JEREMIA 4:13 - OTSAO BAIBEL (BSI)

¹³ Hulax, zanpa a zangfwombu lailaile hüile ngole. Hwom man-kanlinbu a shangflo ningle, ilaxle hwom manbu a ola füi ngaxchu süzikle. Kem a samdaoa! Kem a maxdaoa!

JEREMIA 4:13 ပူးပေါင်းရင်းမြစ်များ

ISAIA 19:1

Ija a Ijip nok ba angkya kaxho changle. Hulax, Jowanpa a akhangle zikkya zangfwom khoma ngalaxle Ijip nok to nguingole. Chix tunthoma Ijip nok chapabu hia Ijip khünakbu mong münchong tsuak.

ISAIA 66:15

Jowanpa a wün füi hüiüi. Chix a zangchei ozang ma piüi ilaxle chix ang mongtsikkyabu to sikangünüi.

HABAKUK 1:8

“Hwom manbu a mailangbu füi ngaxchu sümomle, howok anole ngokya shwon füi ngaxchu za-adünle. Hwom mankho ma azankya süpahi othom tsailo nok tokhange mankho ma nguile; hwom manbue haxkha nakle akhixle. Zangshop laxle olae o to shingkya ningle hwom zikle nguile.

MANGSOP 4:19

Zangdingkho tokya lawang zangshop laxle jukya füi ngaxchu sütsexle momle hwome kwom achuale ajo. Haxnukho tokya hwom kwom mantole ju; hwome kwom to sak-hax ma allele shing.

ISAIA 5:28

Hwom naxhixbu a tüle anaxle, ilaxle hwom hapnubu a hap ang achwonle tüile. Hwom man chisokbu a long-jan lailaile tsak, ilaxle hwom man-kanlin ochabu shangflo ningle anguix.

NAHUM 1:3

Jowanpa ang mong chwonpai ma müntsik, ikoxlechu chix a huanuma tsak-zongle tüile ilaxle thaikya mix to sikngün chifa homle müntox.

ISAIA 13:5

Hwom a tsailo nok haxtua-zangnam tokyabu nguile ngokya changle. Mongtsik ashukle Jowanpa a onok pangwüi amüt ang nguile ngole.

TSAITONG-KAXTONG 28:49

Jowanpae hünzom füi azan ang haxtua-zangnam tokya jat-li tuita apüiüi, ija a hünzome hwom kax-ngao ojao chitsingkya jat-li tuita. Hwome hünzom to olae o to shingpupule shingüi.

JEREMIA 4:31

Kue sopkya ozing tuita atat, mixcha tuita nao ngün ang sopkya zing ningle, mixcha tuitae pongwang lükya nao ngün ang awaokya ningle. Ija a wikha akalaxle zaksyet ang azongle Jerusalem sopkya zing tuita, she chak pünlaxle she-e thüi: “Ku a maxdaoa! Hwom a ku lang ang nguile ngole!”

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

MATHI 24:30

Ifüima ding to Khünak Hosa münwan laiüi; ifüima chaxwannu angkya khünaknu sopüi; ilaxle hwome Khünak Hosa zangfwom ma tsakzong le tamchu fuazangle jukya ngünüi.

HOSIA 8:1

Jowanpae thüi: “Tinglyet kox! Ola jukya ningle zan-nokbu ku haxtok to jule ngole! Ku khünakbue hwom füi tsaokya ku tsaotsüt amadaoa ilaxle ku hwon-nwot zongto zan ang changdaoa.

DANEL 7:4

Pongwang angkya müi a mailang lailaile ngün, ikoxlechu ola ningle ozang füi tüi. Kue hule ngopongma ozang ibu a dütle pao. Ija müi ding to nom ilaxle tangthole ajong ang tom. Ifüima ija ang khünak khangka kox.

JEREMIA 10:19

Jerusalem angkya khünaknu akhong, “Kwom to ziamale jao maklaxdaoa! Kwom man tam müitoxüi münchang. Kwome ija a adu ang thoüi tukux thüt!

2 SAMUEL 1:23

“Sol hia Jonathan nyi, mongkün chingchae awangkya nyi; ozün ma tüipongma chu tomtomle, zik machu tomtomle; ola pik to kai, chax tsak-zongto kaile.

ISAIA 3:8

Changle, Jerusalem a maxdaoa! Judah a nguakle ngole! Hwome akaxkax tamchu amokmok pangwüi Jowanpa zongto omama wüi; hwome ngaithole Zang adale.

JEREMIA 4:12

Jowanpa kaxtom ma hüikya zangwin a tüle janzüi füikya zangwin changüi. Chix khünaknu hato kaxfün khuapukya a Jowanpa chixjao changpu.

JEREMIA 9:19

Zaion ma sople akhongkyabu zing apalax: “Kem a amütdaoa! Kem ang komkaile zak akopdaoa! Keme kem haxtok dantox angkya wüi; kem hom-ham bakle atsundaoa.”

JEREMIA 49:22

Hozang pünlaxle ola jukya ningle zan-noke Bozrah to singüi. Ija nyix Edom nok süpahibu a sheko tuita nao ngün pongma abankya ningle abüt-abanüi.”

EZEKEL 26:10

Hwom manbue alaikya haxbu füi hünzom to chwople changüi. Ija pünle amadaokya tingnu akaile lepongma, maihu hia manbue linkya müili-zyen ozing hia manbu azingkyae hünzom katukbu si le aloxle changüi.

EZEKEL 38:9

Chix ilaxle chix süpahibu tamchu chix füi tomle chaxwannu onok obiobi koplaxle, zangchei zangwat bütale single ilaxle haxtok to zangfwom füi chwopkya ningle chwopüi.”

DANEL 11:40

“Chemtue Siria nok wanghompa hato hanpak oshuk nguile hüipuix, Ijip nok wanghompa-e chix to single changüi. Siria nok wanghome, man-kanlin, man hia khua, ibu chixtsak chix ong koplaxle zongbakle anongle azan. Tichen lailaile chixe obibi nok to hexle singüi.

MIKA 2:4

Chemtue ija hanpak nguile hüipuix, hünzome apong daokya thama a khünaknue tuita wanwünkax ang twonüi, ilaxle hünzome apongle hüidaokya thama to saile hwome tsai ma ile ngaoüi: Kwom a oli thule amadaoa! Kwom haxtok a Jowanpae laxlaxtoxdaoa Ilaxle ija a zanda ang kwom kople paokyabu chak to koxdaoa.”

JEREMIA 6:23

Hwome hwom hapnu hia changlobu chak ma kopdaoa; hwom a chingchajaja chitüile shix-makyabu changle. Hwom mankho ma ngale changpongma ibu zing a tinu-tichap zing ningle tüile. Hwom a Jerusalem füi azan ang achwonle tüile.”

JEREMIA 46:18

Ku, Jowanpa Khüthak Zang a wanghompa changle. Ku a khüzün Zang changle. Tabor Haxnu haxhuabu to kaile tsuale tüikya ningle ilaxle Karmel Haxnu tinu to kaile tsuale tüikya ningle, nang to single hüikya mix ma janzüi ile tüiüi.

JEREMIA 48:40

Ozang pünlaxle olae shingkya ningle onok tuitae Moab to shing angkya Jowanpae tsaodaoa,

ZEKARIA 6:1

Kue mama Mikngün tuita ngün. Izuma kue man-kanlin ali khop haxnu anyi oba angkya laile ngün.