JEREMIA 4:19 - OTSAO BAIBEL (BSI)

¹⁹ Kakle! Kue adu ang chithole kakle! Ku khaxtua! Ku khaxtua zongbakle jao twople! Ku dangjale ngo ang müntho; Kue nyazongbu zing atatle azan ang akhongkya zingbu a.

JEREMIA 4:19 ပူးပေါင်းရင်းမြစ်များ

HABAKUK 3:16

Ijabu pangwüi kue atat, ilaxle ku zale abün; zakyae ku tunpün abün. Ku tsangtsa ma jao-jao zong chitüile chang, ilaxle ku chitong ma chikho thu. Hanpak nguile hüikya thatanle ku dangjale ngoüi kem to single hüikyabu to Zang-e sikangünle changpongma.

ISAIA 22:4

Athax a ibu ku khünaknu mikmaxünkyabu hanpakma mongmaxle sop ang ku to chitsale danhüi. Owaechu ku taxjox.

ISAIA 16:11

Moab hanpakma mongmakyae ku wot, tamchu Kir Heres hanpakma mongmaxkya füi.

JEREMIA 9:10

Kue akaxpu: “Kue haxhuabu mang sople changüi ilaxle müitsomnuibu hanpakma mikfi ajenüi, chemthüikoxle ibu a zile zandaoa, athaxpi ibu akaile owachu münaham. Tsom-pom ahamkya zing ikhato münatat; fao osa hia fao müibu pangwüi paole samdaoa.”

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

ISAIA 21:3

Kue ngünkya mikngün-ohüne ku chabüt-lasün ang tamchu okak ang achangle; ija okak a sheko tuita nao ngün ang kakpupule changle.

GALATIA 4:19

Mongkün kusahom, Khrista zanglom hünzom ma zingle machang tanto, honu tuita ang nao ngünpongma kakpupu le ku mongto hünzom khoma kakle maxle.

DANEL 8:27

Obibi nyix hex ku a mongmale tamchu kakle ngo. Ifüima ku zo ilaxle wanghompa-e ku ang koxle thomkya mwottho to ajong, ikoxlechu ija mikngün-ohüne ku je-apale awüt ilaxle ija chitsingtsuak.

DANEL 7:15

Kue ngünkya mikngün-ohüne ku mong asale awütle, ilaxle wün ang chimüile ku mong atwop le.

ISAIA 15:5

Moab hanpakma ku ang mongkha tokhange sopdong! Khünaknu a Zoar tinglong hia Eglath Shelishijah tinglongbu to paole azang. Züizüi a Luhith lomnu to dong, lomba to hwom sopngale aham; züizüi a akhongle sople Horonaim to paole azang.

MÜNCHUAK-TSAI 116:7

Ku mongkha ma ongkya tüihüi, chemthüikoxle Jowanpa a ku zongto müikya changle.

ROM NOK HATO ZAKYA POL LAIZA 10:1

Kutüi kunaohom, ku zongma ma khünakbu khosünle namchang koxbae le ku mongto otukux sungkya dai! Hwom hanpakma kue obukux zangjopkya dai!

AMOS 3:6

Khünaknu chaza ang chitomle tingnu ma zan-khong nyazong mütle chang ang chami? Jowanpae ahüile lüwüi chichang, tingnu tuitae kaknu-laknu thama apongle chang ang chami?

DANEL 7:28

Ija ba angkya zangwün ibibi ma ashukle. Ibu ngünlaxle ku huanuma za ilaxle thün huishole chang, ilaxle kue ibu pangwüi ku hanpakma mong ma akhax-adangle thom.

MANGSOP 2:11

Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

MANGSOP 1:16

“Ikhoma ku mikbu a mikfie awangle tüile. Ku mong owaechu asomle fa ang müntho; owaechu ku mong achenle chichang. Zanpa ku to anaole changdaoa; ku khünaknu chak ma chemchu müntox.

JEREMIA 23:9

Ku mongtsang thule asyepdaoa, ilaxle ku abünle ngopu. Jowanpa khoma, chix otsao kaxhuakbu khoma, ku a jutok mix tuita ningle changle, owawae ju huanuma lingle kopkya mix ningle.

JEREMIA 20:9

Ikoxle chemtue kue “Kue Jowanpa alaküi ilaxle chix mün ma tam-münakaxüi”, le thüipuix, ipongma nang kaxho a wün lailaile ku mongkha to zule chuak. Kue ija ku mongkha to kople thom ang tsuakkya pongle azong, ikoxle kue kople thom ang chitho.

JEREMIA 13:17

Hünzome chiapa jangthüi: Hünzom mongngam khoma ku huxsa ma sopüi; ku mongmaxle sopüi, ilaxle ku mikfi jenle juüi chemthüikoxle Jowanpa khünaknu a zanda ang kople paodao koxle.

JEREMIA 4:21

Zanhok shixkya to kue chemtukux hule ngoüi ilaxle nyazongbu mütle angaokya apale ngoüi?

JEREMIA 4:5

Haxtok awangle nyazong mütkox! Tsingshole akhong-akhakox! Judah hia Jerusalem angkya khünaknu füi akaxkox ziakop laxle thomkya tingnu to pao angkya bama.

MÜNCHUAK-TSAI 146:1

Jowanpa achuak kox! Jowanpa achuak kox, ku chasae!

MÜNCHUAK-TSAI 119:136

Ku mikfibu shuajen ningle jenle ju, khünaknue nang wanlom kax ma chilaxkya ngünlaxle.

MÜNCHUAK-TSAI 119:53

Chemtue chichang-chizangkya khünakbue wanlom pünle changkya kue ngünpuix, ku a mongtsike awangle.

MÜNCHUAK-TSAI 103:1

Ku chasa, Jowanpa achuak kox! Ku khüzün pangnue chix otsao mün achuak kox!

MÜNCHUAK-TSAI 16:2

Kue Jowanpa ang thüipu: “Nang a ku Jowanpa changle; ku ma tüikya müikya oli pangwüi nang makhange tix hüipu.”

KAXFÜNPA-HWOM 5:21

Kishon angkya tichene hwom chwotle pao: Ipong zongle zikle kaüi Kishon tinue. Kue achuaüi, achuale leüi, janzüi füia!

HUAKE LAIPEX 10:9

Chemtue hünzom haxtok ma zan laile, hünzom to single hüikya zanpa chak tokya ma khosün ang azongle ngopuix, ipongma chaxkhong-zankha apukle ibu nyazong mütkox. Jowanpa kue hünzom a ochax-ozan pangnu chak tokya azün ang hünzom to asuüi.

PONGWANG LAIPEX 49:6

Hwom huxsa zangwün ma ku münwomüi, hwom katzua to kue müntsaüi. Mongtsiktsik ma hwome mix-lang; tsom-pom to chakmok-janlangkya hwome abaokya ang laxle.

1 KORIN 14:8

Khom thut mixe onox tole chithu thüikoxle, zan to ka ang owa atha anyemüi?

JEREMIA 6:24

Jerusalem angkya khünakbue thüi: “Kwome kaxho atatdaoa, ilaxle kwom chakbu a ofai-oshok ang achangdaoa; kwom a sikngün-mongthange sheko tuita nao ngün wok-kake koppupule kople amütdaoa.

JEREMIA 8:21

Ku mongkha thuple akhixle chemthüikoxle ku khünaknu a thuple akhixdaoa; ku soppu; ku a komkaile khosampu.

JEREMIA 49:2

Ikoxlechu kue Rabbah pongwün tingnu angkya khünaknu ang zanzing atat ang tom angkya hanpak nguile hüile, ilaxle ija a amale dantoxüi ilaxle ija angkya tingkhuabu a zokle ashun toxüi. Ifüimatix hwom chak tokya pale laxkyabu chak tokya Israel khünaknue ija haxtok tamchatle kopüi.

JEREMIA 50:22

Ija haxtok ma azankya ozing atat ang kople, ilaxle huanuma thomjole changdaoa.

DANEL 4:19

Ija ma, Danel, owa ang Belshazzar lechu nyakpuix, chix wün ang chithoüntoxsi le huanuma abüt-abanle changkya khoma zangwün ang chithole chang. Wanghompa-e chix ang thüi: “Belshazzar, ija wünmang hia ija chem hanpakhex, ija zangwüne nang abüt-aban ang taxtom.” Belshazzar-e lan: “Wanghompa, ija wünmang hia ija chem hanpak hex ijae nang to chichangle nang zanpabu to asax-asu le chang koxle müisele kue thütle.

2 WANGHOMBU 4:19

Allele chixe hopa nyakle akhong: “Ku ang khang luakle! Ku ang khang luakle!” Hopae dapa tuita tsanle thüi: “Naosa a honu hato apüikox.”

2 WANGHOMBU 8:11

Ifüima Elisha-e Hazael to, chix thuile kak ang achangle paokya kople mikma-thünmale hu. Allele Elisha ang mikfi jen.

ISAIA 21:4

Ku ang kho-anguixle, ilaxle ku zalaxle abün ngole. Kue hanhomle otu ngünhaxle sungle ngo, ikoxle ijae ku hato chabüt-lasün boma chemchu chiapüi.

JEREMIA 8:18

ku mongma kak müifang münchang; Ku a khaxtua ma kakle.

MANGSOP 1:20

“Hulax, O Jowanpa, ku künmax-mongshan to, chasa ma ku chamax-muasamle changkya to! Ku mongkha a ku ochax bama mongmaxkya ma ashixle changdaoa. Tingjang lomnubu to mix langkyabu tüile; hommong khato ngaxchu mang tüile.