JEREMIA 42:22 - OTSAO BAIBEL (BSI)

²² Idaile hünzome ija mong ma koplax: hünzom a hünzom kalaxle ngokya haxtok to ochax-ozan chichangba woknuak-tilan chichangba okak-olak, ibu chak ma ziüi.”

JEREMIA 42:22 ပူးပေါင်းရင်းမြစ်များ

JEREMIA 42:17

Khünak opang Ijip to chatle kalaxle ngosele tsulaxpuix, ibu pangwüi ochax-ozan chichangba woknuak-tilan chichangba okak-olak ibu chak to maxüi, Hwom khama tuita chu ozün ma münngoüi, ilaxle kue ahüi angkya thama-thomshix chak tokya owae paole azang ang münthoüi.’

HOSIA 9:6

Chemtue thama hüipuix ilaxle khünaknu afale paopuix, Ijip noke hwom ta ma asoxüi: ija a Memfi ma mang akhün angkya hanpakma changüi! Hwom tuina khopjanbu hia noxta hwom hom-hax zailaxle tüikya haxtokbu ma hingzang hia hux nyemle tüiüi.

EZEKEL 6:11

Jowanpa Khüthak Zang-e akaxle: “Hünzom chak akhaokox! Hünzome chithom thongkox! Israel noke mokle hüidaokya chichangchizang mwot hia zakkop mwot, ibu hanpakma mongmale sopkox. Hwom a chax-zan ma chichangba woknuak ma chichangba kaklak ma mik max angkya changle.

JEREMIA 43:11

Nebukadnezar nguiüi ilaxle Ijip nok to lütüi. Okak-olak ma maxse khünakbu okak-olak ma wüi maxüi, zanda ang kople paosesechu pangwüi zanda ang kople paoüi, ilaxle zan ma maxsese chuwüi zan ma maxüi.

ISAIA 30:3

Ikoxle wanghompa a hwom to asun angkya zong chitüile changüi, ilaxle Ijip noke khosekya a thama ma ashuküi.

JEREMIA 44:12

Ota toxkya tamchu Ijip nok to kale ngo angkya mongzang wünlaxle ngokya Judah khünaknu, kue hünzom pangwüi amüt tsuakchale huüi. Hwom pangwüi, chongkya chu hixkya chu, ochax-zan ma chichangba woknuak ma Ijip nok to ziüi. Mikngün ma hwom a za-adünle changüi; khünaknue hwom chanyile changüi ilaxle hwom mün a othuak-ozom lom to lünüi.

EZEKEL 33:27

“Ku chemle khochisamle ozün ma ngokya Jowanpa Khüthak Zang hex, ija ningle pünle amadaokya tingnubu ma ngole tüikya khünakbu a khochisamle mik max ang tom angkya changpu lekya ku kaxkhün hwom ang fakox. Tingnu tokna to tüikyabu a faomüibue saxüi. Haxnukho hia longkunbu to azwonle ngokyabu a okak-olak ma ziüi.

JEREMIA 24:10

Kue hwom hato ochax-ozan, woknuak-tilan, ilaxle okak-olak, ibu apüiüi ilaxle hwom pupa hwom ang koxkya hwom haxtok ma hwom tuita chu chingole chang ang tomüi.”

EZEKEL 6:12

Tsailo to ngokyabu, hwom kaküi ilaxle zile paoüi; nuisox to tüikyabu zan ma maxüi; ozün ma tüikyabu a woknuak ma ziüi. Hwome ku mongtsik janzüi ibu pangwüi apongle hüiüi.