JEREMIA 47:6 - OTSAO BAIBEL (BSI)

⁶ Hünzome akhong, ‘Jowanpa changlo! Nange chemtukux hanle paoüi? Nang changkhep mongto chatlax, ilaxle ikhama nazak laxle ngolax!’

JEREMIA 47:6 ပူးပေါင်းရင်းမြစ်များ

JEREMIA 12:12

Sak-hax angkya haxkho akaile khünaknu a tsui ang nguile. Haxtok komkaile olithu ang kue zanhok ahüidaoa; owachu tumüi-lomkhaole ngo ang müntho.

JUHAN 18:11

Jisu-e Pitar ang thüi: “Chang a züpak ma latdao! Apae ku ang koxdaokya sikngün wansa kue chiling koxle müisele nange texpia?”

EZEKEL 21:30

“‘Changlo sholax! Hünzom zingkya onui ma, hünzom puxkya haxtok ma kue hünzom to kaxfün fa angkya changle.

EZEKEL 14:17

“Chichangba kue ija onok hato ochax-ozan hia thama adün angkya chang-paxbu ahüiüi ilaxle khünak-mixsa hia müi tomwüi olithu ang tomüi.

JEREMIA 25:27

Ipongma Jowanpae ku füi akax: “Ku Israel nok Jowanpa Khüthak Zang-e, tokle hia fatle machang machangle tamchu hwom nguak laxle zo ang chithole machang machangle ling angkya kaxtom koxle le khünaknu hama wünkox, chemthüikoxle kue hwom hato ochax-ozan ahüile ngole.

JEREMIA 15:3

Hwom to khompua-zadünkya thama oli ali ibibi chang angkya bama ku, Jowanpae mongzangwünle tsuakdaoa: hwom a zanhok ma langüi; hwom mangbu a hibue linle paoüi; osabue ibu saxüi, ilaxle ota danle toxkyabu a faomüibue jokle lingüi.

JEREMIA 12:4

Kem haxtok a chemtukux zuale zan-ngoüi, ilaxle haxsha angkya hingzang pangwüi azanle aziküi? Müi hia osabu a zingole ija a kem khünaknu chichangchizangle tüikya khoma changle. Khünak ibue thüile, ‘Keme mokkya mwot Zang-e münngün.’”

JEREMIA 4:21

Zanhok shixkya to kue chemtukux hule ngoüi ilaxle nyazongbu mütle angaokya apale ngoüi?

ISAIA 10:15

Ikoxlechu Jowanpae akax: “Twonkya mix füi ma wüi achongkya changpule wa-e akax ang tho ang chami? Ija twonkya khünak füi janzütbit wüi achongkya changchami? Kiathox-e khünak nwonkya münchang ikoxle khünake mix kiathox nwonpu.”

ISAIA 10:5

Jowanpae thüi: “Asiria! Kue Asiria a ku mongtsikle tüikyabu to sikngün fa angkya hanpakma tuita kiathox ang twonpu.

MÜNCHUAK-TSAI 17:13

Jowanpa, hüihüi! Ku zanpabu to abaxkox üntoxle hwom to lütkox! Nang changlo füi baozangbu chak tokya ku khosünkox.

1 PUKAX-PANGAO 21:27

Jowanpa chix changlo dan angkya hanpakma akax, ilaxle kaxtaimixe ija kax ma lax.

2 SAMUEL 2:26

Abnar-e Joap nyakle akhong: “Kem othuithuima azanle zihaxle hia? Oshuk ma keme tata füi mongma kopkya boma kop angkya chemchu müntüiüile münawan hia? Kwom chuwüi hünzom füikya nokta-zata changpu. Nang khünakbue kwom achuale ngokya zak ang athaxchu hanpak chemtukux laxüi?”

KAXFÜNPA-HWOM 7:20

Mama othom anyie chuwüi ile chang. Hwom pangnusae wüi wünnan thop tsaxchi ma twon, ilaxle akhong: “Kwom changlo a Jowanpa hia Gideon nyi hanpakma!”

JEREMIA 48:10

Künkox mongkoxle Jowanpa mwot chimokkyabu to thuakzomle changkox! Chang syet laxle mix chilangkya mix to thuakzomkox!)

JEREMIA 50:35

Jowanpae thüi: “Babilon nok hato zikmüt-mangkho! Ija angkya khünaknu hato mikmüt, ija ma apünkyabu hato, ima jetüi-hwonlangkya khünakbu hatochu.

ZEKARIA 13:7

Jowanpa Khüthak Zang-e thüile: “Changlo, zolax ilaxle chunnyetpa to singkox Chix a ku mwot mokkya mix changle! Chix lang kox, ikoxtix chunbu afale paoüi. Kue ku khünaknu to singüi