JEREMIA 49:2 - OTSAO BAIBEL (BSI)

² Ikoxlechu kue Rabbah pongwün tingnu angkya khünaknu ang zanzing atat ang tom angkya hanpak nguile hüile, ilaxle ija a amale dantoxüi ilaxle ija angkya tingkhuabu a zokle ashun toxüi. Ifüimatix hwom chak tokya pale laxkyabu chak tokya Israel khünaknue ija haxtok tamchatle kopüi.

JEREMIA 49:2 ပူးပေါင်းရင်းမြစ်များ

JEREMIA 4:19

Kakle! Kue adu ang chithole kakle! Ku khaxtua! Ku khaxtua zongbakle jao twople! Ku dangjale ngo ang müntho; Kue nyazongbu zing atatle azan ang akhongkya zingbu a.

EZEKEL 21:20

Khünak tuitae wanghompa hama Amon nok tingnu Rabbah tole angkya lom tamchu Judah nok tole angkya lom tamchu ziakople thomkya Jerusalem tingnu tole angkya lom ahole koxüi.

TSAITONG-KAXTONG 3:11

Refaim khama Bashan nok wanghompa Og ma akiakya changkya. Chix mangsuak long füi zingkya a, onok ziathüt ma, okhao ma fut azok ilaxle ojang ma fut 14 changkya. Ija a athax kople Amon nok tingnu Rabbah ma ngün ang tsuak.)

AMOS 1:14

Ikhokhoma kue Rabbah tingnu to wün ajo laxle tingtui tokya long katuk hia zanhunuibu zokle ashunüi. Ifüima azankya nyix sungdünle akhongkya tüiüi, ilaxle azankya a cheinu-watnu lailaile tüle shixle male changüi.

2 SAMUEL 11:1

Ifüi angkya tso-hi-wa zit ma, wanlom ningle wanghompa zan to kakya zanglao, Dawid-e, chix nguakax-wangkhobu hia süpahibu füi Joap a zan to akat. Hwome Amon nok zan to lüt ilaxle Rabbah tingnu hwople kop. Ikoxle Dawid chix tomtata a Jerusalem ma nui.

JEREMIA 49:1

Ija a Amon nok bama akaxkya Jowanpa kax changle: “Israel khünakbu omaxün? Hwom haxtok khose ang owachu müntüi hia? Hwome büthüikoxle Molek baozang to shwomkyabu ang Gad hwom haxsüt koplaxle ikhato ngo ang tompu?

MÜNCHUAK-TSAI 97:8

Zaion angkya khünaknu mongmüile, ilaxle Judah angkya tingnubu pwonla dongle Jowanpa, nang kaxfünbu khoma a.

MÜNCHUAK-TSAI 48:11

Zaion tingnu angkya khünaknu ang mongmüi ang tomkox! Nange sukya kaxfün fakoxle; Judah angkya tingnubu ma mongmüi naxtüikox!

HUAKE LAIPEX 21:25

Idaile Israel khünakbue Amor nok tingkhuabu pangwüi lax; Heshbon ilaxle ija akhople tüikya tingnubu pangwüi, ilaxle ibu ma hwome tingtan-nokzing.

OBADIA 1:19

“Shuathongchi Judah angkya khünakbue Edom haxtok kopüi; hannopchi haxnucha ma ngokyabue Filistia haxtok kopüi. Efraim hia Samaria haxtok a Israel noke kopüi; Benjamin khünakbue Gilid haxtok laxüi.

HUAKE LAIPEX 10:9

Chemtue hünzom haxtok ma zan laile, hünzom to single hüikya zanpa chak tokya ma khosün ang azongle ngopuix, ipongma chaxkhong-zankha apukle ibu nyazong mütkox. Jowanpa kue hünzom a ochax-ozan pangnu chak tokya azün ang hünzom to asuüi.

TSAITONG-KAXTONG 13:16

Ikhama ngokya khünaknu tuina komkaile afoxlaxle tingtan mong ma athünkox. Ilaxle Jowanpa hünzom Zang ang tuita tö koxkya ningle, ija tingnu tamchu ima atüitüi komkaile zokle ashundao. Ija a tamchatle zingkya chitüile othuithui hanpak ang thom-mwonle naxngo.

JIHUSUA 17:11

Isakar hia Ashar nyi haxsüt mong ma, Manasseh-e Beth Shan hia Ibleam nyi hwom tinglongbu füi tomle, Tinu kax ma tüikya Dor, Endor, Tanak, Megido iboma akhople tüikya tinglongbu, chix haxsüt ang kop.

JIHUSUA 17:16

Hwome lan: “Haxhuachi a kwom zongto ojao münngui ikoxlechu haxsha angkya Kanan nok ma man-kanlin jan füi zingkyabu tüihule. Beth Shan hia ija akhople tüikya tinglongbu ma ngokya tamchu Jezril haxsha ma ngokya pangwüi ma tüile.”

ISAIA 17:1

Jowanpae thüi: “Athax Damaska a tuita tingnu le münngoüi; ija a tingmaxdaokya tamting tuita ang ngoüi.

ISAIA 11:14

Okhi athütlaxle hannop chikao ma Filistia nok to singüi ilaxle handün chikao ma ngokya khünakbu tingtakle amütüi. Hwome Edom hia Moab nok hwom chak to hwople kopüi, ilaxle Amon noke hwom kax ma laxle tüiüi.

EZEKEL 21:25

“Hünzom chichang-chizangkya, hünzom Israel nok lompa chitsaokyabu, hünzom hanpak-zanghan, hünzome oshuk sikngün apong angkya nyix a hüile ngole.