JEREMIA 45:5 - OTSAO BAIBEL (BSI)

⁵ Nange nang hanpakma süile hume fa angkya olom lomle ngopia? Ile otuechu taxmokngozi. Kue khünaknu pangnusa hato thama-thomshix ahüile ngopu, ikoxlechu nang a, nang apaopao khato khangkho sünle ngo ang tomüi. Ija kax Jowanpa, kue akaxdaoa.”

JEREMIA 45:5 ပူးပေါင်းရင်းမြစ်များ

JEREMIA 39:18

Kue nang ozün ma panle thomüi, ilaxle nang mik amüt ang müntom. Nange ku to mongong thomle changkya khoma nang a zi-max ang müntom. Ku, Jowanpae ija akaxdaoa.”

IBRI 13:5

Ngun to kün-luakya füi hünzom atsaile ngolax, üntoxle hünzom ma ma tüikya füi mongzom müile ngolax, chemthüikoxle Zange thüile: “Kue nang otuechu danle müntox; kue otuechu nang awütle müntox.”

JEREMIA 21:9

Tingnu ma angongo pangwüi zan ma chichangba woknuak ma chichangba kaklak ma zi ang tomüi. Ikoxle ikha angkya laile paolaxle, tingnu to single ngokya Babilon nok tuntho to chak ajongle changkyabu, hwom a lang ang müntom; hwom a ma khangkho azangle pao ang danüi.

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

ZEFANIA 3:8

“Jowanpae thüi: ‘Nuibang!’ Kue jat-libu pangwüi ma tsaitox-kaxfele changkya nyix tanle nuilax. Kue ku mongtsik mongma tsak-zong atsangle hüikya hwome awanle laxle chang angkya hanpakma jat-li hia wangtingbu asox ang tom angkya ku mong ma zangwünle tsuakdaoa. Ku küntsik-mongmakya chaxwannu pangwüi max ang tomüi.

JEREMIA 38:2

“Tingnu ma opangsa ngolaxüihex, hwom a zanhok ma chichangba woknuak-tilan ma chichangba okak-olak ma ziüi. Ikoxle opangsa koto lailaxle Babilon nok chak to ma alüile koxle changüihex hwom a münziüi; hwom a mik chimaxle thüingaxchu azangle pao ang kopüi.”

2 WANGHOMBU 5:26

Ikoxle Elisha-e thüi: “Ija mixsün nang füi apong ang man-kanlin kho tokya thaile changpongma chasa ma ku ikhama müntüikya hexmi? Ija a ngun, nyi-za olip-münga hia grep ziak, chun hia maihubu chichangba dabu pongle kop angkya hanpakma münchang!

PONGWANG LAIPEX 6:12

Zang-e chaxwannu to hule ano koxle ija a ochax ang changdaoale ngün, chemthüikoxle khünaknu pangwüi chichang-chizangle ngole tüikoxle.

ISAIA 66:16

Chaxwannu angkya khünaknu opang thaile changpuix ibu to wün hia changlo füi chixe sikngün faüi — ilaxle mik max ang tomüi.

1 WANGHOMBU 3:9

Idaile nang khünaknu thakma kue sukya kaxfün fakya füi tamchu omüi hia oma ajatle awanle apün ang thokya lima ku ang je-hwon fahüi. Ile chichang thüiningle ibibikya nang khünaknu kue chemle apünthoüi?”

1 WANGHOMBU 3:11

ikhoma chixe Solomon ang thüi: “Nange tsünlo-zaknuile ngo angkya, ahak-aluale tüi angkya chichangba ma zongto zanpabu ozik-omüt bama jukya füi nange sule apün-awang angkya hanpakma je-hwon wüi jule changkya khoma,

MÜNCHUAK-TSAI 131:1

Jowanpa, kue ku mongngam awütdaoa ilaxle mawüi achongkya le texkya füi ku atsaidaoa. Tüpong chongkya tuina hia kue chitsing tsuakkya zangwün bama ku khosamle münngo.

JEREMIA 25:31

ilaxle ija ozing a haxtua-zangnam alople kaüi. Jowanpa ang jat-libu füikya tsetwon-zangwün tüile. Chixe khünaknu pangwüi kaxtik ang sele apüiüi ilaxle chichang-chizangkya khünakbu mik amütüi. Jowanpae ija kax akaxdaoa.’”

JEREMIA 25:15

Jowanpa, Israel nok Zang-e ku füi akax: “Ikhama ku mongtsike awangle wansa tuita tüile. Kue nang tomle apaole nok pangnu hato ija laxlaxle paokox, ilaxle hwom ang ija angkya alingkox.

JEREMIA 25:16

Kue hwom hato ahüi ngokya chax-zan khoma, chemtue hwom ija angkya lingle changüihex, hwom a shushüile tamchu kho-anguile changüi.”