JEREMIA 42:10 - OTSAO BAIBEL (BSI)

¹⁰ ‘Hünzom ang ija haxtok ngole hüi angkya to mongtsukya jangtüi, kue hünzom zingle ajongüi ilaxle pünle münatsunüi; kue hünzom küi-thwomle changüi ilaxle file münawütüi. Kue hünzom hato ahüikya thama khoma ku ang huanuma mongma ang tomle.

JEREMIA 42:10 ပူးပေါင်းရင်းမြစ်များ

EZEKEL 36:36

Ifüima ozün ma tüikya tomzi nokbue, tamchatle tingnubu zingle amüikya hia manzaile haxtok ma ali-akanle chang ang tomkya a Jowanpa ku changpule awan ang kopüi. Jowanpa kue ija ile moküile tsaodaoa, ija mokle changüijao.”

JEREMIA 31:28

Kue hwom file awüt, bele athai, tswonle awüt, amale awüt, ilaxlechu atsunle chang ang kue chemle mongkoxle mokdaopuix, ilailaile hwom küi-thwom ang tamchu zingle ajong ang kue mongkoxle mok angkya changpu.

JEREMIA 24:6

Kue hwom to humele thomüi ilaxle ija haxtok to tamchatle ngui ang tomüi. Kue hwom a zingle amüiüi, pünle münamaüi; kue hwom küiüi ikoxle file münawütüi.

JOEL 2:13

Nang mongtsik-mongma a nang mong ashixkya ma aholax; nang nyi-za akyetkya ija a chemchu münchang.” Jowanpa, hünzom Zang hato chatlax. Chix a chingcha hia jajae awangle tüikya Zang changle; chixe okuilole adule ilaxle chix tsaotsüt otia ma thomle; sik-chiangün homtoxle thaikya alak angkya hanpakma chix a jento achwon ngole.

AMOS 7:6

Jowanpae chix mong alüix ilaxle thüi: “Ija chuwüi changle ngai ang müntom.”

JEREMIA 33:7

Kue Judah hia Israel a huanuma ahak-alua ang tomüi, ilaxle kue hwom a amipongkya lailaile zingle amüi koxüi.

JONA 4:2

Ikhoma chixe zangjop: “Jowanpa, kue hom makhange achexüima wüi, nange ilüwüi mok angkya changpule münthüidai hia? Ikhoma kue tsuakkya tukuxle Spain nok to paole azang ang azongpu! Nang a jento adukya, chingchakya, ilaxle sikngün ang chitomle mong alopkya tamchu mongkün chingchae awangle tüikya mix changpule kue awan ngopu.

JONA 3:10

Hwome chem mokpuix ija Zang-e ngünle lax; hwome chichangchizangle tüikya hwom zanglombu dantoxkya Zang-e ngün. Zang-e chix mong alüix ilaxle chixe chem moküihex-ole akax daopuix, ija chimok.

AMOS 7:3

Jowanpachix mong alüix ilaxle thüi: “Nange chem ngünpuix ija a chang ang müntom.”

HOSIA 11:8

“Israel, kue nang chemle danle awütüi? Kue nang chemle dantoxüi? Kue Admah amütkya ningle hünzom amütüi hi chichangba kue nang to Zeboiim to hwonkya ningle hwonüi hi? Ku mongkhae ku ang ija mok ang müntom! Hünzom tokya ku mongkün a huanu changpu.

LAIPAO 32:14

Ikhoma Jowanpae chix mong alüix ilaxle chixe hwom ang koxüihex-ole azakya thama hwom hato hüi ang chitom.

WANGSHEMBU MWOT 15:16

“Ija füima ku chatlaxle, tsundaokya Dawid wangting ajongüi. Male ngoünkya ija, chatle shingmong ang tomüi, chatle ija zingle ajongüi.

JEREMIA 26:19

Wanghompa Hezekiah hia Judah angkya khünaknue Mika a langle chiawüt. Itülüi, Hezekiah-e Jowanpa achuak-achen ilaxle chix chingcha kop ang azong. Ilaxle hwom hato ahüi angkya thama bama Jowanpa ang mong alüix. Athax kem a kem hato alüile khomtsikya thama-thomshix ahüiüi khakha.” (

MÜNCHUAK-TSAI 106:45

Hwom kuxmale chixe hwom füikya chix Tsaotsüt texle atak, ilaxle chongkya chix mongkün khoma chixe hwom to chingchale thüt.

MÜNCHUAK-TSAI 102:16

Chemtue Jowanpa Zaion azünle zaiüihex, chixe chix chongkya ngaile ahoüi.

MÜNCHUAK-TSAI 69:35

Chixe Jerusalem khosünüi üntoxle Judah angkya tingnubu tamchatle zingle azünüi. Ikhama chix khünakbu hom-hax zailaxle tingtok kople ngoüi;

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

2 SAMUEL 24:16

Chemtue Jowanpa kaxtaimixe Jerusalem amütüi-khakha tüikya hex, chix khünaknu to sikngün fale changkya bama Jowanpa ang mong alüix ilaxle hwom langle hüikya kaxtaimix ang chixe thüi: “Zakün! Ibibi wüi nguidaoa!” Ija kaxtaimix a Jebu nok Araunah tsaxnaknui zui ma tüikya.

KAXFÜNPA-HWOM 2:18

Chemtue Jowanpae Israel nok ang lompa tuita koxle changpuix, Jowanpae chix to fong ilaxle chix ozün ma ngokya kople Jowanpae hwom zanpabu chak tokya khosünle thom. Hwome sikngün hia zothup chak tokhange akhongle changkya khoma Jowanpae hwom to chingcha angkya wüi lai.

TSAITONG-KAXTONG 32:36

Jowanpae chix khünaknu khosünle kopüi chixe hwom ang janzüi müntüile ngünkya zuma a. Chix thothale changkyabu to chixe chingchakya tüiüi, chingcha ashukle hwom max-samle ngünkya zuma a.

JEREMIA 27:11

Ikoxle owawa jat-lie Babilon nok wanghompa chak to koxlaxle chix thothale jangtüi, kue ija jat-li a ma ngole tüikya haxtok ma wüi thomo-manzaile ngo ang tomüi. Ija kax Jowanpa, kue akaxdaoa.”

JEREMIA 43:4

Ikhoma Johanan-e wüi changlax chichangba süpahi lompabue wüi changlax chichangba khünaknu opupuechu Judah haxtok ma ngole chang angkya Jowanpa kaxtom kax ma münlax.

JONA 3:4

Jona ija tingnu akaile le ang süt, ilaxle nyixta tungta le ahamle chang füima, chixe khuapu: “Nyix punyi mong ma Ninewi a amütüi!”