JEREMIA 5:22 - OTSAO BAIBEL (BSI)

²² Ku a Jowanpa changle; hünzom a ku thua büthüikoxle chiza? Ku tunthoma hünzom büthüikoxle zale abünkya chitüipu? Kue otuechu chikai angkya jento ngo angkya tinu füikya longzi tuita a sak danpu. Tinu tüle-tüle achap lechu chang koxlax; ikoxlechu ija a tanle thomdaokya longzi akaile ija münchong; tichap huanuma azaxle chu chang koxlax, ikoxlechu ibue ija longzi mün ama.

JEREMIA 5:22 ပူးပေါင်းရင်းမြစ်များ

MÜNCHUAK-TSAI 104:9

Hwome ija tamtaxkai-o lükya longzi nang tanle tox, ilaxle ibue chatle chaxwan tok to ule chang ang chilom.

JOB LAIPEX 26:10

Tinu thün to titlaxle chixe zangnak angkya zangngai ahanle süi.

WANWÜNKAX 8:29

Chixe tilo-tinu angkya tibu ang kaxtom koxle chixe thütle koxkya to kaile ti chidong angkya akax pongma ku tüikya. Chixe chaxwannu chifün zaile chang pongma ku tüikya.

MÜNCHUAK-TSAI 119:120

Nang khoma ku zale; chemthüikoxle nang kaxfün thoto ku zakyae awangle.

TSAITONG-KAXTONG 28:58

“Hünzome mongong tüikya füi, ija laipex ma zale tüikya Zang hwon-nwot jaono kax ma laxle chitüi thüiba tamchu hünzome tüle khompua-zadünkya Jowanpa mün achuak-achenle chitüi thüiba,

NAHUM 1:4

Chixe Molo-Tinu ang kaxtom kox, ikoxle ija ti zople zan! Chixe shuajenbu zople zan ang tom. Bashan angkya manzai haxtok zanle pao, Karmel Haxhua khuifople achang, ilaxle Lebanon angkya maipuabu hüile pao.

JEREMIA 10:7

Nang pangnu jat-li wanghompa, nang chiachuakkya mix owa tüi? Nang a achuak koxle asule tüile. Nang lailaikya owachu müntüi jat-li angkya je-hwon füikya khünakbu khama chichangba wanghombu khama opupuchu.

MARK 4:39

Jisu ajong laxle zangwin ang thüi: “Dangün”. Chixe tichapbu angchu wüi thüi: “Taxamok”. Zangchei thwonthütle dang ifüima zingzazui le dang.

MIKNGÜN-OHÜN 15:4

Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

AMOS 9:6

Jowanpae chix hom a zangkho tingto zai, ilaxle chaxwannu thak ma zangding ohua zingle alai. Chixe Tinu kha tokya ti nyak ilaxle ibu a chaxwannu ding to thok. Chix mün a Jowanpa changpu!

MÜNCHUAK-TSAI 99:1

Jowanpa a chongwangpa changle; ilaxle khünaknu abünle zale. Chix a ozang füikya zünmokbu ding ma thungnui kople tüile ilaxle chaxwannu aloxle.

MÜNCHUAK-TSAI 33:7

Tinu shinthuk pangwüi chixe jongta khama asox ang tompu; Molo-Tinu jithongbu chixe pungma hakle thompu.

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

ISAIA 50:2

“Ku hwom khose ang hwom hato nguikya zuma khünaknu pongzik chitüile hünzom chem ang thai? Kue nyak pongma hwome büthüikoxle chilan? Ku ma hwom khose ang zong chitüile lehia? Kaxtom tuita makhange wüi kue tinu azop ang tsuak ilaxle ti chitüile ikha angkya nyaxbu naxzi ang shuajen a sak-hax ang achang ang tsuak,

KAXHO MÜIKYA LUK 12:5

Ikoxlechu hünzom owa thua za angkya hex kue hünzom hama apuafang: Zang thua zalax, owama tsangtsa lang füimachu chasa omalum to awüt tsuak angkya zong tüipuix. Anaolechu kue hünzom ang thüipu, Chix thua zalax!

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

PONGWANG LAIPEX 1:9

Ifüima Zang-e kaxtom koxle akax: “Zangkho zongma fangchi angkya ti haxza alai angkya kuxma jongta khama asoxün”, -üntoxle ija ile chang.

JOB LAIPEX 38:8

Tinu-shinthuk tsyenle tui angkya ka owae hak

MÜNCHUAK-TSAI 46:3

tamchu tüle shixle tinu tichap hüikoxchu, ilaxle wukdongkyae haxhuabu sile achenle changkoxchu, kem za angkya oli chemchu müntüi. Selah

ISAIA 64:2

Fonglong kho ma ti tokya lailaile hwom zale abünse. Nguihüi ilaxle nang zanpabu hato nang tsak-zong ahokox, ilaxle nang tunthoma chaxwannu nok abün ang tomkox!

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

AMOS 4:12

Ikhoma, Israel khünakbu, kue hünzom to sikangün angkya changle. Kue ile mok angkya chang koxle, ija ku kaxfün füi apong ang achwonlax”, le Jowanpae thüile.

1 WANGHOMBU 13:28

chix a ija ma ngalaxle kakya thoma man a hozui ma mailang hia mantsak hwom ajongle bang. Mailang-e mang chisax chichangba mantsak tochu chishing.

JOB LAIPEX 37:24

Ikhoma chix bama noknusa ang khosamkya to abüt angkya müntüi, ilaxle jetüi-hwonlangpu le ngokyabu chixe ahaile.

JEREMIA 31:35

Anyixningkya wünnyan ang Jowanpae zanghannu kox, lyetnu hia lyettsibu a zangnak ma nyan ang kox. Chixe tinu tichap alai ilaxle ija azax ang kox; chix mün a Jowanpa Khüthak Zang changpu.

JONA 1:16

Ija ngünlaxle khuachei mixbu ang Jowanpa chathua za angkya ahüi ilaxle hwome chix thotha angkya tsaosax.