JEREMIA 4:17 - OTSAO BAIBEL (BSI)

¹⁷ ilaxle zimfa nyele ngokya khünakbu lailaile hwome Jerusalem akhople kopüi, chemthüikoxle she angkya khünaknue Jowanpa zan to kale tüile. Ija kax Jowanpae akaxdaoa.

JEREMIA 4:17 ပူးပေါင်းရင်းမြစ်များ

JEREMIA 5:23

Ikoxle hünzom khünaknu! Hünzom a mongkhüi tamchu zan-mong füikyabu; hünzom a ku dantoxlaxle mama chito jüile pao.

MANGSOP 1:18

“Ikoxlechu Jowanpa a sukya changle, chemthüikoxle kue chix kax ma chilax. Ku kax to apalax, khünaknue pangnu khato; ku tsütle kakle ngokya to hulax. Ku naosom sheko hia lüka pangwüi zanda ang kople paodaoa.

MANGSOP 1:8

She achuak-achenkya paodaoa; she a tomhua ma ilaxle mongtextex ma nutnuile. She awao ilaxle azakle thün khom. Jerusalem-e khomtsikya ochaxbu füi she alüile zakkop ang tom.

ISAIA 30:9

Hwome jento Zang füi alün, jento atse, othuithuima hwom Jowanpa hwon-nwot to mün-apapule angam.

ISAIA 1:8

Grep haxtok nyetmix pomsa hia wum-wao mwonsa angkya tap tuita ningle, Jerusalem tingnu chix tata, mix chak to kople thomdaokya tingnu, ojao ziakopmix chitüi homtoxle danle tox.

NEHEMIA 9:30

Zanglao fo to adukya füi nange hwom ang kaxkhün kox. Nange nang ajebu ang akax angkya kax kox, ikoxlechu nang khünaknu ang natüt, ikhoma nange hwom to mixnok wangtingbu lüt ang tom.

NEHEMIA 9:26

“Ikoxlechu nang khünaknue nang füi alünle ajong ilaxle nang kax ma chilaxle tüi; hwome nang Wanlom hato hwom tok aho. Hwom ang kaxkhün koxkya ajebu hwome langle awüt, nang hato mong chatle hüi angkya hwom füi akaxkyabu a. Janpong bato hwome nang tha ajao,

TSAITONG-KAXTONG 9:24

Kue hünzom awan ang kopkya owangpong tokhange wüi hünzome Jowanpa zongto alünle hüi.

JEREMIA 52:4

Zedekiah-e apünkya zanglao aku ma lyetjang bün lükya bün nyixkha Nebukadnezar nguilaxle Jerusalem tingtak. Hwome tingnu tokna ma hwom pom zaile kop, ilaxle ifüi apiale toknachi ma pan-katuk füi alyenle ziakop angkya akhople hax thokle lwon,