JEREMIA 42:5 - OTSAO BAIBEL (BSI)

⁵ Ifüima hwome ku ang thüi: “Kwom hanpakma nang makhange fakya Jowanpa kaxtom pangwüi kax ma kwome chilaxle jangtüi, ija bama ngünmix hia zangwün changle thom angkya mix a Jowanpa naxngokox.

JEREMIA 42:5 ပူးပေါင်းရင်းမြစ်များ

PONGWANG LAIPEX 31:50

Laban-e ile chuwüi thüi: “Nange kusanyi to chimüile hwon ilaxle mama sheko owawa tamlax le jangchang thüiningle, kue ibu awan ang chikop, ikoxlechu Zang-e kem to hule ngokya texle ataklax.

KAXFÜNPA-HWOM 11:10

Hwome lan: “Kwom mongtsule. Ija bama Jowanpa a ngünmix changle.”

MIKNGÜN-OHÜN 3:14

“Laodekia ma tüikya müimüithom angkya kaxtaimix hato zalax: “Ija kaxho a Zange zingkya pangnu li owang wangnui, mongong ma onyem üntoxle otsingtsing kaxkhi oja Amen hex, chix tokhange changle.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

MALAKI 2:14

Athaxpi chixe ibu büthüikoxle pongle chikop puixle hünzome atüi. Ija a hünzom naosom tanto tuiju-nasomle changkya ma kakonu füikya tsaotsüt hünzome amale changdaoa. She a nang üitho changkya. Nange mongong füi ngoüihex-ole Zang pomtho ma tsaosaxle changdao koxchu, nange she füikya ija tsaotsüt ama.

MIKA 1:2

Ija apalax, jat-li pangnu; ija to apalax, chaxwan ma ngokyabu pangnu! Jowanpa Khüthak Zang-e hünzom füi alünle kaxkhi koxüi. Apalax! Chixe zangkangting zangshwom-hom tokhange akaxle.

ROM NOK HATO ZAKYA POL LAIZA 1:9

Hosa bama Kaxho Müikya apukle mong bakle koxlaxle Zang owa mwot kue mokle ngolaxpuix, chixe ku zangwün otsingtsing changpu le kaxkhi fa ang thoüi. Kue zangjopkya foto hünzom texle atakkya Zange awanle.

JEREMIA 5:2

Hünzome Jowanpa to shwompule akaxkoxle chu, hünzome ija kaxwa akax wüi.

1 SAMUEL 20:42

Ifüima Jonathan-e Dawid ang thüi: “Nang füi Jowanpa naxtüi. Künyie tata füi tsaosax daokya zangwün künyi su-sa hwom tsün to lünle otya ma thom angkya to Jowanpae fonghüi.” Ifüima Dawid achexle pao, ikoxle Jonathan a tingnu to chat.

1 SAMUEL 12:5

Samuel-e lan: “Anyix hünzome ku ma thaikya onox chemchu müntüile thüikya zangwün bama, chixe kamle thomkya wanghompa hia Jowanpa nyi a ngünmix changle.” Hwome lan: “Changle, Jowanpa a kem bama ngünmix changle.”

LAIPAO 20:19

Hwome Mosa ang thüi: “Nange kwom füi akaxle jangchang kwome apaüi; ikoxle Zang-e kwom füi akaxle jangchang thüiningle kwom a zikoxlaxle zale.”

LAIPAO 20:7

“Ochax lom to ku mün Lünle taxchang; chemthüikoxle Jowanpa, ku hünzom Zang-e chichang-chizang lom to ku mün lünkyabu to sikngün apong ang tomüi.

JEREMIA 43:2

Ifüima Hoshaiah sasün Azariah hia Kareah sasün Johanan ilaxle kax ma chilaxle tüikya khünaknue ku hama akax: “Nang a atse ngole. Kwom Ijip nok to kale chingo angkya hanpakma kwom füi akax ang Jowanpae ahüikya münchang.

JEREMIA 43:4

Ikhoma Johanan-e wüi changlax chichangba süpahi lompabue wüi changlax chichangba khünaknu opupuechu Judah haxtok ma ngole chang angkya Jowanpa kaxtom kax ma münlax.

JEREMIA 42:20

hünzome chimokfang othai mwot mokle ngole. Hünzome ku ma kem Jowanpa to hünzom hanpakma zangjop angkya akaxpu, ilaxle chix kaxtom pangwüi kax ma laxle tüi angkya hünzome tsaosaxpu.