JEREMIA 4:6 - OTSAO BAIBEL (BSI)

⁶ Zaion chitole angkya lom apua laxkox! Khangkhosün ang ziklax! Shenle taxngo! Shuakuxchi tokhange Jowanpae huanu thomjo hia thama apüile ngole.

JEREMIA 4:6 ပူးပေါင်းရင်းမြစ်များ

JEREMIA 50:2

“Chaxwannu nok hato kaxho laxkox! Ija khuapukox! Mowan ahokox ilaxle kaxho tsingang tomkox! Ija khom-pyenle taxthom! Babilon a nguakdaoa! She baozang Marduk a thuple amadaoa! Babilon nok chapabu ang zak-akopdaoa; nushixdongkya she chapabu a asumdaoa!

JEREMIA 51:27

“Sing angkya mowan laxkox! Chaxwannu noke atatle nyazong mütkox! Chaxwannu nok Babilon füi azan ang achwonlax! Ararat, Minni, hia Ashkenaz wangtingbu füi sing angkya kax laxkox. Ija zansing lom azüi angkya lompa kamkox. Naxnu-naxlangbu ningle manbu apüikox.

JEREMIA 51:12

Babilon nok pan-katuk to sing angkya mowan ahole laxkox. Nyetmixbu to mixbo laxkox! Nyetmixbu angwot kox! Zankat othom ziakople chang ang tomkox!” Babilon nok to moküihex-o lükya Jowanpae chix mwot mokdaoa.

JEREMIA 25:9

‘Kue noknusa hanpakma shuakux chitokya khünakbu ahüiüi ilaxle ku da hanpak ang Babilon nok wanghompa Nebukadnezar ahüiüi. Kue hwom a Judah hia ima tüile ngokya khünaknu tamchu tomzi nok pangnusa füi azan ang apüiüi. Kue ija jat-li hia tomzi nokbu pangwüi amütüi ilaxle othuithui hanpak ang olithule amatoxüi, ija a mikngün ma tuita khomtsikya hia abüt angkya oli changüi. Ija kax, Jowanpa kue akaxdaoa.

JEREMIA 6:22

Jowanpae akax: “Tsailo tokya khünakbu shuakuxchi nok tokhange azan ang achwonle hüile ngole.

JEREMIA 6:1

Benjamin khünakbu, ma khangkhom ang paolax! Jerusalem angkya paole azanglax! Tekoa ma nyazong mütle angaokox ilaxle Beth Hakarem ma münwan ahole wüntakkox. Thama hia olithu angkya shuakux chitokhange nguingole.

JEREMIA 4:21

Zanhok shixkya to kue chemtukux hule ngoüi ilaxle nyazongbu mütle angaokya apale ngoüi?

ISAIA 62:10

Jerusalem angkya khünaknu, tingnu angkya laile paokox Ilaxle hünzom khünaknu chatle ngokyabu hanpak ang lom zingle laxkox! Lomnutang jao tuita achwonkox; ija lom angkya longbu apaokox! Chaxwannu noke awanle lax angkya hanpakma münwan apütkox

ZEFANIA 1:10

“Jowanpae thüile: Ija nyix Jerusalem angkya Nyax Zünkai ma hünzome sopkya zing atatüi. Tingnu nokzün chima hünzome sop-juakya zing atatüi ilaxle haxhuabu to thuple akhixkya zing tüle chongle atatüi.

JEREMIA 51:54

Jowanpae thüile: “Babilon nok ma sopkya ozing apalax, hwom haxtok amakya khoma sopkya zing a.

JEREMIA 50:22

Ija haxtok ma azankya ozing atat ang kople, ilaxle huanuma thomjole changdaoa.

JEREMIA 21:7

Ikoxlechu nang tomta hanpakma, nang nguakax-wangkho hwom hanpakma, ilaxlechu zan ma, otui-onuak ma, tamchu kaklak ma chimaxle tüikya khünaknu hanpakma: kue hünzom pangwüi, hünzom mik amüt-sele tsukya wanghompa Nebukadnezar hia hünzom zanpabu ang kop ang tomüi. Chixe hünzom tuita ngaxchu shanle müntox chichangba hünzom owawa hatochu chixe chingcha-jajakya müntüiüi. Ija kax Jowanpa, kue akaxdaoa.”

JEREMIA 18:11

Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

JEREMIA 22:7

Ija ama ang kue khünakbu ahüi ngopu. Hwome hwom wafaxbu pangwüi apüiüi, ija ma tüikya osün müikya sedar pünbu dakle anguaküi, ilaxle ibu wünkha to awütüi.

ZEKARIA 6:6

Mannakbue linkya man-kanlin a shuakuxchi Babilon nok to dongle ngokya. Manthobu a hannop chito kale ngokya, ilaxle münwan füikya manbu a shuathongchi chaxwan to kale ngokya.

JEREMIA 10:22

Apalax! Kaxho hüidaoa! Shuakuxchi ma tüikya nok tokya zandün zing huanuma tüile; hwom süpahibue Judah tingnu a sak-hax ang achangüi, hijanbu ngokya onui tuita ang a.”

EZEKEL 9:1

Ifüima kue ile Zang akhongkya zing atat: “Hünzom, tingnu to zothup angkya khünakbu ito nguihüi. Nang füi tomle nang chang-paxbu kop-hüi.”

EZEKEL 9:2

Lebama wüi shuakuxchi Zangshwom-Hom zünkai tokna tokya mixsün azok ngui. Hwom pangwüie chang-pax koplaxle tüikya. Hwom füi tomle jaknyi awunlaxle khünak tuita tüikya. Chix ma zale kop angkya tütali koplaxle tüikya. Hwom pangwüi khop tö-tsap zui ma ajong.