JEREMIA 5:24 - OTSAO BAIBEL (BSI)

²⁴ Kue tsosa zangwat hia watun zangwat ajo laxle zanglao foto otutu ma puamün ang tomkox ngaxchu, hünzom ku achuak-achen angkya mong ma otuechu texle chiatak.

JEREMIA 5:24 ပူးပေါင်းရင်းမြစ်များ

MÜNCHUAK-TSAI 147:8

Chixe zangding to zangfwombu chiakle; chaxwan tok to zangwat ang tomle ilaxle haxhuabu to hingzangbu nyem ang tomle.

JOEL 2:23

“Mongmüilax, Zaion angkya khünaknu, hünzom hanpakma Jowanpa, hünzom Zang-e chempang mokdaopuix ibama mongmüikox. Chixe hünzom ang watun zangwat okhonguile koxdaoa; chixe zangwa ma zangwat hünzom hato thokle ajodaoa ilaxle tsosa zangwat chuwüi amipongkya ningle koxdaoa.

PONGWANG LAIPEX 8:22

Chaxwannu tsünlole ngokya kople, küi-thwom angkya hia puamün zütle athün angkya hanpak tüiüi. Zangkong hia zangkham, tsonu hia zangwa, zangnak hia zangngai othuithuima ngoüi.”

WANGSHEMBU MWOT 14:17

Ibachu chixe hünzom ang ding tokya zangwat kox üntoxle otu nguikya ma tsaxsa hikha puamün ang kox; chixe hünzom ang sütling kox üntoxle hünzom mongmüie awangle ngo ang kox; ile chixe müikya mwot mokkya tokhange othuithuima chixe chix chemningkya hex ija aho.”

MATHI 5:45

Ikoxletix hünzom a zangkangting tokya Apa susabu ang achang ang tsuaküi; chemthüikoxle chixe chix zanghan füi chimüikya hia müikya khünaknu nok to tomwüi nyan ang tomle; tamchu omüi mokkya hia oma mokkya pangnu ang zangwat tomwüi fale.

JEREMIA 14:22

Owa nok chapabue chu zangwat ti ajo ang münthopu; zangdinge chix lailai to nyenti ajo ang müntho. Kwome kwom monghom nang ma thompu, O Jowanpa kwom Zang, chemthüikoxle ibu moktsuakkya a nangtix changle.

MIKNGÜN-OHÜN 11:6

Hwome Zang kaxho apuk ngopong ma zang chiwat angkya hanpakma zangding ka hak angkya zong hwom ma tüile. Hwom mong tsukyakya ma tümik sopkya aji ang achang angkya tamchu küjo küjekya kaklak thama füi chaxwannu to chak mok angkya hwom ma zong tüile.

JAKOP 5:7

Idaile kutüi-kunaohom, Jowanpa mangui tanto aduhüi. Hwom haxtokbue hwom ang ma manzai oziak opua dün angkya hanpakma manzai mixbue chemle adupuix, ito hulax. Tsosa hia khokse zangwat hwome adule tan.

ZEKARIA 10:1

Jowanpa ma tsosa zangwat julax. Zangwat angkya zangfwom hia nyenti ajo laxle noknusa hanpakma chaxwan thün hingshüile achangkya a Jowanpa tix changle.

AMOS 4:7

Hünzom tsaxsa-hikhae ti lomtukhae ti tsyenle tuikya a ku changpu. Kue tingnu tuita to zangwat ajo ikoxle mama tingnu to a chiajo. Haxtok tuita ma zangwat ti düt ikoxle mama haxtok a zanle zi ang tom.

HOSIA 6:1

Khünaknue thüi: “Athaxpi Jowanpa hato chat-hax! Chixe kem to mak-koxdaoa, ikoxlechu chixe tütakoxlechu kem kak amüile fa angkya changle; chixe kem to mak-khapu, chixe wüi kem mak to lople fa angkya changpu!

JEREMIA 50:5

Hwome Zaion tole angkya lom atüiüi ilaxle ija lom ma küithole leüi. Hwome ku füi othuithui hanpakma tsaotsütle changüi ilaxle ija otuechu chiamaüi.

JEREMIA 5:22

Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

ISAIA 64:7

Zangjop makhange nang hato owachu chichat; nang hato fonghüiole owachu chihüi. Kwom thoto nang a thün khom ang süt ilaxle kwom a kwom ochaxbu khoma danle tox

JOB LAIPEX 38:37

Zangfwom owae akia ang tho angkya üntoxle owae zangfwom akhelaxle ija angkya ti thokle zang awat ang thoüi,

1 WANGHOMBU 17:1

Gilid angkya Tishbe makhange ajepa Elija-e wanghompa Ahap ang thüi: “Ozün ma tüikya Jowanpa, Israel nok Zang, kue owa thothale ngopuix, chix mün ma kue nang füi akaxpu, kue tamchatle ile chang koxle mathüi tanto hüile ngokya zanglao anyi-azom bama nyen dütkya hia zangwatkya müntüiüi.”

TSAITONG-KAXTONG 28:12

Hünzom hato nuaklom ang nguikya khünakbu ang hünzome koxle apao ikoxlechu hünzom otuechu mixnok to nuaklom ang pao angkya chitüile ngo angkya hanpakma, ding to chixe athünle thomkya tilua chongkya kha angkya chixe otu thütle zangwat ajoüi ilaxle hünzom mwot pangnu to mohimanüi.

HOSIA 3:5

Ikoxlechu Israel khünaknu hanpakma hwom Zang, Jowanpa hato chat angkya tamchu wanghompa Dawid su-sa hwom hato chat angkya hanpak tuita hüiüi. Ifüima hwome Jowanpa chathua zale changüi ilaxle chix angkya müikya hinghobu pongle laxüi.

JOB LAIPEX 5:10

Chixe chaxwannu to zangwat ajole haxtok to ti kox.

MÜNCHUAK-TSAI 65:9

Nange zangwat ajokya makhange nange haxtok to mongkünkya aho; nange ija ahak-aluale tamchu haxzaoe awangle tüi ang tom. Nange shuasabu tümik fuakle tijenkyae awangle chang ang tom; nange chaxwannu ang saxziak awangle fa. Nange ija ile mok:

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

JOB LAIPEX 29:23

Manzai mix zongto zangwatkya müikya lailaile, hwom pangnusa zongto ku zangwün müile.

JEREMIA 10:13

Chix kaxtom ma zangkho tokya tibu akhong; haxtua-zangnam tokhange chixe zangfwombu apüi. Zangwat ma chixe zangchangjep zingle alai ilaxle chix pungkha angkya zangwin ahüi.