JEREMIA 4:31 - OTSAO BAIBEL (BSI)

³¹ Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

JEREMIA 4:31 ပူးပေါင်းရင်းမြစ်များ

MANGSOP 1:17

“Kue ku chakbu thüi: Ikoxlechu ku to owaechu münfongüi. Jowanpae pangnu chitokya zanbu ku zan to ka ang se; Chilaxle tüi tuita ningle hwome ku ashikle akhix.

ISAIA 1:15

“Chemtue hünzome zangjop ang hünzom chak nwonle changpuix, kue hünzom to ojao münhu. Hünzome obukux wüi jopkoxlax, kue münapa chemthüikoxle hünzom chakbu a ajie awangle tüile.

JEREMIA 13:21

Nange zuikhuile thütle ngokyabue nang to lüt ilaxle nang to apün-adale jangchangba nange chemle thüiüi? Sheko mixnu tuita to nao ngün wok kakpupule nang to kaküi.

1 THESALONIKA 5:3

Otue khünakbue “Pangnu wüi khuakhomle müile tüile”, le thüiüihex, ipong khae allele thama apongle. Sheko tuita hato naongün wokkak allele chemle ngangle hüipuix, ija lailaile ijachu ngangle hüiüi, ilaxle khünakbu azang ang münkopüi.

1 KORIN 9:16

Kaxho Müikya apuk-apuakya bama hexle ku bong-chong angkya müntüi. Chemthüikoxle ku a ile moklaxo lekya kaxtom fangma ngopu. Ilaxle Kaxho Müikya apuk-apuakya chitüi thüikoxle wüi ku a maxsaxpu!

MATHI 21:5

“Zaion tingnu ang thüikox; Hulax, nang wanghom, nang hato hüile ngole; Chix somdangle tamchu, Gatho ma ngale hüile!”

MIKA 7:1

Monghom angkya ojao müntüi! Ku a, fupsa pün ma pünziak tuita chiatak ilaxle grep zu ma grep ziak tuita chiatakle woknuak maxngokya mixsün tuita ningle. Grep hia ipong müikya fupsa ziakbu a komkaile khaibang daoa.

HOSIA 13:13

Israel nok ang ozün ma ngo angkya olom tüile, ikoxle lax angkya a ongat jaojao changpu: ija a, athax zangngai ngünle laiüi khakha naosae honu wokkha angkya münlaipu le angamkya ningle changpu.

MANGSOP 2:21

Naosom hia zunu-zupa tomwüile tingjang lomnubu to mang ma pangle tüile, Naocha hia naosün hwom, zan changlo fang ma lamkyabu a. Nang mongtsik nyix nange ojao chingcha chitüile ibu langle awüt.

MANGSOP 1:20

“Hulax, O Jowanpa, ku künmax-mongshan to, chasa ma ku chamax-muasamle changkya to! Ku mongkha a ku ochax bama mongmaxkya ma ashixle changdaoa. Tingjang lomnubu to mix langkyabu tüile; hommong khato ngaxchu mang tüile.

JEREMIA 50:43

Babilon nok wanghompa-e ija kaxho atat, ilaxle chix chak a faile tang. Chix a mongtsik-mongmae kop, ija a shekonu tuitae nao ngün ang kakkya ningle chang.

JEREMIA 49:24

Damaska angkya khünaknu ma zong müntüi ilaxle hwom a chasa samle jao awukle pao. Hwom a sheko tuitae nao ngünüi ningle tsütle kakkya hia khosam ma ngo.

JEREMIA 49:22

Hozang pünlaxle ola jukya ningle zan-noke Bozrah to singüi. Ija nyix Edom nok süpahibu a sheko tuita nao ngün pongma abankya ningle abüt-abanüi.”

JEREMIA 48:41

ilaxle ibue tinglongbu hia zanhunuibu hwople kopüi. Ija nyix a Moab nok süpahibu a nao ngün pongma shekonu tuita monghik ma hixüi.

JEREMIA 45:2

Jowanpa, Israel nok Zang-e akaxkya kax chix hama akax: “Baruk,

JEREMIA 30:6

Athax zaklax ilaxle ajanglax! Lüka tuitae naosa pux ang tho ang chami? Jangchangba lükabue wok ma twontwonle mixnu tuita nao ngün ang thangpupule kue chem ngün? Pangwüi büthüikoxle thün huishole chang?

JEREMIA 22:23

Lebanon tokhange apüikya sedar thamkha to nang kho azangle ngo; ikoxle nang to tsütle kakkya zuma nang a chingcha ashukle changüi, mixnu tuita to nao ngün wok-kak kakkya ningle a.

JEREMIA 18:21

Ikoxle athax, Jowanpa, hwom naosombu woknuak ma zi ang laxkox; hwom a zan ma max ang tomkox. Mixnu hwome ma kakopa hia naosom hwom amüt-asamle naxchang kox; mixpabu a okak-olak ma ilaxle tsünzün thom a zanhok male max ang tomkox.

JEREMIA 15:18

Büthüikoxle ku chizakle sikngünle ngo? Ku mak a büthüikoxle chimüi angkya oli? Ibu büthüikoxle chimüitho angkya? Tsonu khato zople paokya shuasa tuita ningle nang ku ang mong athose thütpia?”

JEREMIA 14:18

Chemtue ku zang kotho to laile paopuix, kue zanhok ma langkya khünak mangbu ngün; chemtue ku tinglongbu to paopuix, kue khünaknu woknuak ma zile ngokyabu ngün. Zompu-zangpabu hia jebue hwom mwot mokle ngo, ikoxle hwome chem mokle ngopuix hwome chitik.”

JEREMIA 10:19

Jerusalem angkya khünaknu akhong, “Kwom to ziamale jao maklaxdaoa! Kwom man tam müitoxüi münchang. Kwome ija a adu ang thoüi tukux thüt!

JEREMIA 6:2

Zaion tingnu a tuita osün müikya changle, ikoxle ija a pünle amadaoüi;

ISAIA 42:14

Zang-e thüile: “Okuilole ku dangle ngodaoa; kue ku khünaknu kax to chilax. Ikoxlechu athax mok angkya hanpak nguile hüidaoa; Sheko mixnu nao ngün ang awao pupule ku akhongpu.

ISAIA 21:3

Kue ngünkya mikngün-ohüne ku chabüt-lasün ang tamchu okak ang achangle; ija okak a sheko tuita nao ngün ang kakpupule changle.

ISAIA 13:8

Hwom a huanuma abütüi ilaxle sheko tuitae nao ngün ang kakpupule kakkyae hwom to anaoüi. Hwome tata to za dongle huüi, ilaxle azakkyae hwom thün ma wünchuaüi.

ISAIA 6:5

Kue akax: “Ku hanpakma monghom angkya müntüi! Ku a maxdaoa, chemthüikoxle ku le makhange laipupu kaxhuak pangwüi ochax, ilaxle opange kaxhuak pangwüi ochax zangwünle tüipuix, hwom khato ku ngole. Ikoxlechu ku mik jao füi ku Wanghompa, Khüthak Zang kue ngünle laxdaoa!”

MÜNCHUAK-TSAI 120:5

Hünzom khato ngokya a Meshek ma ngokya tukuxle male chichangba Kedar nok khato ngokya tukuxle male,

JOB LAIPEX 10:1

Ku ozün ma ngokyae ngomüna. Ku mongma zangwün to apahüi.

PONGWANG LAIPEX 27:46

Rebika-e Isak ang thüi: “Ku kakle tamchu Esau sheko mixnokcha-e ngwomle. Jakop-e chu ikhatokya naocha laxle jangchang thüiningle ku zichu-zitüi.”

ISAIA 26:17

Jowanpa, nange kwom asop, sheko tuitae nao ngün ang sikngün pongma sopkya ningle.

MIKA 4:9

Hünzom büthüikoxle akhongle sop? Sheko mixnu nao ngün wok-kak pupu le hünzom ang chem sikngünle ngo? Ija a tuita wanghom chitüikya khoma changpia, hia hünzom mong achenle ngokyabu a zile paokya khoma changpu?

MIKA 4:10

Kwom-kwomlanle wotle, Jerusalem angkya khünakbu, mixnu tuitae nao ngünüi ninglea, chemthüikoxle athax hünzom tingnu dantoxlaxle kothofa to ngo angkya changle. Hünzom a Babilon to pao angkya changle, ikoxlechu Jowanpae ikhato zanpabu chak tokya hünzom khosünle kopüi.