JEREMIA 43:7 - OTSAO BAIBEL (BSI)

⁷ Hwome Jowanpa kaxtombu kax ma chilax ilaxle Tahpanhes tingnu alople jao pao.

JEREMIA 43:7 ပူးပေါင်းရင်းမြစ်များ

JEREMIA 44:1

Ijip nok ma, Migdol tingnu, Tahpanhes tingnu hia Memfi tingnu, ibu ma ngole tüikya tamchu hwom haxtok shuathong chito ngole tüikya Israel khünaknu hato kaxho fa angkya Jowanpae ku füi akax.

JEREMIA 2:16

Changle, Memfi hia Tahpanhes khünakbue chix khangza thuple akangdaoa.

JEREMIA 46:14

“Ijip nok tinglongbu to ija apukle changkox, Migdol ma, Memfi ma, ilaxle Tahpanhes ma apuk-kox: ‘Hünzom ma kho awa ang achwonle ngolax; hünzom ma atüitüi komle zan ma amütüi changa!

ISAIA 30:4

Ijip nok tingnu Zoün hia Hans ma hwom nguapa tüichongbu nguile tüikoxchu,

EZEKEL 30:18

Chemtue kue Ijip nok tsak-zong thuple akhixlaxle hwom mongngamle tüikya janzüi olithule changüihex, ipongma Tahpanhes hato zangnaknu hüiüi. Ijip nok a zangfwome awangle changüi, ilaxle she tingnubu ma tüikya khünaknu a zanda ang koplaxle paoüi.

2 PUKAX-PANGAO 25:16

Ija kax apale Amaziah-e thüi: “Chemtu makhange kwome nang wanghom zün angkya wangnak-wangshem ang achang daopu? Nange taxakax ngo, kue nang langle awüt langa!” Ajepa kax zak, ikoxlechu chixe ija kax tsuakle tox: “Nange ibu mwot mokkya hia ku zünkax-saikax to na chithale changkya khoma, athaxpi Jowanpa nang mik amüt angkya mongzangwünle tsuakdaoale kue awandaoa.”

ISAIA 30:2

Ku ma chitik homtoxle hwom a Ijip nok hato tsaitik-kaxshole chang ang pao. Hwome Ijip noke hwom khose naxchangsele thüt, ikhoma hwome Ijip wanghompa to mogong.

JEREMIA 44:24

Kue khünaknu pangwüi füi, tamnüile chu shekobu füi, Jowanpa, Israel nok Khüthak Zang-e Ijip nok to ngole tüikya Judah khünaknu füi akaxkya ija kax akax: “Hünzome tamchu hünzom kakobue Zangkangting Baozangchanu füi tsaotsütle changdaoa. She hato töbu apüile kox angkya tamchu she to ju füi uale li angkya hünzome tsaosax, ilaxle hünzome ija ningle mokle hüi. Müihule! Hünzom tsaotsüt chiamale thomlax! Hünzom kaxtsao mokle lelax!

2 WANGHOMBU 25:26

Ifüima, Israel khünak, mixshix-zasa hia saxpu-luawang pangwüi, süpahi alixachongbu füi tomle, ikha dantoxlaxle Ijip nok to ka, chem ang thüikoxle hwom a Babilon nok thua za.

JEREMIA 41:17

Ija haxtok ma Babilon nok wanghompa-e gowarnor ang achangle toxkya khünak Gedaliah mik amütkop laxle hwom a Babilon nok thua zale ngo. Ikhoma Babilon nok thoto hwom Ijip nok to pao ang lai. Lomba to hwom Bethlehem zui ma Kimham ma nazak.

JEREMIA 42:21

Ilaxle athax kue hünzom füi akaxdaoa, ikoxle Jowanpa kem Zang-e ku makhange hünzom füi akax angkya kaxho kax ma hünzome ojao chiapa.