JEREMIA 5:18 - OTSAO BAIBEL (BSI)

¹⁸ Jowanpae thüi: “Ija tuke ngaxchu kue ku khünaknu komkaile olithu ang müntom.

JEREMIA 5:18 ပူးပေါင်းရင်းမြစ်များ

JEREMIA 5:10

Ku khünakbu grep haxtok züt ang kue zanpabu ahüiüi, ikoxle ibu komkaile oli thu angkya hanpakmale münchang. Kue hwom ang okangsasa tum angkya akaxüi, chemthüikoxle okang ibu a ku kux münchang.

JEREMIA 4:27

Zangfang pangwüi awütkya haxtok ang achang angkya Jowanpae akaxdaoa, ikoxle ijae ija komkaile amütüile münchang.)

EZEKEL 11:13

Kue ajele ngopongma, Pelatiah nguakle zi. Kue thün haxchi to aho ilaxle akhong: “Münchang, Jowanpa Khüthak Zang! Israel nok ma danle toxkya pangwüi nange langüihi?”

EZEKEL 9:8

Ile mix langle ngopongma, ku a ikhato ku tata tüikya. Kue haxchi to thüne hule ku hax to tswonle awüt ilaxle akhong: “Jowanpa Khüthak Zang, Israel nok ota toxkya pangwüi langle awütle nang mong Jerusalem füi athukle jao ma pia?”

JEREMIA 5:17

Ibue nang sax-tua hia sütling jokle joküi; hwome hünzom sasün hia sacha hwom langüi. Hwome hünzom chun hia maihu zyembu langüi ilaxle hünzom grep zu hia fupsa pünbu amale awütüi. Hünzom chalomle ngokya ziakople thomkya tingnubu a hwom süpahibue pünle amaüi.

JEREMIA 5:19

Kue ibu chemthüikoxle mokpuixle hwome atüikya zuma, chemle hwome ma haxtok ma ngolaxle ku hato tok aho ilaxle mixnok baozangbu to shwomle changpuix, ija lailaile ma haxtok chichangkya khato hwome mixnokbu thotha-manzaile chang angkya, Jeremia, nange hwom hama akaxkox.”

JEREMIA 30:11

Ku hünzom hato nguiüi ilaxle hünzom azünüi. Jat-libu pangwüi kue max ang tomüi athax hünzom kue chiakle thomkya onokbu a, ikoxlechu kue hünzom münamüt. Kue hünzom to sikngün chifa homtoxle münalyet; ikoxle kue hünzom to sikangün koxlechu chisumüile münchang. Ku, Jowanpae ija akaxdaoa.”

EZEKEL 20:17

“Ikoxlechu ofüima kue hwom to chingcha. Kue hwom sak-hax ikhato chilang angkya mongzangwünle tsuak.

HABAKUK 1:12

Jowanpa, nang a pongwang tokhange wüi Zang changle. Nang a, otsao tamchu oshuk chitüikya ku Zang changpu. Jowanpa, ku Zang üntoxle ku khosünpa, Babilon nok nange zünle kop ilaxle kwom to sikangün tang hwom tsak-zongle tüi ang tom.