JEREMIA 43:5 - OTSAO BAIBEL (BSI)

⁵ Ifüima Johanan hia süpahi lompabue Judah ma danle toxkya khünaknu pangwüi koplaxle Ijip nok to ka; ikhama manoknok to chiakle asam thomkya chatkya khünak ibibi chuwüi tüikya:

JEREMIA 43:5 ပူးပေါင်းရင်းမြစ်များ

1 SAMUEL 26:19

Wanghompa, kue akaxse ku kax to tam apahüi. Nang ku zongto zan ang achangle paokya Zang tokhange jangchang, tö koxkya makhange chix mong alüix ang tsuaküi, ikoxle khünakbue alop-alüikya jangchang, Jowanpa thuakzom hwom hato naxhüikox, chemthüikoxle Jowanpa haxtok angkya hwome ku mixnok chaxwan to jwonle apaopu, ilaxle mixnok baozangbu to shwom angkya chifün ma ku asam thompu.

2 WANGHOMBU 25:22

Babilon nok wanghompa Nebukadnezar-e Ahikam sasün ilaxle Shafan zongto susün Gedaliah a Judah nok ma Gowarnor ang zing. Babilon nok to kople chipao homle dantoxkyabu to hume angkya mwot kox.

JEREMIA 40:10

Ku Mizpah ma ngolaxle Babilon nok ikhato nguikya zuma hünzom pangwüi mün ma ku apongüi. Hünzome a grepti-ju, pünziak hia olip münga, ibu asox-atomle ngo ang tsuak, ilaxle hünzom a ma chatsu-monglua ma tingkhua haxkha kamle ngo ang tsuak.”

JEREMIA 41:10

Ifüima chixe wanghom sacha hwom hia Mizpa angkya khünaknu pangwüi zanda ang kople pao; ibu a süpahi lompa Nebuzaradan-e Gedaliah fang ma ngo ang danle toxkyabu changkya. Ibu zanda ang koplaxle Ishmael a Amon nok haxsüt chikao makhange chat ang achex.

JEREMIA 41:17

Ija haxtok ma Babilon nok wanghompa-e gowarnor ang achangle toxkya khünak Gedaliah mik amütkop laxle hwom a Babilon nok thua zale ngo. Ikhoma Babilon nok thoto hwom Ijip nok to pao ang lai. Lomba to hwom Bethlehem zui ma Kimham ma nazak.