JEREMIA 49:8 - OTSAO BAIBEL (BSI)

⁸ Dedan angkya khünaknu, aküilax ilaxle ziklax! Azwonlax! Kue Esau su-sa hwom amüt angkya changle chemthüikoxle kue hwom to sikangün angkya tunu nguile hüidaoa.

JEREMIA 49:8 ပူးပေါင်းရင်းမြစ်များ

JEREMIA 46:21

She-e shakle apüikya süpahibu ngaxchu chingcha ashukle maihusa tuita ningle. Hwom a zan tunthoma chiajong ilaxle chiazan; hwom pangwüi tok ahole zikle pao. Hwom max angkya nyix-hi-hanpak nguidaoa, hwom amüt angkya tunu-wansa a.

JEREMIA 49:30

“Hazor angkya khünaknu, Jowanpa, kue hünzom ang ochu to zikle paolaxle azwon angkya kaxkhün koxpu. Babilon nok wanghompa Nebukadnezar-e hünzom amüt ang suale, ilaxle ija a chix kax changle,

ISAIA 21:13

Ija a Arabia ba angkya kaxho tuita changle. Hünzom Dedan angkya khünakbu, opang kux müizyem Arabia nok angkya sak-hax fao to athongle tüipuix,

MIKNGÜN-OHÜN 6:15

Üntoxle chaxwannu wanghombu, apün-adakyabu, süpahi tüichongbu, ahak aluakyabu hia tsakzong füikyabu ilaxle mamabuchu wüi, dabu üntoxle panle tüikyabu, malailai to, longlua hia haxnu longkun fang to azwon ang süt.

JEREMIA 50:27

Hwom süpahibu komle lang kox! Hwome hütle lang kox! Babilon angkya khünakbu a maxdaoa! Hwom to sikangün angkya hanpak nguile hüidaoa!” (

JEREMIA 49:32

“Hwom ut hia tsom-pom pangwüi laxkox! Kho amoxle sexle tüikya khünakbu kue pangnu lomkua to afale pao ang tomüi, ilaxle pangnu chitokhange hwom hato thama-thomshix apüile changüi.

JEREMIA 48:44

Tuma-wanshix thoto paole azang ang azongkya khünak a tswon to dütüi, ilaxle tswomkha tokya laile paokya mix a tai ma manüi, chemthüikoxle Jowanpae ile Moab nok amüt angkya hanpak zanghan tyale changdaoa.

JEREMIA 48:28

“Hünzom Moab ma ngole tüikya khünaknu, hünzom tinglongbu dantox dao! Paolax ilaxle longzakzyenbu to ngolax! Longtsyentua to ozop zingkya osu-sa ningle ngolax.

JEREMIA 48:6

Hwome thüi: ‘Momlax, nang khang azang ang ziklax! Sak-hax tokya fao mantsak ningle ziklax!’

JEREMIA 6:1

Benjamin khünakbu, ma khangkhom ang paolax! Jerusalem angkya paole azanglax! Tekoa ma nyazong mütle angaokox ilaxle Beth Hakarem ma münwan ahole wüntakkox. Thama hia olithu angkya shuakux chitokhange nguingole.

ISAIA 2:21

Chemtue Jowanpa chaxwannu to sile alox ang nguiüihex, khünakbu a longtsyentua tokya longkunbu nuk to khünüi ilaxle hax tho üntoxle Jowanpa tsak-zong hia chix fuazang tuntho angkya paole azang ang azongüi.

1 SAMUEL 13:6

Ifüima hwome Israel nok to za-adünle single hüi, ikhoma Israel nokbu khosam ashukle ban ma thom. Israel nok züizüi longlua hia tswomkha chichangba longnuk hia thapshua tamchu tüküi, ibu ningkya khato azwonle ngo;

KAXFÜNPA-HWOM 6:2

Israel nok füi Midi nok wüi tsak-zongle chang, ilaxle Israel khünakbu hwom thoto longkun hia haxhuachi chingünkya nui to azwonle ngo.

ISAIA 34:5

Jowanpae chix changlo zangkangting to achwonle tüile, athax ijae Edom to thupüi; ibu khünakbu a amüt angkya wüile ahaidaokyabu changle.

EZEKEL 25:13

Athax kue ngaipu, kue Edom nok to zothupüi ilaxle ikhato tüikya khünak hia müi pangwüi langüi. Kue ija haxtok a, Teman tingnu makhange Dedan tingnu alople chilaxli haxtok ang achangüi, ilaxle khünakbu a zanhok ma max ang tomüi.

MALAKI 1:3

ikoxle Esau hia chix sixli hwom to a miktsakpu. Esau haxtok haxhuabu a kue chemchu chitüikya haxtok ang achang laxle shwonbu ngwotnui ang toxpu.”

MALAKI 1:4

“Kwom tingnubu a amadaokya changpu, ikoxlechu ibu kwome zingle laxüi”, le Esau sixli Edom noke jang akax, Jowanpae hwom kax to lanüi: “Hwome ibu tamchatlechu naxzingkox--kue ibu anaole chuwüi pünle ama angkya changle. Khünaknue hwom ang ‘Othuithuima hwom füi Jowanpa ang mongtsikle ngokya ochax chaxwan’ le nyaküi.”