JEREMIA 42:2 - OTSAO BAIBEL (BSI)

² ilaxle ku füi akaxle thüi: “Kwome nang ang mok-hüi thüikya mwot shong-mok fahüi! Kwom hanpak ang Jowanpa kwom Zang to jople changhüi. Kwom ozün ma toxle tüikya pangwüi hanpakma jople fahüi. Hanpak tuita ma kwom a huanuma tüile ngokya; ikoxle athax a, nange ngün ang kople kwom hidaole wüi dantoxpu.

JEREMIA 42:2 ပူးပေါင်းရင်းမြစ်များ

JEREMIA 36:7

Owatsing hwome Jowanpa to zangjopüi ilaxle chichang-chizangkya khatokya hwom mongchatle chang ang tsuak, chemthüikoxle zongbakbak ma chix mongtsik mongma ashukle Jowanpae khünaknu aza-anale changdaoa.”

LIWI 26:22

Kue za-adünkya müima-nyaxshixbu hünzom hato ahüiüi, ilaxle ibue hünzom su-sabu langüi, hünzom tsom-pombu thomjoüi, ilaxle hünzom a hidaole wüi atale dantoxüi ikhoma hünzom lomtangbu a owachu chiahamle limüi.

JAKOP 5:16

Ijadaile hünzome tata hama ma ochaxbu ngaikox üntoxle tata hanpakma jopkox, ile hünzom kak-lak müi ang tomüi. Khünak mixmüi tuitae jopkya zangjop ma lap tüle-tüle tüile.

WANGSHEMBU MWOT 8:24

Simon-e Pitar hia Juhan nyi ang thüi: “Hünkhie akaxkya ku hato chemchu chingui angkya hanpakma chingchalaxle ku bama Jowanpa to jop-hüi.”

MANGSOP 1:1

Hanpak tuita ma khünake awangle tüikya Jerusalem, chemle wandangjale tüipuix! Hanpak tuita ma zangfange chathua zale tüikya, athax she a thanu ang changdaoa; Tingnubu khama sümüipupa a da tuita ang changdaoa.

ISAIA 37:4

Asiria nok chongwangpae khüzün Zang tha ajao ang chix nguakax-wangkho ahüile. Jowanpa hünzom Zang-e ija ajao-ahaile changkya naxatat kox ilaxle ibu akaxkyabu to chixe sikngün naxfakox. Idaile kem khünakbu opang ozün ma tüipuix hwom hanpakma Zang to jopkox.”

ISAIA 1:9

Jowanpa Khüthak Zang-e züizüi ozün ma chitox thüikoxle, Jerusalem a Sodom hia Gomorah tingnubu ningle komkaile amadaose.

1 SAMUEL 12:19

ilaxle hwome Samuel ang thüi: “Alixachong, chingchajaja laxle kwom chizi angkya hanpak bama Jowanpa to zangjople changkox. Mama-mama ochax bomachu wanghom jukya ma kwom huanuma thaidaoale kwome awan ang kople.”

1 SAMUEL 7:8

ilaxle hwome Samuel ang thüi: “Filistia nok chak tokya kwom azünhüi-ole Jowanpa kem Zang to zangjople ngokox.”

JEREMIA 37:20

Ikoxle athax, wanghompa, nange pi ku kax to natha hüi ilaxle ku kax ma laxle mok-hüi. Ku a Jonathan hom to tamchatle kun khato taxshoünfa. Nange ku jangsho, tütakoxlechu ku ikhato zi angkya changle.”

JEREMIA 37:3

Kwom chaxwan hanpakma Jowanpa to jop-tole chang angkya wanghompa Zedekiah-e Shelemiah sasün Jehukal hia Maseiah sasün nguapa Zefaniah hokhi ku hato ahüi.

1 WANGHOMBU 13:6

Wanghompa Jeroboam-e ajepa ang thüi: “Chingchalaxle Jowanpa nang Zang to ku hanpakma zangjopkox ilaxle ku chak amüi angkya akaxkox!” Ajepae Jowanpa to zangjop, ijama wanghompa chak müile hüi.

TSAITONG-KAXTONG 28:62

Hünzom khünak huak ding angkya lyettsi büta tsale tüihukoxchu, hünzom ozün ma hidaole wüi toxüi; chemthüikoxle hünzome Jowanpa hünzom Zang kax ma chilax.

LAIPAO 8:28

Wanghompa-e thüi: “Hünzom tsailo to chipao jangthüiba, kue Jowanpa hünzom Zang ang tö kox ang hünzom danüi. Ku hanpakma jop-hüi.”

MATHI 24:22

Ikoxlechu Zange hanpak owüiole amox daoa; ile chichang thüikoxle, owachu ozün ma ngo angkya chitüise. Chixe kamle kopdaokya khünaknu hanpakmale Zange hanpak amox angkya changle.

EZEKEL 12:16

Kue hwomkha angkya züizüi a zan chak tokya, tuinuak chak tokya, tamchu kaklakbu chak tokya azangle chang ang tomüi, ikoxle tix hwom mwot chemtukuxkya zangkop mwotbu changdaopuixle ikha mixnok chaxwan to awanle lax ang tomüi ilaxle ku a Jowanpa changpule awanle laxüi.”

JEREMIA 42:20

hünzome chimokfang othai mwot mokle ngole. Hünzome ku ma kem Jowanpa to hünzom hanpakma zangjop angkya akaxpu, ilaxle chix kaxtom pangwüi kax ma laxle tüi angkya hünzome tsaosaxpu.

JEREMIA 21:2

“Chingchalaxle kwom hanpakma Jowanpa füi zangwün, chemthüikoxle Babilon nok wanghompa Nebukadnezar hia chix süpahibue tingnu hwople kop ngole. Kwom hanpakmale Jowanpae chix ohünotün mwot lituta naxmok ilaxle Nebukadnezar anongle chat ang naxtom.”

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

1 SAMUEL 12:23

Ilaxle ku bama, hünzom hanpakma chatchatnaole zangjople ochax chilyen angkya Jowanpae abaxle. Itülüi kue oja changpuix ilaxle hünzome mok angkya oja supuix ijatix anwot-anole koxüi.

TSAITONG-KAXTONG 4:27

Hünzom a Jowanpae mix jat-libu khato chiakle sam ang tomüi, ikhato hünzom hidaole ozün ma ngoüi.

LAIPAO 9:28

Jowanpa to jopkox! Chüi-hi-jun ibibi ma wüi nguidaoa! Kue tsaopu, hünzom pao ang danüi; hünzom ikhato ngohom angkya münchang.”

JEREMIA 15:11

Jowanpa, kue müile nang thotha-manzaile chichang thüiningle hwome thuakzomkya pangwüi ku hato naxnguikox tamchu hwom sikngünle hia tuitaile ngopongma kue ku zanpa hwom hanpakma nang ma chingcha chijule jangchangdao thüiningle a. (

JEREMIA 38:14

Mama tue wanghompa Zedekiah-e ku Zangshwom-Hom zünkai azom lükya to sele apüi, ilaxle chixe thüi: “Kue nang ma kax tuita atüiüi, ilaxle nange otsingtsing pangwüi ngaile fakoxle müiüile texpu.”

JEREMIA 40:15

Ifüima huxsa ma Johanan-e chix füi akaxle thüi: “Ku pao üntoxle Ishmael langle awüt fang, ile changkya owa mwot hex owaechu münawanüi. Chixe nang büthüikoxle lang ang shan angkya? Ile jangchang thüiningle nang zui ma asoxle ngokya Judah khünakbu pangwüi afale paoüi, ilaxle ijae Judah haxtok ma danle toxkya khünakbu hato thama-thomshix apüikya ang changüi.”

HOSIA 8:10

Ikoxlechu athax kue asox ang tomlaxle hwom to sikangün angkya changle. Asiria noke hwom to zothuple changkya zuma lebama wüi hwom a mongto tsütle kakle chang angkya changpu.

AMOS 7:2

Ku mikngünohün ma kue, chaxwantok ma hingle tüikya oli pangwüi kuknubue saxle awütkya ngün, ifüima kue akax: “Jowanpa Khüthak Zang, nang khünaknu thaikya alak-hüi! Chichang thüikoxle hwom ozün ma chemle ngothoüi? Hwom a hidaole wüi tamchu shonaile tüile!”

TSAITONG-KAXTONG 28:63

Hünzom ahak-aluale changkya tamchu pu-tsale changkya to chix mongzom chemle müile changpuix ilailaile hünzom olithule tamchu maxle paokya to chix ang mongzom müikya tüiüi. Hünzome kop angkya haxtok angkya hünzom tsaothale faokha to awütüi.

MÜNCHUAK-TSAI 119:170

Ku zangjop to apahüi, ilaxle nang tsaotsüt ningle ku khosün hüi!

ISAIA 42:20

Israel, hünzome müimamale ngünle laxdaoa, ikoxle ijae nang zongto chem chang? Atat angkya hanpakma nang ma na tüipu, ikoxle hünzome chemtom tata atatle lax?”

JEREMIA 2:27

Hünzom pangwüi ang zak-akopüi—pün nang apa kux ilaxle long nang anu kuxle akaxkya hünzom pangnusa ang a. Hünzom ku hato hüihaxkux lüi ma ku hato tok ahole paokya khoma ija ile chang ang tomüi. Ikoxlechu chemtue hünzom sikngün-tuitaile changüihex, hünzome hüilaxle hünzom khosün angkya ku wüi lom.