JEREMIA 48:13 - OTSAO BAIBEL (BSI)

¹³ Ifüima Moab nok a hwom baozang Kemosh füi zakkopüi, ija a hwome mongongle tüikya baozang füi Bethel ma Israel noke zakkopkya ningle changüi.

JEREMIA 48:13 ပူးပေါင်းရင်းမြစ်များ

JEREMIA 48:39

Moab a ashixle awütdaoa! Akhongle soplax! Moab-e zakkop ang tomdaoa. Ija a pünle ama thomle, ilaxle tomzi nokbue ija chanyile. Ku, Jowanpae ija akaxdaoa.”

ISAIA 45:16

Opange chapabu zingle changpuix hwom pangwüie thünzak kopüi; hwom pangwüi ema chilaxle awütüi.

KAXFÜNPA-HWOM 11:24

Hünzome ija tamchatle lax ang azong ngopia? Hünzom baozang Kemosh-e hünzom ang koxle tüikya haxtok hünzome kople thom ang tsuaküi. Ikoxle Jowanpa kwom Zang-e kwom ang koxdao pupu haxtok bakle kwome kople thom angkya wüi changpu.

JEREMIA 48:46

Moab nok to chingchahu a! Kemosh to shwom-töle ngokya khünaknu amütdaoa, ilaxle hwom sasün hia sacha hwom a zanda ang koplaxle paodaoa.

JEREMIA 48:7

“Moab, nange nang tsak-zong hia nang ma tüinangkya to mongongle, ikoxle athax a nang to ngaxchu lütlaxle kop angkya changle; nang baozang Kemosh a zanda ang pao angkya changle, chix füi tomle mamixbu hia zompu-zangpabu kople paoüi.

ISAIA 45:20

Jowanpae thüi: “pangnusa asox hüi, chaxwannu nok angkya khünakbu, wangting max pongma azangle tüikyabu pangwüi; hünzom a thwonle ano ang koxlax! Khünaknu opange hwom kux pün chapabu füi tüipuix opange hwom azün ang chitho angkya baozangbu to shwomle ngopuix — khünaknu opange chemchu chitik-chiwanle tüipuix!

ISAIA 16:12

Moab angkya khünaknu haxhua tokya baozangbu shwomnui hia hwom baoshwom hombu to zangjop ang paokyakyae na-juale max, ikoxlechu ijae hwom ang chemfün amüikya chitüiüi.

ISAIA 2:20

Chemtue ija nyix nguile hüiüihex, hwome khop hia hunbu füi, mae alüile zingle thomkya chapabu tswonle awütüi, ilaxle ibu a thufa hia opak-pakpebu ang danle toxüi.

1 WANGHOMBU 18:40

Elija-e kaxkoxle thüi: “Bal ajebu pangwüi kopkox, hwom tuitachu paole azang ang taxkox.” Khünaknue hwom pangwüi kop, ilaxle Elija-e hwom Kishon shuanu to jo laxle hwom pangwüi langle awüt.

1 WANGHOMBU 11:7

Jerusalem zongma handünchi angkya haxnu ma chixe Kemosh, nushix dongkya Moab nok baozang hia Molek, nushix dongkya Amon nok baozang nyi to shwom angkya onui zing.

1 WANGHOMBU 11:33

Solomon-e ku awüt laxle mixnok baozangbu to shwomle changkya khoma kue ija ile mok angkya changle. Chixe Sidon baozangchanu Astarte, Moab nok baozang Kemosh; ilaxle Amon nok baozang Molek, ibu to shwom. Solomon-e ku kax ma münlax; chixe chisule mokdaoa ilaxle hopa Dawid ningle ku wanlom hia kaxtombu münthom.

JEREMIA 48:12

“Ikhoma athaxpi, grepti-ju thokle awütkya ningle Moab thokle awüt tox angkya khünak ahüi angkya ku hanpak nguile hüidaoa. Hwome grepti-ju thua ibu ahuaüi ilaxle pe ibu akhixle awütüi.

2 PUKAX-PANGAO 25:15

Ile changkyae Jowanpa ang mongtsik adün, ikhoma chixe Amaziah hato ajepa ahüi. Ija ajepae ngangle sa: “Nang chak tokya hwom khünakbu khosele kop ang ngaxchu chithokya mixnok baozangbu to nange büthüikoxle shwompu?”