JEREMIA 4:27 - OTSAO BAIBEL (BSI)

²⁷ Zangfang pangwüi awütkya haxtok ang achang angkya Jowanpae akaxdaoa, ikoxle ijae ija komkaile amütüile münchang.)

JEREMIA 4:27 ပူးပေါင်းရင်းမြစ်များ

JEREMIA 46:28

Hünzom hato ku nguiüi ilaxle hünzom khosünüi. Chaxwannu nok pangwüi kue amütüi kue hünzom chiakle asam thomkya nok to a, ikoxlechu kue hünzom münamüt. Kue hünzom to sik chiangünle müntox; ikoxle chemtue kue hünzom to sikangünüihex, kue olom ma moküi. Ku, Jowanpae ija akaxdaoa.”

JEREMIA 5:18

Jowanpae thüi: “Ija tuke ngaxchu kue ku khünaknu komkaile olithu ang müntom.

JEREMIA 5:10

Ku khünakbu grep haxtok züt ang kue zanpabu ahüiüi, ikoxle ibu komkaile oli thu angkya hanpakmale münchang. Kue hwom ang okangsasa tum angkya akaxüi, chemthüikoxle okang ibu a ku kux münchang.

JEREMIA 30:11

Ku hünzom hato nguiüi ilaxle hünzom azünüi. Jat-libu pangwüi kue max ang tomüi athax hünzom kue chiakle thomkya onokbu a, ikoxlechu kue hünzom münamüt. Kue hünzom to sikngün chifa homtoxle münalyet; ikoxle kue hünzom to sikangün koxlechu chisumüile münchang. Ku, Jowanpae ija akaxdaoa.”

EZEKEL 11:13

Kue ajele ngopongma, Pelatiah nguakle zi. Kue thün haxchi to aho ilaxle akhong: “Münchang, Jowanpa Khüthak Zang! Israel nok ma danle toxkya pangwüi nange langüihi?”

LIWI 26:44

Ile chang koxlechu, hwom zan-nok chaxwan to ngopongma ngaxchu kue hwom komkaile dantoxüi chichangba oli thuüile münchang. Ile chang koxle hwom füikya ku Tsaotsüt oshuk ang achangüi, chemthüikoxle ku a Jowanpa hwom Zang changpu.

EZEKEL 33:28

Kue onok a khünak chingole awütkya haxtok ang achangüi, ilaxle hwom mongngam ang laxle ngokya tsak-zong a oshuk ang achangüi. Israel haxnubu a owachu mata-anyi le ang chithokya shonak-lingnu ang achangüi.

EZEKEL 6:14

Changpu, kue ku chak thüiüi ilaxle hünzom chaxwan amütüi. Shuathongchi sak-hax makhange shuakuxchi ma Riblah tingnu alople kue oziak chidünkya haxtok ang achangüi, ile Israel nok ngole tüikya ojongkhachu danle müntox. Ifüimatix ku a Jowanpa jao changpule noknusae awanle lax ang kopüi.”

JEREMIA 18:16

Hwome ija haxtok a khompua-zadünkya oli ang achangdaoa, ilaxle pangnusae ikha othuithui hanpak ang awütdaoa. Hwom mik füi ngün ang kopkyabu thoto imakhange lekya khünakbu abütüi; abütkyae hwome khang awingüi.

JEREMIA 7:34

Haxtok a sak-hax ang achangüi. Judah tingnubu hia Jerusalem tingjang lomnu to mongmüi-pwonlale tamchu mongmüi atungle tuiju-nasomle changkyabu ozing zak ang tomüi.

JEREMIA 4:7

Azwonle ngokya mailang laile hüikya ningle, jat-libu hato ngui angkya thama achexüna. Chix a Judah amüt ang nguile ngole. Judah angkya tingnubu pünle ama toxüi, ikhato owachu münngoüi.

ISAIA 24:1

Jowanpae chaxwannu a ohua ang achangüi ilaxle ija chilaxli ang dantoxüi. Chixe chaxwan thün nongnong-püilüile achangüi ilaxle ikha angkya khünaknu chiakle asamüi.

2 PUKAX-PANGAO 36:21

Ile changkya tokhange: “Otuechu chitole awüt thomkya Sabath nazakle nuikya ang achangle haxtok a zanglao 70 man chizaikya haxtok ang thomüi”, le Jowanpae chix ajepa Jeremia makhange ajekya kax changle ngai ang tom.

NEHEMIA 9:31

Ile chang koxlechu, nang chingcha chongle tüikya khoma, nange hwom awütle chitox chichangba olithule chiama. Nang a mongkün hia chingchajaja füikya Zang changle!

JEREMIA 4:20

Thangshix tuita füima tuita azuile hüi; haxtok pangwüi pünle ama toxdaoa. Kem pombu allele pünle ama; ibu tuknyibu a akyetle akhix awüt.

JEREMIA 9:11

Jowanpae thüi: “Kue Jerusalem a pünle amadaokya tamting ang achangüi, hijanbu ngwotnui ang achangüi; Judah tingnubu a sak-hax ang achangüi, owachu chingokya onui tuita ang a.”

JEREMIA 25:11

Ija haxtok pangkha wüi amale dantoxüi ilaxle ija a mikngün ma za-adünkya tuita changüi, ilaxle tomzi nokbue zanglao puzom-bün hanpak ang wanghompa Nebukadnezar thothale changüi,

JEREMIA 44:6

Ikhoma kue ku mongtsik hia mongma Judah tingnubu hia Jerusalem tingjang lombu ding ma thokle adüt, ilaxle kue ibu wün to zokle ashun. Ibu pünle amatox, ilaxle ibu a, anyix kople tüikya ningle mikngün zongma tuita khomtsi angkya oli ang ngole hüi.

EZEKEL 20:17

“Ikoxlechu ofüima kue hwom to chingcha. Kue hwom sak-hax ikhato chilang angkya mongzangwünle tsuak.

LIWI 26:31

Kue hünzom tingnubu amaüi, ilaxle hünzom zangshwom nuibu wandangjale toxüi; athax kue hünzome koxkya ongan müikya tö münatumüi.

ISAIA 17:6

Khünak hidaole wüi ozün ma toxüi, ilaxle Israel a, okho to tomta hia anyi toxlaxle chichangba kangtong to tomta anyi toxlaxle oziak bakle khaile laxdaokya olip pün tuita ningle changüi. Jowanpa, Israel nok Zang kue akaxdaoa.”

MANGSOP 2:7

Jowanpa-e chix tö-tsap awüt ilaxle chix otsao Zangshwom-Hom chilaxle dantoxdaoa; Chixe zanpa ang ija pan-katuk pünle adüt ang kox. Kwome mongmüi atungle zangshwom ngokya nui ma hwome sungdün ngadongle akhong.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.