JEREMIA 4:18 - OTSAO BAIBEL (BSI)

¹⁸ Nang ngokya zanglao hia nange mokle hüikya mwotbu makhange Judah nange ija nange alüile nang hato apüilaxpu. Nang ochaxbu makhange ija thangnak apong ang tomlaxpu; ijae nang mongtsang apatle tsundaoa.

JEREMIA 4:18 ပူးပေါင်းရင်းမြစ်များ

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

MÜNCHUAK-TSAI 107:17

Züizüi a ongatbu, ma ochaxbu khoma sikngünle ngo tamchu hwom chichangchizangle tüikya khoma;

JEREMIA 2:17

Israel, nange alüile ija nang ding a nange apüilaxpu. Jowanpa, nang Zang ku nange awütle toxlaxpu, lomjang fole kue nang lom azüingale-a.

ISAIA 50:1

Jowanpae thüi: “Khünak tuita chix kakonu apaokya ningle kue ku khünakbu apaopule nange thütpia? Jangchangba, afan angkya laiza ojong? Khünak tuitae masa da ang hangkya ningle kue hwom zanda ang koxle apaopule nange thütpia? Ile münchang, hünzom zanda ang hünzom ochax khoma paopu; hünzom mütkopbu khomale hünzom koxle apaopu.

WANWÜNKAX 1:31

Ikhoma hünzome chem kopse hex ija hünzome kop angkya changle, ilaxle hünzom ma mwote alüile okak ang achangüi.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

JEREMIA 26:19

Wanghompa Hezekiah hia Judah angkya khünaknue Mika a langle chiawüt. Itülüi, Hezekiah-e Jowanpa achuak-achen ilaxle chix chingcha kop ang azong. Ilaxle hwom hato ahüi angkya thama bama Jowanpa ang mong alüix. Athax kem a kem hato alüile khomtsikya thama-thomshix ahüiüi khakha.” (

JEREMIA 5:19

Kue ibu chemthüikoxle mokpuixle hwome atüikya zuma, chemle hwome ma haxtok ma ngolaxle ku hato tok aho ilaxle mixnok baozangbu to shwomle changpuix, ija lailaile ma haxtok chichangkya khato hwome mixnokbu thotha-manzaile chang angkya, Jeremia, nange hwom hama akaxkox.”

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

JEREMIA 5:25

Itülüi, hünzom ochaxbu khoma müikya oli ibu hünzome kop ang chitomle abaxle tüile.

EZEKEL 39:24

Hwom chitsaokya hia chichangchizangle tüikya khoma chem kopse hex ija hwom ang kox, ilaxle kue hwom hato tok aho.”

HOSIA 7:2

Ibu ochax kue mong ma kople thom angkya le hwon khangka ma ojao chiale; ikoxle hwom ochaxe hwom to akanle kop, ilaxle ibu chingünle kue tsiaktox ang chitsuak.”

JEREMIA 14:16

Khünaknu opang hama hwome ija zangwün wünle changdaopuix, hwom chuwüi talailaile mik max ang tomüi. Hwom tompobu a Jerusalem tingjang lomnu to tswonle awütüi, ilaxle hwom mangzu angkya khünak owachu chitüiüi. Ija a hwom pangwüi füi ile changüi: hwom kakonubu füichu, hwom sasün hia sacha hwom füi chuwüi. Kue hwom ang hwom chichangchizangle tüikya tsangthom ang tomüi.”

MANGSOP 3:15

Chixe ku ang sütling makhange zoshunle sikngün apong ang tom.