JEREMIA 48:29 - OTSAO BAIBEL (BSI)

²⁹ Moab a müimamale ngamle! Ibu khünakbu chemtukux ngamle, künngam-mongngame awangle, tamchu mixdyen-mixlale tüipuix, hwome hwom hanpakma alüile chemtukux ajangtüipuix, ibu kue atatle hüidaoa.

JEREMIA 48:29 ပူးပေါင်းရင်းမြစ်များ

ISAIA 16:6

Judah angkya khünakbue thüi: “Moab nok a tüle ngamkya nok ta kwome atatdaoa. Hwom a mongngam hia mix ajao adakya khünakbu changpule kwome awanle, ikoxlechu hwom tsaichong-kaxbongkya chem angchu münchang.”

MÜNCHUAK-TSAI 138:6

Nang a thak to tüle tsuale tüiünbachu, nange puipa-naipa hwom to hume, ilaxle ongam füikyabu nang miksho angkya azwonle azang ang chitho.

JAKOP 4:6

Ikoxlechu chixe fakya chingcha ifüi sütsexkya changle. Chemthüikoxle Otsao Lai-e thüile: “Ngamkyabu to Zange abaxle, ikoxle puinaikybu ang chixe chingcha fale.”

KAXHO MÜIKYA LUK 14:11

Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

WANWÜNKAX 30:13

Züizüi khünake hwome tüle müile: oh chemkuxma müitsuak puix, le thütle ngokyabu tüile!

WANWÜNKAX 18:12

Puinaile machang tanto owa tochu achuak-achenle münchang; mongngam füikya khünakbu a omüt lom to tüile.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

WANWÜNKAX 21:24

Ku hama mongngam füikya mix ahohüi, kue nang hama khünak ang khünak le chinyakkya mix ahofang, ongam hia ojao mixshankya chitüikya mix a.

ISAIA 13:11

Jowanpae thüi: “Kue chaxwannu hato thama apüiüi ilaxle hwom ochax khoma ochax khünakbu to sikangünüi. Kue mongngam füikyabu pangwüi adangüi ilaxle mix kax to na chithale hia mongshix-mongmale tüikyabu pangwüi to sikangünüi.