JEREMIA 48:26 - OTSAO BAIBEL (BSI)

²⁶ Jowanpae akax: “Moab to jutok ang laxkox, chemthüikoxle ijae ku zongto chichangle tüidaoa. Moab a ma fat dingma alüile atüiüi, ilaxle khünaknue ija chanyile changüi.

JEREMIA 48:26 ပူးပေါင်းရင်းမြစ်များ

JEREMIA 51:39

Hwom nüfux füikyabu hia? Kue hwom hanpakma püntux ang achwonüi ilaxle hwom to jutokle mongmüi-pwonla ang tomüi. Hwom jipüi ija tamchatle chizoüi.

JEREMIA 48:42

Moab a amütüi ilaxle ojat-oli tuitale chingoüi, chemthüikoxle ijae ku zongto chisumüile tüidaoa.

ISAIA 29:9

Aham ngokox ilaxle ongat ma ngokox! Aham ngokox ilaxle mik apwomle ngokox! Ju ngax chiling homtoxle tokle ngokox! Ofun tuita chiling homtoxle shu-shüile ngokox!

ISAIA 19:14

Jowanpae othai lom apuale fa angkya hwom ang kho asamle kox. Ija khokho ma, Ijip noke pangwüi othaithai mok ilaxle jutok mix chix fat ding ma alüile jiple ngokya ningle mixshixle ngün ang tom.

DANEL 5:23

Nange zangkangting tokya Jowanpa zongto chichangle mok, chix Zangshwom-Hom tokya apüikya wansa hia khupbu to nang e twonpu. Nang, hünzom nguakax-wangkhobu, nang kakonubu tamchu hünzom danuchabue ibu tuina ma ju-khan lingle changpu ilaxle hun, khop, wi, jan, pün hia long, ibu füi zingkya baozangbu to hünzome shwompu: baozang ibu a ngün ang chitho, atat ang chitho chichangba mok ang hia tütali awanle lax ang chithokya baozangbu. Ikoxle nang ozün ma thom angkya hia zi ang tom angkya tamchu nangsüt-nangmwot pangwüi nuazing tsuakle hume ngokya Zang ang mix a nang e münchong chifa.

MANGSOP 4:21

Edom hia Uz nok, nyikox ilaxle mongmüi ang tsuakle tüipongma mongmüikox. Hünzom max angkya chuwüi nguingole; hünzom chuwüi tomhua ma zakkop-pale hule ajongüi.

JEREMIA 51:7

Babilon a ku chak ma hun wansa tuita ningle, zangfang pangnu to tokle ngokya dai. Chaxwannu noke ija ju ling ilaxle hwom ang khangka samle pao.

JEREMIA 48:39

Moab a ashixle awütdaoa! Akhongle soplax! Moab-e zakkop ang tomdaoa. Ija a pünle ama thomle, ilaxle tomzi nokbue ija chanyile. Ku, Jowanpae ija akaxdaoa.”

LAIPAO 5:2

Wanghompa-e atüi: “Jowanpa a owa? Kue büthüikoxle chix kax ma lax üntoxle Israel khünakbu danle apao angkya? Kue Jowanpa mün müntsing; ilaxle kue Israel khünaknu pao ang müntom.” Ile wanghompa ang mongtsak.

MIKNGÜN-OHÜN 16:19

Achongkya tingnu azom ang achangle ahak, ilaxle pangnu chaxwan tokya tingnubu amüt. Zange Babilon tuita chongkya tingnu texle atak, ilaxle chix wansa angkya ju oja tüle chix mongtsikkya ju changpuix, ija ling ang tom.

2 THESALONIKA 2:4

Chixe zang le athüiüi pangnu füi chichangba shwomkya oli pangnu füi alünüi ilaxle chix hwom pangnu thak tokya ang achangüi. Chix zangshwom-hom to nop ilaxle thungüi üntoxle chix a zang changpu le thüiüi.

HABAKUK 2:16

Hünzome münchong lüi ma thünzak mix kople changüi. Hünzome alüile juling saxsaxle changüi ilaxle jutok saxngat mix to hukya ningle mixe hünzom to huüi. Jowanpa chix jaoe hünzom mongtsik pe hünzom ang wüi alingüi, ilaxle hünzom münchong a thajao wünhai ang changüi.

NAHUM 3:11

Ninewi, nang chuwüi jutok-saxngat mix ang achangle paodaoüi! Hünzome chuwüi ma zanpabu chak tokya azangle pao ang azongüi.

DANEL 11:36

“Siria nok wanghompa-e chix mongtextex ma moküi. Chix a baozang pangnu füi chix wüi achongkya changpu, Khüthak Zang füi ngaxchu chix wüi achongkya le angam.

MANGSOP 3:15

Chixe ku ang sütling makhange zoshunle sikngün apong ang tom.

MANGSOP 1:21

“Apalax ku wotkya zing to; ku ang mong asomle fang angkya owachu chitüi. Nange ku hato thama ahüikya ngünlaxle ku zanpabu ang tüle mongmüile. Apüihüi nange tsaosaxkya nyix; ku sikngündaokya ningle ku zanpabu sikngün ang tomkox.

JEREMIA 51:57

Ija ma apün-awangkyabu to kue jutok ang tomüi— jetüi-hwonlangkya khünakbu, lompabu, ilaxle süpahibu, ibu pangwüi to. Hwom jipkya tamchatle zo ang müntom. Ku, wanghompa-e ija akaxdaoa; Ku a Jowanpa Khüthak Zang changle.

ISAIA 63:6

Ku mongtsik füi kue chaxwannu nok to cha füi nak ilaxle hwom tingle akhün. Kue hwom aji a hax ma thokle ajen.”

ISAIA 51:17

Jerusalem, zolax! Nang lualua to nang laoxle zolax! Nange sikngün pe lingdaoa ija a Jowanpae chix mongtsik ma nang ang alingle; nange ija lingle jok, ilaxle ijae nang shu-shüile achangpu.

ISAIA 10:15

Ikoxlechu Jowanpae akax: “Twonkya mix füi ma wüi achongkya changpule wa-e akax ang tho ang chami? Ija twonkya khünak füi janzütbit wüi achongkya changchami? Kiathox-e khünak nwonkya münchang ikoxle khünake mix kiathox nwonpu.”

MÜNCHUAK-TSAI 75:8

Jowanpa-echix chak ma wansa tuita twonlaxle tüile. Ija ma chix mongtsik jue awang laxle tüile. Chixe ija thokle kox, ilaxle chichang-chizangkya khünak noke ling; hwome ija othongkim to lünle ling.

MÜNCHUAK-TSAI 60:3

Nange nang khünaknue sikngün huanu apong ang tomle; kwom a jutokmixbu lailaile khotukhonguile ahamle.

MÜNCHUAK-TSAI 59:8

Ikoxlechu Jowanpa, nang hwom chanyipu; nange songsaribu pangwüi ajaopu.

MÜNCHUAK-TSAI 2:4

Chix ngwotnui zangkangting tokhange Jowanpa-e chemchu chichangkya katzua hwome zingkya ajaole chix nyi.

JOB LAIPEX 9:4

Zang je hia tsak-zong füikya changpu; chix füi alünle ajong ang owaechu münthopu.

LAIPAO 9:17

Ikoxle nang athax kople angam laxle chix khünaknu danle chiapao.

ISAIA 28:8

Hwom ngwotnui-tüntong pangwüi hwom fat füi awang, ile tsaokya onui ikuxsa chitoxle ama.

DANEL 8:10

Ija a zangkangting süpahibu hia lyettsibu füi jao azan ang tsuakle janzüi tüile chong, ilaxle ijae züizüi a hax to tswonle awüt ilaxle ibu ding ma cha füi ting.

JOB LAIPEX 15:25

Pangnu to lütkya Zang zongto chak ahale ngamkya khünakbu hanpakma ija a hwom osho changpu.

JEREMIA 50:29

“Sanhap füikya süpahibu ang Babilon to sing angkya akaxkox. Sanhap twon ang mankyabu pangwüi tomle akatkox. Tingnu akhople kopkox ilaxle owachu paole azang ang taxtom. Ijae mokdaokya pangwüi olüix khomkox, ilaxle ijae mix to chemle hwondaopuix ijaningle chix to hwonkox, chemthüikoxle tuita Israel nok Otsaopa, ku zongto ongam füi chixe mokdaoa.