JEREMIA 4:7 - OTSAO BAIBEL (BSI)

⁷ Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

JEREMIA 4:7 ပူးပေါင်းရင်းမြစ်များ

JEREMIA 5:6

Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

JEREMIA 2:15

Hwome chix to mailangbu lailaile tsele; hwome chix haxtok a sak-hax ang achangdaoa, ilaxle chix tingnubu amale toxdaoa, komkaile ohua ang achangle dantoxdaoa.

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

ISAIA 1:7

Hünzom haxtok a komkaile amadaoa ilaxle hünzom tingnubu a zokle ashunle hax to adütdaoa. Hünzome hule ngongale, zannokbue hünzom haxtok lax üntoxle pangnu olithu ang tom.

DANEL 7:4

Pongwang angkya müi a mailang lailaile ngün, ikoxlechu ola ningle ozang füi tüi. Kue hule ngopongma ozang ibu a dütle pao. Ija müi ding to nom ilaxle tangthole ajong ang tom. Ifüima ija ang khünak khangka kox.

JEREMIA 50:17

Jowanpae thüi: “Israel khünaknu a, mailangbue achuale asamkya chunbu ningle changpu. Pongwang ma hwom to Asiria chongwangpae singpu, ilaxle Babilon nok wanghompa Nebukadnezar-e hwom za jao shaole akhixpu.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 49:19

Mailang tuita faonu-lingmong tokya lailaxle Jordan Shuanu achole müie fumtsütkya nui to hüikya ningle, ku nguiüi ilaxle hwom haxtok angkya Edom nok allele fütle pao ang tomüi. Ifüima kue zünle kopkya lompa-e ija jat-li apün-adale changüi. Ku füi apyen angkya owa tüi? Ku füi achan-ala angkya owa tüi? Chemningkya wanlome ku füi alün-aloxle changüi?

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

JEREMIA 33:10

Jowanpae akax: “Khünaknu thüile, ija onui a sak-hax ningle tüile, ikhama khünak hia müi chemchu müntüi. Ilaxle hwom a otsingtsing changle; Judah angkya tinglongbu hia Jerusalem tingjang lomnu pangwüi ahuasakle tüile; ikhama khünak hia müi chemchu münngo. Ikoxlechu ija onui ma hünzome tamchatle ozing atat ang kopüi,

JEREMIA 26:9

Jowanpa mün lünlaxle nange ija Zangshwom-Hom Shiloh ningle achang angkya tamchu ija tingnu pünle ama laxle owachu chingokya onui ang achang angkya büthüikoxle akaxpu?” Ipongma ku akhople khünaknu asox.

JEREMIA 25:38

Jowanpae chix khünaknu chilaxle dantoxle mailang tuitae longlua danle toxkya ningle. Khompuatsikya zan ilaxle zadünkya Jowanpa mongtsike haxtok a tuita sak-hax ang achangle tox.

ISAIA 5:9

Khüthak Jowanpa kax kue atatdaoa: “Ibu chongkya hia osün müikya homnubu homhua ang achangle paoüi.

2 WANGHOMBU 24:1

Wanghompa Jehoiakim tsün ma, Babilon nok wanghompa Nebukadnezar-e Judah nok tingtak; ilaxle zanglao azom hanpak ang Jehoiakim a chixe apünkya fang ma ngo ang atsang; ifüima chix alünle ajong.

DANEL 5:19

Zangfang angkya pangnok-jating chix thua zale abün. Chixe owawa mik amüt-se jangtsu, chixe ile mokpu; chixe owawa ozün ma panle thomse jangtsu, chixe ile mokpu. Chixe owato chemle achuak-achense tsupuix chichangba thajao-wünhai koxle changse tsupuix, chixe ile hwonpu.

JEREMIA 50:44

“Mailang tuita faonu-lingmong tokya lailaxle Jordan shuanu fole müie fumtsütkya nui to nguikya ningle, ku, Jowanpa nguiüi ilaxle Babilon nok osünto tingnu angkya fütle pao ang tomüi. Ifüima kue zünle kopkya khünake ija haxtok ma apünüi. Ku füi owa afyen ang thoüi? Ku füi apan ang owa mongchongüi? Chem ningle apünkya mixe ku zan to kaüi?

JEREMIA 27:8

“Ikoxle owawa jat-li hia wangting tuitae chix ang apün ang chitomle jangchang, kue ija onok to ochax-oza, woknuak-tilan ibu füi, Nebukadnezar chak to hwom komkaile maxle machang machangle sikangünüi.

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

2 WANGHOMBU 25:1

Babilon nok wanghompa Nebukadnezar füi Zedekiah alünle ajong, ikhoma Zedekiah wanghom ang achangkya zanglao aku lükya lyetbün ma nyixbün lükya to Nebukadnezar, chix süpahibu pangwüi koplaxle nguile Jerusalem tingtak. Hwome tingnu tokna ma athongle pom zai, ija akhople zanhunuibu zai,

JEREMIA 4:29

Mankho ma azankya hia sanhap füi azankyabu zing thoto pangnusa wüi zikle paoüi. Züizüi a faokha to paoüi; mamabu a longnu khobu to ngaüi. Tingnu pangwüi ahuasakle dantoxüi, ilaxle ibu ma otuechu tamchatle khünak münngo.

JEREMIA 22:7

Ija ama ang kue khünakbu ahüi ngopu. Hwome hwom wafaxbu pangwüi apüiüi, ija ma tüikya osün müikya sedar pünbu dakle anguaküi, ilaxle ibu wünkha to awütüi.

JEREMIA 44:2

Jowanpa, Israel nok Khüthak Zang-e thüi: “Kue Jerusalem hato thama tsangmüt apüikya hünzom tomtatae tamchu mama Judah tingnubu ma tüikya pangnusae ngünle laxdaoa. Athax kople ibu a pünle ama thompu, ilaxle ibu ma khünak owachu chingo

EZEKEL 12:20

Anyix khünake awangle tüikya tingnubu a amütüi, ilaxle hwom chaxwan a tüta puamün chitüikya haxtok ang achangüi. Ifüima hwome ku a Jowanpa changle le awan ang kopüi.”

EZEKEL 21:31

Kue ija wünkhix ningle hünzom khangkho ma danle apaokya zuma hünzome ku mongtsike pokya awanle laxüi. Ilaxle kue hünzom a, tuikhex chitüikya khünakbu, thama adün ang ataxle awan ngokyabu chak to kox angkya changle.

EZEKEL 32:2

Chixe thüi: “Ziün angkya khünak, Ijip nok wanghompa hato ija kaxkhün laxkox. Chix ang ija ku kaxho laxkox: Chaxwannu onok khama nang a mailang pa ningle aho, ikoxle nang a ti khato okua sakle ahamkya nomwang wüi ale le. Nange nang chabu füi ti aküi ilaxle shuajenbu chitsaokya ang achang.

LIWI 26:31

Kue hünzom tingnubu amaüi, ilaxle hünzom zangshwom nuibu wandangjale toxüi; athax kue hünzome koxkya ongan müikya tö münatumüi.

LIWI 26:33

Kue hünzom khato zan lai ang tomüi ilaxle hünzom a mixnok chaxwan tünok-tünok to sam ang tomüi. Hünzom haxtok a hopu chitüikya hax ang dantoxüi ilaxle hünzom tingnubu a bakle amaüi.

JEREMIA 8:16

Kem zanpabu a Dan tingnu to nguile ngoüna; keme hwom manbu ngaokya zing atatle. Hwom manbu soxle hüikya zuma chaxwan pangwüi aloxpu. Kem zanpabu a kem haxtok hia ima atüitüi, kem tingnu hia kem khünaknu komkaile amüt ang nguipu.”

JEREMIA 22:6

“Ku zongto, Judah nok wanghom homlo a Gilid haxtok hia Lebanon Haxnubu ningle osün müile tüile; ikoxlechu kue ikha a khünak owachu chingole awütkya onui tuita ang achangüi.

JEREMIA 46:18

Ku, Jowanpa Khüthak Zang a wanghompa changle. Ku a khüzün Zang changle. Tabor Haxnu haxhuabu to kaile tsuale tüikya ningle ilaxle Karmel Haxnu tinu to kaile tsuale tüikya ningle, nang to single hüikya mix ma janzüi ile tüiüi.