JEREMIA 48:44 - OTSAO BAIBEL (BSI)

⁴⁴ Tuma-wanshix thoto paole azang ang azongkya khünak a tswon to dütüi, ilaxle tswomkha tokya laile paokya mix a tai ma manüi, chemthüikoxle Jowanpae ile Moab nok amüt angkya hanpak zanghan tyale changdaoa.

JEREMIA 48:44 ပူးပေါင်းရင်းမြစ်များ

JEREMIA 11:23

Anathoth angkya khünaknu hato thama ahüi angkya kue lyet-hantyale changdaoa, ilaxle ija hanpak nguile hüikya zuma, hwom tuita chu azang ang münkop.”

1 WANGHOMBU 19:17

Hazael chak tokya chilangle opang azangle tsuaklaxpuix Jehu-e langüi, ilaxle Jehu chak tokya chilangle opang azangle tüilaxpuix Elisha-e langüi.

AMOS 5:19

Ija a owawa mailang thoto paokya mixe chep apongle laxkya ningle changüi! Chichangba owawa hom to nguilaxle katuk ma achuakle changkya füi tomle pue tule laxkya ningle changüi!

JEREMIA 46:21

She-e shakle apüikya süpahibu ngaxchu chingcha ashukle maihusa tuita ningle. Hwom a zan tunthoma chiajong ilaxle chiazan; hwom pangwüi tok ahole zikle pao. Hwom max angkya nyix-hi-hanpak nguidaoa, hwom amüt angkya tunu-wansa a.

MIKA 7:4

Hwom khama ataxle sukya mix to lünle hingzang tukux thatha ngaxchu münchang. Chixe hwom nyetmix, ajebu makhange kaxkhün koxle hüikya ningle, Zang-e chix khünaknu to sikngün ang tom angkya hanpak nguile hüile. Athax hwom a khosam ma tüile.

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

JEREMIA 51:18

Hwom ma laxli chitüi ilaxle ajao-ahaile chang angkya wüi; hwom füi asax-amok ang Jowanpa nguikya zuma hwom a amüt angkya changle.

JEREMIA 23:12

Hwom lengokya lomtang a lomnün tamchu zangnak changpu; kue hwom chikho suale ati ang tomüi. Kue hwom hato thama-thomshix apüi angkya changpu; hwom to sikangün angkya hanpak nguile ngole. Ku, Jowanpae ija kax akaxdaoa.

JEREMIA 16:16

Jowanpae thüi: “Ibu khünaknu kop angkya hanpakma kue nyaxlwot mixbu huanuma apao ngopu. Ifüima kue müihapmixbu huanuma, haxnu hia haxhua tamchu longkun hia longlua pangnu khato hwom to hap ang apaoüi.

JEREMIA 10:15

Ibu a laxli chitüikya ilaxle ajaole chang angkya oli; chemtue hwom wai ang Jowanpa nguiüihex ibu a amale awüt angkya changle.

ISAIA 24:18

Thama chak tokya azangle pao ang azongkya pangwüi tswomkha ma dütüi, ilaxle tswomkha chak tokya owa azangle paolaxpuix, ibu pangwüi tai ma amanüi. Ojao chithwonkya zangwat watnu zangdingkho tokya thokle adütüi, ilaxle chaxwannu nui-ting aloxle changüi.

ISAIA 10:3

Zang-e hünzom to zothuple changkya zuma hünzome chem moklaxüi? Chixe tsailo nok tokhange hünzom hato thama apüi ang tomkya zuma hünzome chem moklaxüi? Hünzom to asun angkya lomle hünzom ojong to paolaxüi? Hünzom tuinabu hünzome ojongto khomle thomlaxüi?

1 WANGHOMBU 20:30

Azangle changkyabu a Fek tingnu to pao, ikhato hwom 27000 khünaknu ding ma tingnu katuk tsunle düt. Benhadad chuwüi ija tingnu to paole azang ilaxle hwom nok chito azwonle ngo.

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

JEREMIA 50:24

Babilon, nang ku füi azanpu, ilaxle nang a kue nang tsünle thomkya ma manpu, ikoxle nange ija chitsing.

JEREMIA 50:27

Hwom süpahibu komle lang kox! Hwome hütle lang kox! Babilon angkya khünakbu a maxdaoa! Hwom to sikangün angkya hanpak nguile hüidaoa!” (

MANGSOP 3:47

Kwom a thama-thomshix hia amale toxkya ziamong makhange le; kwom a thomzün ma hia zakya chifün ma ngo.

ISAIA 24:17

Ku kax apahüi, pangnusae wüi! Thama, tswomkha, tai, ibue nang tanle ngole.

JEREMIA 49:8

Dedan angkya khünaknu, aküilax ilaxle ziklax! Azwonlax! Kue Esau su-sa hwom amüt angkya changle chemthüikoxle kue hwom to sikangün angkya tunu nguile hüidaoa.