JEREMIA 4:22 - OTSAO BAIBEL (BSI)

²² Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

JEREMIA 4:22 ပူးပေါင်းရင်းမြစ်များ

1 KORIN 14:20

Tüinaohom, hünzom mongjang ma naosom ningle taxchang; ochax lom ma naosom angchu achanglax, ikoxlechu tutex ma mixmüi ang achanglax.

ROM NOK HATO ZAKYA POL LAIZA 16:19

Kaxho Müikya ma hünzom shingmongle tüikya pangnusae wüi atatle, ilaxle ija khoma hünzom hanpakma ku ang mong müihupu. Müikya olom tsingwan ang hünzom ma hwontüi jelang hüi, makya olom hanpakma olan ma tango. Ija a ku mongtex.

JEREMIA 5:21

Na thale apalax, hünzom ongat-ongüi tamchu chemchu chitsingkyabu, hünzom ma mik tüipu ikoxlechu chingün, na tüipu ikoxlechu chiatat.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

ROM NOK HATO ZAKYA POL LAIZA 1:22

Hwome hwom a hwon-hi-je füikya le thüitüi, ikoxle hwom a ongatbu;

HOSIA 5:4

Khünaknue mokdaokya ochaxe hwom Zang hato chat ang chitomle kople thomle. Chapa shwomkyae shingmongle hwom to kople thomle, ilaxle hwome Jowanpa ang tüipule münthüi.

JUHAN 16:3

Hwome ku wüi changkoxlax chichangba Apa wüi changkoxlax chiawankya khoma hünzom to ile hwonüi.

MIKA 2:1

Mik azangle shuile ngo üntoxle ochax mwotlom zingle ngokyabu hanpakma chemtukux khomtsi angkya tüipuix! Chemtue huazungle zangngaipuix, hwome oshua müikya ziasyen atakkya füi tomle, hwome zingle thomdaokya ochax mwot hwome mok.

TSAITONG-KAXTONG 32:28

“Israel a tutex ma mongkho chinguikya jat-li tuita changpu; hwom ma je-hwon ojao müntüi.

ROM NOK HATO ZAKYA POL LAIZA 1:28

Hwome Zang bama tsingwankya otsingtsing mong ma kop ang angamkya khoma Zange hwom oma mong chak to dan, ikhoma chem chimokse hex ija hwome mok.

JEREMIA 13:23

Khünakbue ma tsangtsa khwon zong ajüi ang tho ang cha, chichangba chaxnu tuitae chix tsangtsa ma zakya awüt ang tho ang cha? Ija hwome tsuak koxba, ochax boma chemchu chimok tsuakkya nange changkya mwot mok ang awanle laxse.

ISAIA 27:11

Pün okangbu a zile zan ilaxle pakle pao, ilaxle shekobue ibu ha ang zyenle athün. Chemthüikoxle khünakbue chemchu chitsing, Zang hwom zingpupae hwom to chingcha chichangba jajakya chitüiüi.

JEREMIA 10:8

Hwom pangwüi ongat-onguingui wüi. Püntho chapabu makhange hwome chem tsingle lax ang thoüi?

ISAIA 1:3

Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”

JEREMIA 5:4

Ifüima kue ajang: “Ibu a mixshix-zasa hia chemchu chitsingkyabu changle. Hwome ongat ningle mok-mole; hwom Zang-e lomkya hwome chemchu chitik, Jowanpae hwom amokse tsukyabu a.

KAXHO MÜIKYA LUK 16:8

Üntoxle hopunue iningkya huxtsing-loptsang mwot khoma chix da mün achuak; chemthüikoxle zangngai tokya khünakbu füi zangnak tokya khünakbue wüi matsyem madang tu ma huxtsing-loptsang mwot makhange tata to kho-jo ang onüi awanle.”

HOSIA 4:1

Ija haxtok ma ngokya khünakbu hanpakma tsaitox-kaxfekya zangwün apüi angkya Jowanpa ma kax tüile. Israel, chixe chem akaxpuix ija to apalax: “Haxtok ma mongong hia mongkün müntüi, ilaxle khünaknu ku ang Zang changpule mün-e.

TSAITONG-KAXTONG 32:6

Hünzome Jowanpa to ile hwon angkya olom changcha, hünzom ongat, tutex mong chizaikyabu? Chix a hünzom hopa, hünzom zingpupa, jat-li tuita ang hünzom chixe zingpu.

2 SAMUEL 13:3

Ikoxlechu Amnon ang tüle huxtsing-loptsang zuikhui tuita Jonadab le tüikya. Chix a Dawid hotüi Shammah sasün changkya.

MÜNCHUAK-TSAI 36:3

Hwom zangwün a chichangchizangle üntoxle thaikyae awangle tüile; oja je mwot hex üntoxle müipuix, ija hwome tam-münmok.

MÜNCHUAK-TSAI 53:4

Zang-e atüi: “Hwome müntsingkox hia? Ibu ochax mwot mokle ngokyabu chemchu chitsingkyabu hia? Hwom a ku khünaknu tsangtse laxle ozün ma ngotüi, ilaxle hwome ku to otuechu chijopüi.”

MÜNCHUAK-TSAI 82:5

“Hünzom a chemtukuxkya ongatbu hex! Chem ngat ma ngapuix! Hünzom a komkaile chichangchizangle tüidaoa, ilaxle chaxwan angkya sukya olom a samdaoa.

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.

JEREMIA 4:21

Zanhok shixkya to kue chemtukux hule ngoüi ilaxle nyazongbu mütle angaokya apale ngoüi?

JEREMIA 9:3

Jento hwom a atse ang achwonle tüile; otsingtsing lüima wanlom chitokyabue haxtok apünle ngole. Jowanpae thüile, “Ku khünakbue ochax mwot tuita füima tuitale mokle ilaxle hwome ku a hwom Zang changpule jao mün-e.”

EZEKEL 16:30

Ija a Jowanpa Khüthak Zang-e akaxkya kax changle: “Nange ibu zakzak chitüikya tsangtsa hangkya mixcha tuita ningle mok.

AMOS 3:10

Jowanpae thüi: “Ibu khünakbue mahom-mahax, mix lang mix mixhuak laxle hia pa-lole kopkya tuinabu füi awangle thomle. Hwome chemle su-angkya hex, ija ojao müntik.

PONGWANG LAIPEX 39:16

She-e ija Jusep nyi ma kakopa nguikya kople she chak to thom.

MÜNCHUAK-TSAI 36:4

Hwome azünle lya ma shui laxle ochax mwot-mwot ajangle; hwome mokkya müikya tuita müntüi, üntoxle chem ochax hex ija hwome otuechu münmokpule münthüi.

WANWÜNKAX 28:5

Ochax khünake sukya chem hex ija müntik, ikoxle opange Jowanpa to shwompuix hwome tix müile tsingle laxle.

JEREMIA 9:2

Sak-hax to ku ang ngwotnui tuita namtüikoxba ku khünaknu füi atsaile ku ikhato ngose dai. Hwom pangwüi mongong chitüikya khünakbu, mixkho hang ang mwopkya othom.

JEREMIA 9:5

Hwom pangwüie ma zuikhuibu othai lom to alyetle, ilaxle opupuechu kaxtsing zang münwün; hwome hwom lebu ang atse angkya anole koxdaoa ilaxle hwome tsai ngaokya otuechu müntox. Hwome tata zongto tüikya mwot tuita füima tuitale mokle, ilaxle tamdyenkya füi lüile chat chuwüi dyenle. Chix khünakbue chix chilaxle awütkya Jowanpae akaxle.

MIKA 7:3

Ochax mwot mok ang pangnusa wüi tüle anaxle. Nguakax wangkhobu hia kaxfünpabue zuizunbu jule. Tsaipu-kaxpabue ibu hama hwom mongtex wünle koxle, ilaxle ija ningle hwom notom laxle katzua tsuakle.