JEREMIA 41:2 - OTSAO BAIBEL (BSI)

² Ishmael hia chix khünak hwom mixsün büne ma changlolo syetle alai ilaxle Gedaliah langle tox.

JEREMIA 41:2 ပူးပေါင်းရင်းမြစ်များ

2 WANGHOMBU 25:25

Ikoxlechu ija zanglao lyetkua anüt towüi, Nethaniah sasün Ishmael, owa Elishama susün changkya hex, chix a mixsün bün lax üntoxle Mizpah to pao, ilaxle Gedaliah to single chix lang. Chixe ikhama asukya Israel khünaknu hia Babilon nokbu langle awüt.

JEREMIA 40:5

Chemtue kue kaxlan chemchu chifale changpuix, Nebuzaradan-e ku ang thüi: “Nang a Gedaliah, owa Ahikam sasün tamchu Shafan susün changkya hex, chix hato chatlax, chix a Babilon nok wanghompa-e Judah ma gowarnor ang zingle toxkya mix changle. Nang chix füi tomle tamchu khünaknu füi tomle ngo ang tsuak, chichangba nang paose tsukya khakha to nang paole ngo ang tsuak.” Ifüima chixe kue kop ang ku chak to hingho chaktwon hia sütling hidaole atwonle tox, ilaxle ku a ku mong atsutsu ngo ang danle tox.

JEREMIA 40:7

Judah nok alixachong züizüie tamchu süpahibu züizüie chak chiajong. Babilon nok wanghompa-e ija haxtok ma Gedaliah a gowarnor ang zingle dantoxkya tamchu Babilon nok to kople chipaokya mixshix-zasa khünakbu to hume angkya hünlit chix chak ma toxkya zing hwome atat.

MÜNCHUAK-TSAI 109:5

Ku müikya lüixto hwome ku to oma khom ilaxle mongkün lüixto miktsak olüix khom.

MÜNCHUAK-TSAI 41:9

Ku zuikhui amüikya, owato kue ataxle mongong tüipuix, owae ku füi saxtsom ahanle saxpuix, chixe ngaxchu ku zan to kale.

2 SAMUEL 3:27

Chemtue Abnar Hebron to nguipuix, Joap-e pan nuakfüi to paolaxle chixe chongkya huxsa zangwün ang thüikya ningle aho, ilaxle ikhato chixe wok ma tople lang. Ile chixe Joap honao Asahel langkya khoma chix chuwüi lang.

JUHAN 13:18

“Kue hünzom pangnu bama akax ngokya münchang; kue kamle kopdaokyabu kue awanle; ikoxlechu Otsao Lai kax ija otok to ngaile aho angkya changpu: Ku füi tomle fongsax ngokya tuita ku zan to ka angkya changle.

JEREMIA 40:8

Ikhoma Nethaniah sasün Ishmael, Kareah sasün Johanan, Tanhumeth sasün Seraiah, Netofath sasün Efai, ilaxle Makah sasün Jezaniah hwom bibi Gedaliah hato Mizpah to ngui.

JEREMIA 41:3

Ishmael-e Mizpah ma Gedaliah füi tomle tüikya Israel nok pangwüi langle awüt, ikhama ngole asukya Babilon nok süpahibu chuwüi ikhama wom.

JEREMIA 40:14

ilaxle hwome chix ang thüi: “Amon nok wanghompa Bali-e nang lang ang Ishmael ahüile ngokya nang müntik hia?” Ikoxle ija kax to Gedaliah-e chiong.

JEREMIA 40:16

Ikoxle Gedaliah-e lan: “Ile taxchang! Nange Ishmael mo wünle ngokya a otsingtsing münchang!”