JEREMIA 5:21 - OTSAO BAIBEL (BSI)

²¹ Na thale apalax, hünzom ongat-ongüi tamchu chemchu chitsingkyabu, hünzom ma mik tüipu ikoxlechu chingün, na tüipu ikoxlechu chiatat.

JEREMIA 5:21 ပူးပေါင်းရင်းမြစ်များ

EZEKEL 12:2

“Ziün angkya khünak, nang a alün-aloxle tüikya khünakbu khato ngole. Hwom ma mik tüile, ikoxchu hwome chemchu chingün; hwom ma na zaile, ikoxchu hwome chemchu chiatat, chemthüikoxle hwom a alün-aloxle tüikyabu chang koxle.

WANGSHEMBU MWOT 28:26

Chemthüikoxle Isaia-e thüi: “Paolaxle ija khünakbu füi akaxkox: ‘Hünzome na thale apaüi, ikoxlechu münawanüi; hünzome mik ojao chiachik le huüi, ikoxlechu münngünüi.

ROM NOK HATO ZAKYA POL LAIZA 11:8

Otsao Lai kax ningle, “Aju-ajang angkya chitüi le, Zange hwom kün-mong aba; anyix kople hwome mik makhange, ngün ang chitsuak chichangba, na makhange atat ang chitho.”

JUHAN 12:40

“Zange hwom miksutbu ang achang daoa, ilaxle chixe hwom mongtsang atsakdaoa; ile chichang hwome mik füi ngünse; ma mongtsang füi ajang ang those; ilaxle hwom mong chatkoxle, kue hwom müi ang tomse.”

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

MARK 8:18

Mik tüingale ngaxchu hünzome münngün hexnyi? Ilaxle hünzome texle münatak hexnyi?

JEREMIA 8:7

Olobue ngaxchu chat angkya otu awanle; osu, za-ngo-pakpe, ilaxle zangwa osabue ngaxchu hwom pao angkya hia ngui angkya tu awanpu. Ikoxle ku khünaknu, hünzome a wanlom oja füi kue hünzom thakma apünle ngopuix ija chitik.

JEREMIA 5:4

Ifüima kue ajang: “Ibu a mixshix-zasa hia chemchu chitsingkyabu changle. Hwome ongat ningle mok-mole; hwom Zang-e lomkya hwome chemchu chitik, Jowanpae hwom amokse tsukyabu a.

ISAIA 44:18

Iningkya khünakbu a hwome chem mokpuix ija awan ang ngaxchu chithokya ongatbu changpu. Hwome otsingtsing hanpakma ma mik hia mong ka hakle.

MÜNCHUAK-TSAI 94:8

Ku khünaknu, hünzom a iningkya ongat-onguibu ang chemle achangüi? Hünzome chemtue awanle laxüi?

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

WANWÜNKAX 17:16

Lainwot-ngaknwot hanpakma ongat khünak tuita hanpakma ngun-syen bakkya ma olüi chemchu müntüi, chemthüikoxle chix ma laxli tutex chemchu müntüi.

TSAITONG-KAXTONG 32:6

Hünzome Jowanpa to ile hwon angkya olom changcha, hünzom ongat, tutex mong chizaikyabu? Chix a hünzom hopa, hünzom zingpupa, jat-li tuita ang hünzom chixe zingpu.

TSAITONG-KAXTONG 29:4

Ikoxle hünzome apongle hüidaokya ibu anyix hünzom ang chemchu tsingle lax ang chitom.

HOSIA 7:11

Ongat jua-osa ningle Israel khünak chazangle aham; pongwang ma hwom khünakbue Ijip nok fonghüile se, ifüima hwom Asiria nok hato zik!

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

MARK 4:12

ikhoma; “Hwome tüle hukoxchu chitsingüi; tüle apakoxchu chiawan tsuaküi; Ile chichang thüikoxle, hwom mong Zang hato chatse; chixe hwom ang thailak koxkya tüise.”

ROM NOK HATO ZAKYA POL LAIZA 1:20

Zange chaxwannu zingpong tokhangkya, mik makhange ngün ang chithokya chix, owang wangkya hia ashukkya kha chitüikya ilaxle Zang tsingtsing, ibu tsingshole ngün ang tho. Khünake bue Zang chakzingbu ma ngün ang kople. Ija khoma hwom ang thailak ojao müntüiüi.

ISAIA 43:8

Zang-e thüile: “Ku khünakbu khwa to ngui ang ahyen kox. Hwom ma mik tüile, ikoxlechu miksutbu changle; hwom ma na tüile, ikoxlechu nababu changle!

JEREMIA 5:20

Jowanpae akax: “Jakop su-sa hwom ang akaxle laxkox, Judah khünakbu ang akaxle laxkox:

JEREMIA 6:10

Kue lan: “Kue hwom füi zangwünle ija kaxkhün koxkoxle ku kax to owae apaüi? Hwom mong huanuma khüile ilaxle nang kaxhobu to mün-apapu le angamle; nange ku füi chempang zangwün wünle fa angkya kaxle koxpuix, hwome ibu cha nyile.

ZEKARIA 7:11

“Ikoxlechu ku khünaknue ibu ku kax to kheba chithüi. Hwome hwom khangkabu zim

TSAITONG-KAXTONG 29:3

Jowanpae mokkya khompua zadün thama ohünotün mwotbu tamchu khomtsikya mwotbu hünzome ngündaoa.

JEREMIA 7:13

Hünzome ibu ochaxbu pangwüi mokle hüidaoa, ilaxle kue hünzome füi chatwüi chatle akax ngokoxchu, hünzome ija to mün-apapule angam. Kue hünzom se pongma hünzome chilan.