpongle sikngün fakoxchu, hwom a chix hato machat.

2 PUKAX-PANGAO 16:9

Ma kün-mong chix ang zongbakle koxlaxle ngokyabu ang janzüi kox angkya hanpakmale Jowanpae zangfang pangnu khato hule ngopu. Nange ongat mwot mokdaoa, ikhoma athax makhange nang a othuithuima azanlanle ngoüi.”

ISAIA 42:25

Ikhoma chixe kem to chix mongtsik po ang tom ilaxle azankya ma ziama lejao sikngün ang tom. Israel pangnu khato chix mongtsik a wün lailaile chua, ikoxle chempang changngopuix keme otuechu chiawan; ija makhange keme chemchu tsingle chikop.

IBRI 12:9

Tamtailechu kem ang müi-hi-aji ma honu hopa hwom tüipu, hwome kem to zünsaipu ilaxle keme hwom chathua zapu. Ija thakto chasa ma kem Hopa chak to kem tsün koxlaxle ozün ma ngo angkya otukux achongkya hex!

ROM NOK HATO ZAKYA POL LAIZA 2:2

Ile mokngokyabu hanpakma chixe kaxfün fakya ma Zang münthaile keme awanpu.

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

JEREMIA 32:19

Nange je füi mwottho zing ilaxle chongkya-chongkya mwotbu mokpu; khünaknue mokkya oli pangwüi nang ngünpu, ilaxle nange hwom ang hwom mwot füifüile hingho fapu.

JEREMIA 19:15

ilaxle Khüthak Jowanpa, Israel nok Zang-e akaxkya kax ngaile thüi: “Ija tingnu hia tomzi tinglongbu pangwüi hato, kue ahüiüile tsaokya sikngün pangwüi kue apüiüi, chemthüikoxle hünzom mong khüidaoa ilaxle hünzome ku zangwün to nathaüi münchang.”

JEREMIA 7:26

Ikoxlechu khünak tuitata ngaxchu apakya hia nathakya chitüi. Itülüi thüikox, hünpu-hünpa hwom to kaile hünzom sisi mix mongkhüi tamchu alün-aloxle tüitüi.

ISAIA 48:4

Kue awan ngopu hünzome a kheba chithüikya khünakbu changpule ahoüi, jan lailaile tsak-khokle tamchu khop lailaile bikbexle.

WANWÜNKAX 27:22

Mongkho chinguikyabu to nange zithole fitkoxchu, hwom angkya künngat-mongngui nange fitle apao ang müntho.

WANWÜNKAX 23:35

Nange thüiüi: “Ku to fit-müile tamchu hong-hele changdao koxlax, ikoxlechu kue ija texle münatak. Ku büthüikoxle zo ang chithopuix? Kue ju tamling koxtix müi-angkya changle.”

WANWÜNKAX 22:12

Jowanpa mike hwon-hi-je to nyele hungole, ikoxlechu mongong angkya chitüikya zangwünbu a chixe tswonle awütle.

WANWÜNKAX 21:29

Otsao khünakbu ma hanpakma atsingshole awan ngopu; chichang-chizangkya khünake otukux tsuak puixle atsing angkya wüi.

MÜNCHUAK-TSAI 51:6

Mongkoxkya hia otsingtsing a nange lomkya changle; nang je-hwone ku khangka awang fale.

2 PUKAX-PANGAO 28:22

Chix tingtuibu huanu ziama ma changpong khae, ija mixsün Ahaz-e ozangjang to kaile Jowanpa zongto ochax lyen.

LIWI 26:23

“Ija sikngün füima ngaxchu hünzome ku kax chiapa, ikoxle ku zongto chichang-chizangle tüile wüi jangngo,

2 WANGHOMBU 1:13

Anaole chu lompa azom lükya mama mixsün 50 füi tsanle apao. Ija mixsün haxkho to dong ilaxle Elija hato nguilaxle chikux thongle akhux ilaxle chingcha jule akax: “O Zang khünak, kue nang ma chingcha jule thüipu, ku khüzün tamchu nang thothale ngokya khünak ibu 50, kwom pangwüi nang tunthoma thalix ang naxchang.

JEREMIA 8:5

Jangchangba, ku khünaknu, chemthüikoxle hünzom ku hato ojao tamchichatle tok ahole paopu? Hünzom a hünzom chapabu füi mongkün shingmongle chang ilaxle ku hato anongle münchatpule angam.

EZEKEL 2:4

Hwome kax ma ojao münlax ilaxle ku chathua zakya ojao müntüi, ikhoma Jowanpa Khüthak Zang-e hwom füi chem akax angkya tüipuix, ija kax hwom hama apua ang kue nang tsanle apaopu.

DANEL 9:13

Mosa Wanlom ma sikngün bama chempangle wünle tüipuix ija tukuxle kwom to sikangünpu. Ikoxle athaxchu, O Jowanpa kwom Zang, kwome kwom ochaxbu tokya mongchat chichangba nang otsingtsing olom tole changkya füi nang mong amüi ang kwome ojao chiazong.

AMOS 4:6

“Hünzom tingnu hato otui-onuak ahüikya a ku changpu, ile changkoxchu hünzom a ku hato mong alople chihüi.

PONGWANG LAIPEX 19:34

Ofüinyix honae honao füi akaxle thüi: “Ku müja chix füi jip-pomle changpu; aja chuwüi chix jutok ang tomhax, ilaxle chix füi nang jiplax. Ifüima künyi pangnyi ang wüi apa makhange süshix naosom nguidongle changüi.”

1 WANGHOMBU 13:33

Israel nok wanghompa Jeroboam, athaxchu chix ochax lom tokya mong chichat, ikoxle zangjang kako tokyabu, chixe zaikya zangshwomnuibu ma zomzing ang chizakle zompu-zangpabu kamle ngo. Chixe nguapa ang chix mong atsutsu zünle lax.

MÜNCHUAK-TSAI 51:8

Mongmüi pwonla-tungkya ozing kue atat ang tomhüi; nange ku thule akhünle akhixdao koxchu, ku tamchatle mongmüi ang ataküi.

MÜNCHUAK-TSAI 55:20

Amipongkya ku zuikhuie chix zuikhui hwom to single hüi; chixe chix tsaosüt ama.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

JEREMIA 15:7

Ija haxtok angkya tinglong pangnu towüi tsaxsa apik pupule zangwin to kue hünzom apik. Ku khünaknu, kue hünzom amütpu, kue hünzom su-sa hwom langpu chemthüikoxle hünzom chemtuechu hünzom ochax lomtangbu danle chitox.

JEREMIA 17:23

Hwom pupa hwome ku kax to chiapa chichangba mong ojao chikox. Itülüi, hwom mong sisi mix khüi; hwome ku kax ma chilax ilaxle ku makhange chemchu awanle chilax.

JEREMIA 44:10

Anyix kople hünzom puinaikya kha jao matüi. Hünzome ku achuak-achenkya chitüi chichangba hünzom ang tamchu hünzom pupa hwom ang koxle hüikya ku wanlom kax ma laxle hünzom ngole chihüi.

AMOS 4:8

Tilan ma ashole max, mama-mama tingnu tokyabu tingnu tuita to ti ataküile onglaxle ngui, ikoxle ling ang ngaxchu okhonguile chikop. Ikoxngaxchu hünzom ku hato chichat.

AMOS 4:9

“Hünzom saxziak azanle ama tangle kue zangwin makya ahüipu. Hünzom tsawat kha hia grep haxtokbu, hünzom fupsa pün hia olip pünbu komkaile kukbue saxle awütpu.

AMOS 4:10

“Kue hünzom hato Ijip nok hato ajokya ningle thama-thomshix ajopu. Kue hünzom naosün hwom zanhok ma zi ang tompu ilaxle hünzom manbu kue tsuile paopu. Kue hünzom nakua ma hünzom pom angkya khünak mangbue mut ang tompu. Ikoxlechu hünzom a ku hato mongchatle chihüipu.

AMOS 4:11

“Kue hünzom züizüi a Sodom hia Gomorah nok amütpupu le max ang tompu. Hünzom opang azangle tüilaxpuix ibu chuwüi wünkha tokya alaile laxkya wünchua füikya hatua tuita ningle changle. Ikoxle ngaxchu hünzom a ku hato mongchat le münhüipu.