JEREMIA 5:13 - OTSAO BAIBEL (BSI)

^13-14 Ajebu a chemchu münchang ikoxle zangwin nyitsong changpu ilaxle hwom ma Jowanpa tokhange hüikya kaxho chemchu müntüile hwome thüile. Jowanpa Khüthak Zang-e ku füi akaxle thüi: “Jeremia, ibu khünakbue ile akaxkya khoma, kue ku kax a nang wikha ma wün ningle achangüi. Khünaknu a ha ningle changüi ilaxle ija wün füi hwom zokle ashunüi.”

JEREMIA 5:13 ပူးပေါင်းရင်းမြစ်များ

JEREMIA 14:15

Kue chiahüikya ajebu opange ija haxtok hato ochax-ozan hia woknuak-tilan münhüipule ku mün ma zangwünle changdao laxpuix: hwom a kue ochax-ozan hia woknuak-tilan ma max ang tomüi; ile hwom to kue chakmokle chang angkya Jowanpa kue nang hama akaxle ngopu.

JEREMIA 14:13

Ifüima kue akax: “Jowanpa Khüthak Zang, ajebue khünaknu hama ochax-ozan chichangba woknuak tilan müntüipua, chemthüikoxle kem haxtok ma tumüi-lomkhao lanle ngo angkya nange tsaosaxle akaxdaoale hwome akax ngokya nange awan ngopu.”

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

JEREMIA 28:3

Wanghompa Nebukadnezar-e laxlaxle paokya tuinabu pangwüi kue zanglao anyi mong ma wüi ikhato chatle apüi angkya changle.

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

JOB LAIPEX 6:26

Hünzome ku zangwün a kaxbi-ngaoba zangwin kaxle thütle; jangchangba ija ku mongmüt zangwün to oma ang lan-ngo?

2 PUKAX-PANGAO 36:16

Oshuk-shuk ma chix khünaknu füi tsikkya Jowanpa mongtsik thoto hwom azangle pao ang chithole machang tanto hwome Zang kaxhomixbu chanyi wanjai, chix kax ajao ilaxle ajebu adale chang.

WANWÜNKAX 25:14

Chikox angkya khato koxüihex-ole tsaosaxkya khünak a tuita zangngax chiawat angkya to atyenkya zangfwom hia awinkya zangwin ningle changpu.

ISAIA 41:29

Baozang ibu a laxli müntüi; hwome chemchu mok ang müntho — chapa ibu a tsak-zong chemchu chitüikya changle.”

JEREMIA 22:22

Hünzom lompabu a zangwine pikle paodaoüi, nang üithobu a zandabu ang kople paodaoüi, hünzom tingnu a chingcha chitüile zakkop ang tomüi hünzome mokle hüikya ochaxbu khokho ma a.

JEREMIA 43:2

Ifüima Hoshaiah sasün Azariah hia Kareah sasün Johanan ilaxle kax ma chilaxle tüikya khünaknue ku hama akax: “Nang a atse ngole. Kwom Ijip nok to kale chingo angkya hanpakma kwom füi akax ang Jowanpae ahüikya münchang.