JEREMIA 4:14 - OTSAO BAIBEL (BSI)

¹⁴ Jerusalem, nang mongkha angkya ochax sole atsao dao, ikoxtix nang azang ang thoüi. Ochax tutexbue awang laxle nang chemtukux ngole hüiüi?

JEREMIA 4:14 ပူးပေါင်းရင်းမြစ်များ

JAKOP 4:8

Zang hato soxle hüikox, ikoxle chix nang hato soxle hüiüi. Ochax khünakbu, hünzome ma chak tsuxlax! Künkux-mongkwombu, hünzome ma mong atsaolax!

WANGSHEMBU MWOT 8:22

Nange ija ochax lom to thütkya nang mong achatlax, ilaxle ija ningle nang mongto chichangle thüt-pan daokya hanpakma Jowanpa to joplax ikoxletix chixe nang ang thailak faüi.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

1 KORIN 3:20

Tamchu Otsao Lai mama khama thüile, Je-hwon füikyabu mongjang laxli münchangle Zange awanle.

ROM NOK HATO ZAKYA POL LAIZA 1:21

Hwome Zang awan, ikoxlechu chix achuak afua le chichang, ilaxle münchongchu tamchifa. Itülüi mongjang samsamsüi le pao ilaxle chem ngax chitüikya hwom khangka zangnake awang.

KAXHO MÜIKYA LUK 11:39

Ikhoma Jowanpa-e chix ang thüi: Hünzom farisibue khopkhua wansa otok fwotle, ikoxle hünzom mongkha to chichang-chizangkya hia ochax tutex e awangle ngole.

JEREMIA 13:27

Hünzome chixe anukya mwot mokle changkya chixe ngündaoa. Zwonpong tuita zwonnu tuita to achuale zikpupule hünzom a ma tomzi kakonubu füito zikle ilaxle haxkho hia kotho to hünzom a songsari baozangbu hato paole changkya chixe ngündaoa. Jerusalem angkya khünakbu, hünzom a maxdaoa! Hünzom a chemtue tsaotha laxüi?

WANWÜNKAX 1:22

“Ongat khünakbu! Hünzom ongat ma chemtukux okuilole ngose tsupu? Je-hwon wanjaikya ma hünzom ang mong chemtukux müingolaxüi? Hünzome otuechu tsing-wanle münchangtox pia?

MÜNCHUAK-TSAI 66:18

Kue ku ochaxbu ajao-ahaile jangchangdaoba, Jowanpa-e ku to münapase.

MATHI 12:33

“Müikya pünziak kop angkya hanpakma hünzom ma owan müikya pün tüi angkya changpu; opün wan chimüikya pün ma hünzome oziakchu chimüikya kopüi. Pün a oziak makhange tix awan ang kople.

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

MÜNCHUAK-TSAI 119:113

Nang zongto komkaile nang kax ma laxle chichangkyabu to kue miktsakle, ikoxlechu kue nang wanlom to mongkünpu.

MÜNCHUAK-TSAI 51:2

Ku onu-oma pangnu sole fahüi üntoxle ochax tokya ku atsaohüi!

JEREMIA 2:22

Nang a sümüi pupu sabon füi sokoxle chu, kue nang thaikya janman ngün ang kople.

JEREMIA 6:19

Apalax, Chaxwannu! Hwom mongjang mwot pangwüi ama angkya hanpakma kue ibu khünaknu hato thama apüiüi, chemthüikoxle hwome ku hwon-nwot pongle münkop ilaxle ku zangwünbu kax ma münlax.

JEREMIA 17:1

Jowanpae akax: “Judah angkya khünaknu, hünzom ochax a jan zatkia füi zadaoa; ilaxle ija a hünzom künkha-mongkha ma thalix long jun füi takle zadaoa ilaxle nang tö-tsapbu angkya müizongbu ma ija saosa füi takle zadaoa.

ZEKARIA 8:17

Tata zongto oma ang achang angkya mwot taxmok. Tsaotsütle othai mikngün kaxkhi taxfa. Atsekya, chisukya hia tata zan to kale changkya thua ku anule.”

JEREMIA 18:11

Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

JUHAN 13:9

Simon Pitar-e chix ang thüi: “Nwotmix, cha tata chichangle ku chak hia khangchu sole fahüi.”