JEREMIA 42:18 - OTSAO BAIBEL (BSI)

¹⁸ “Jowanpa, Israel nok Zang-e akaxle, ‘Chemle ku mongtsik-mongma Jerusalem angkya khünakbu ding to thokle adütpuix, ija ningle hünzom Ijip nok to kale jangchang thüiningle ku mongtsik-mongma a hünzom khangkho ma adütüi. Mikngün zongma hünzom a za-adünle tüiüi; khünaknu hünzom chanyi-wanjaile changüi ilaxle hünzom mün a othuak-ozom lom to twonüi. Hünzome ija onui otuechu tamchatle ngün ang münkop.’”

JEREMIA 42:18 ပူးပေါင်းရင်းမြစ်များ

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

JEREMIA 29:18

Kue hwom a ochax-ozan, woknuak-tilan hia okak-olak füi achuaüi, ilaxle hwome ija ngünlaxle chaxwannu angkya khünaknu nok a huanuma abütle changüi. Khünaknue hwom wanjaiüi ilaxle hwome ibu mün a othuak-ozom lom to lünüi.

JEREMIA 18:16

Hwome ija haxtok a khompua-zadünkya oli ang achangdaoa, ilaxle pangnusae ikha othuithui hanpak ang awütdaoa. Hwom mik füi ngün ang kopkyabu thoto imakhange lekya khünakbu abütüi; abütkyae hwome khang awingüi.

JEREMIA 44:12

Ota toxkya tamchu Ijip nok to kale ngo angkya mongzang wünlaxle ngokya Judah khünaknu, kue hünzom pangwüi amüt tsuakchale huüi. Hwom pangwüi, chongkya chu hixkya chu, ochax-zan ma chichangba woknuak ma Ijip nok to ziüi. Mikngün ma hwom a za-adünle changüi; khünaknue hwom chanyile changüi ilaxle hwom mün a othuak-ozom lom to lünüi.

JEREMIA 24:9

Hwom hato kue chisumüikya thama-thomshix apüiüi oja thotho chaxwan tok angkya khünaknu nok wüi khomtsile changüihex. Khünaknue hwom chanyi-wanjaile changüi, ajao-ahaiüi, ilaxle kue hwom chiakle apaokya chaxwan pangkha towüi hwom mün a tuita othuak-ozom lom to twonüi.

JEREMIA 22:27

Hünzome ija haxtok tamchatle ngünsele sungüi, ikoxle hünzom ang otuechu chichatüi.”

ISAIA 65:15

Ku khünaknue nang mün a othuak-ozom lom to twonüi. Ku, Jowanpa Khüthak Zang-e hünzom a zi ang tomüi. Ikoxlechu hünzom ku kax ma laxle tüikyabu ang ku mün mama fapu.

MIKNGÜN-OHÜN 14:10

ojao chiawan homle chix mongtsik wansa ma thokkya ju chuwüi hwome lingüi, ilaxle otsao kaxtaimixbu hia Chun Hosa thüntho ma wün hia khat makhange hwom fuxtsüikya tüiüi.

ZEKARIA 8:13

Judah hia Israel khünaknu! Amipongma mixnokbue ‘Judah hia Israel nok hato nguikya thuakzom hünzom hatochu naxngui’ le akaxkya füi tata to thuakzomle bangpu. Ikoxle kue hünzom khosünüi, ifüima ibu mixnokbue tata hama thüiüi, ‘Judah hia Israel nok hato nguikya mohiman hünzom hatochu naxnguikox!’ Idaile mongchonglax ilaxle taxza.”

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

DANEL 9:27

Ija lompa-e zanglao anüt hanpakma mixnokbu füi tsaino-kaxno tomkya tüiüi, ikoxle ija hanpak süifi le le chang füima, chixe to koxle ngokyabu ashukle toxüi. Nushix Dongkya a Zangshwom-Hom atsuakya khama danüi ilaxle ija a owae ija ikhama danlax puix chix bama Zang-e achwonle thomkya oshuk hanpak füi ma-apong ma-apongle ngoüi.”

DANEL 9:11

Israel khünak noknusae nang Wanlombu ama ilaxle nang zangwün to na münthapu le angam. Kwome nang zongto ochax lyenle chang, ikhoma nange kwom hato nang dapa Mosa laipex ma zale tüikya othuak-ozom kwom hato hüi ang tom.

EZEKEL 22:22

Chemle khop wün ma achukpuix ilailaile hwom a Jerusalem ma achuküi, ilütix hwome Jowanpa mongtsike pokya awanle lax ang kopüi.”

MANGSOP 4:11

Jowanpae chix mongtsik janzüi khak-kha atsok; chixe Zaion ma wüntak laxle ija labu ang achangle zokle ashun.

MANGSOP 2:4

Zanpa to zipupule chixe chix sanhap kem to zi; Chempang kem mongmüi hia mongtex changkya hex ibu pangwüi chixe lang. Ija Jerusalem ma keme chix mongtsike zokkya okham awanle lax.

JEREMIA 29:22

Chemtue Babilon nok to zanda ang koplaxle paokya Jerusalem angkya khünaknue owawa to thuakzomle changse tsuüihex, hwome thüiüi: ‘Babilon nok wanghompa-e ozün ma akole langkya Zedekiah hia Ahap nyi to hwonkya ningle Jowanpae hünzom to chuwüi naxhwonkox!’

JEREMIA 26:6

Hünzome chizakle kax ma chilax lüwüi jangngo, kue chemle Shiloh to hwondaopuix ijaningle ija Zangshwom-Hom to chuwüi moküi, ilaxle zangfang angkya onok pangnusae ija tingnu mün a othuak-ozom lom to lünüi.”

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 6:11

Jowanpa, hwom füikya nang mongtsike ku to ngaxchu zokle, ilaxle athaxpi kue ija kople thom ang müntho.” Ifüima Jowanpae ku ang thüi: “Ku mongtsik a tingjang lomnu tokya naosombu hia naocha-naosünbu asoxle ngokya ding to thokkox. Kakonu hia kakopabu a tswonle paoüi, azupi hia azupa hwom ngaxchu shanle müntox.

2 PUKAX-PANGAO 34:25

Hwome ku hato tok ahopu ilaxle mama baozangbu ang töbu koxle changpu. Hwome mokkya ibu mwot makhange hwome ku ang mongtsik adünle changdaoa. Ku mongtsik a Jerusalem zongto wünchua le jao changdao, ilaxle ija a chwonpai ma amüt ang münthopu.

HUAKE LAIPEX 5:27

She-e chinunchakkaile jangchangdao thüiningle ija tie she ang wok huanuma kak ang tomüi, she ang wok huanuma fumüi ilaxle she kux-ka zanle paoüi. She mün a hwom khünaknu tu ma tuita othuak-ozom mün ang changüi.

ISAIA 30:3

Ikoxle wanghompa a hwom to asun angkya zong chitüile changüi, ilaxle Ijip noke khosekya a thama ma ashuküi.

JEREMIA 23:40

Kue hwom hato tsün-tsüne zakkop ilaxle hwome chialak tsuak angkya wünhai apüile koxüi.”

JEREMIA 33:5

Züizüie Babilon nok füi azanüi, ilaxle hwome ku mongtsik hia mongma füi hongle anguak angkya khünak mangbu füi hom-haxbu awang ang tomüi. Ija ma tüikya khünaknue mokkya ochax mwotbu khoma kue ija tingnu hato tok ahole paopu.

JEREMIA 44:6

Ikhoma kue ku mongtsik hia mongma Judah tingnubu hia Jerusalem tingjang lombu ding ma thokle adüt, ilaxle kue ibu wün to zokle ashun. Ibu pünle amatox, ilaxle ibu a, anyix kople tüikya ningle mikngün zongma tuita khomtsi angkya oli ang ngole hüi.

JEREMIA 44:8

Hünzom ngo ang nguikya Ijip haxtok, ikhato hünzome chapabu to shwom ilaxle mama baozangbu ang töbu koxkya füi ku ang mong büthüikoxle atsikpu? Zangfang angkya khünaknue hünzom chanyi-wanjaile tamchu hünzom mün othuak-ozom lom to lünle changkya füi hünzom alüile olithule naxmax ang ile mok pia?

JEREMIA 44:22

Anyixkha hünzom haxtok a pünle ama thomdaoa ilaxle ikhato owachu münngo. Jowanpae hünzom chichang-chizangkya hia ochax mwotbu füi adu ang chithokya tokhange, ija a mikngün zongma za-adünkya tuita ang changdaoa, ilaxle khünaknue ija mün a othuak-ozom lom ma lünle.

EZEKEL 20:34

Kue chemtue mixnok chaxwan to chiakle ngokya hünzom asox-atomle changüihex, ipongma kue hünzom hato kutsak kuzong hia mongtsik ahoüi.

MANGSOP 2:6

Kwome chix to shwomle ngokya Zangshwom-Hom thuple akhix toxdaoa; Chixe Otsao nuikya nyix hia Sabath nyix hato oshuk ahüitoxdaoa. Wanghom hwom hia nguapabue taningle chix mongtsik janzüi apong ang tomdaoa.

HOSIA 7:16

Hwome tsak-zong chemchu chitüikya baozang hato paoüima ku hato tok ahokya chizak. Hwom a mongong thom ang chimüile chitangkya san ningle changle. Chemthüikoxle hwom lompabue mongngam füi zangwün, hwom a alün-aloxkya ma ziüi, ilaxle Ijip noke hwom cha nyiüi.”