JEREMIA 42:11 - OTSAO BAIBEL (BSI)

¹¹ Babilon nok wanghompa thua zale ngokya zakdao. Ku Hünzom füi tüile, chix tsak-zong chak tokya hünzom kue sünüi.

JEREMIA 42:11 ပူးပေါင်းရင်းမြစ်များ

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

JEREMIA 1:8

Hwom thua taxza, chem, thüikoxle nang kho awa ang ku nang füi ngo angkya changle. Jowanpa, kue, ija akaxpu!”

ISAIA 43:5

Hünzom ojao taxza — ku a hünzom füi tüile! “Tsailo nok handün hia hannop tokyabu, hünzom khünakbu kue hom to ngui ang tomüi.

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

2 TIMOTHI 4:17

Ikoxlechu Jowanpa ku füi ngo ilaxle ku ang zong kox, ikhoma tix kue mixnok pangnue atat ang tsuak le Kaxho Müikya apuk-apua ang tho; tamchu mik amüt angkya kaxfün chak tokya ku azang.

JEREMIA 27:17

Hwom kax to taxapakop! Babilon nok wanghompa chak to koxlax ilaxle hünzom ozün ma ngolax! Ija tingnu chemkhoma pünle ama toxkyabu nui-ting ang chang angkya?

JEREMIA 15:20

Hwom hanpakmale kue nang a khop füi zingkya katuk tuita ningle shingmongle zingüi. Hwome nang zongto tüiüi, ikoxlechu hwome nang to münlüt. Nang khangkho sünle thom angkya hanpakma ku a nang füi womle tüiüi.

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

MÜNCHUAK-TSAI 46:11

Khüthak Jowanpa kem füi tüile; Jakop Zang kem khangkhomnui changle. Selah

JIHUSUA 1:9

Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

JIHUSUA 1:5

Jihusua, nang ozün ma ngokya kople owaechu nang to lüt ang münthoüi. Mosa füi chemle ngokyahex, ilailaile ku nang füi ngoüi; kue nang chemtuechu münawüt.

TSAITONG-KAXTONG 20:4

Jowanpa hünzom Zang a hünzom füi tomle kaüi, ilaxle chixe hünzome wüi lüt ang tomüi.’

HUAKE LAIPEX 14:9

Jowanpa to kaxthup-ngaotünle taxchang-ngo tamchu ikhato tüikya khünakbu thua kem za-ngo angkya oli münchang. Keme ochwonpai ma hwom to lüt ang thoüi. Jowanpa kem füi tüile ilaxle hwom kho-awale ngokya baozangbu to chixe wüi anao angkya changle, idaile ojao taxza.”

WANGSHEMBU MWOT 18:10

chemthüikoxle ku a nang füi tüile. Nang to owaechu chakmok ang münthopu, chemthüikoxle ija tingnu angkya a süchong tukux ku khünak changle.”

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

MATHI 10:28

Tsangtsa amüt ang tho koxchu chasa lang ang chitsuak angkyabu thua taxza; itülüi, Zang owae tsangtsa hia chasa pangnyi haolum to amüt ang thopuix, chix thua zalax.

JEREMIA 27:12

Ija kaxkax wüi kue Judah nok wanghompa Zedekiah füichu akaxpu: “Babilon wanghompa chak to koxlax. Chix tamchu chix khünaknu thothale changlax, ikoxtix nang ozün ma ngoüi.

MÜNCHUAK-TSAI 46:7

Khüthak Jowanpa kem füi tüile; Jakop Zang a kem khangkhomnui changpu. Selah

2 WANGHOMBU 25:26

Ifüima, Israel khünak, mixshix-zasa hia saxpu-luawang pangwüi, süpahi alixachongbu füi tomle, ikha dantoxlaxle Ijip nok to ka, chem ang thüikoxle hwom a Babilon nok thua za.

MÜNCHUAK-TSAI 118:6

Jowanpa ku füi tüile, ku chemthua chu münza; ku to owae chemthüithoüi?

JEREMIA 27:11

Ikoxle owawa jat-lie Babilon nok wanghompa chak to koxlaxle chix thothale jangtüi, kue ija jat-li a ma ngole tüikya haxtok ma wüi thomo-manzaile ngo ang tomüi. Ija kax Jowanpa, kue akaxdaoa.”