JEREMIA 4:11 - OTSAO BAIBEL (BSI)

¹¹ Sak-haxchi tokya hwom hato khamfoxkya zangwin hüile ngole le Jerusalem ma tüikya khünaknu hato apuakox angkya tunu nguile ngole. Ija a tsaxsa zaza jeple paokya cheitho zangwin chichangüi:

JEREMIA 4:11 ပူးပေါင်းရင်းမြစ်များ

HOSIA 13:15

Israel khünakbu a hingzangbu lailaile tüle zaxzangle tüikoxchu, Kue sak-hax tokhange zangwin okham ahüiüi, ilaxle ibue hwom tümik hia tüküibu azopüi. Thanu-juapa pangwüi ijae tsui paoüi.

EZEKEL 17:10

Changle. Ija küidaoa, ikoxle ija ozün ma ngo ilaxle tsongle chang ang chami? Handünchi zangwine thupongma ija münzi puixnyi? Ija nyemle ngokya tamting ma wüi chix münzi puixnyi?”

KAXHO MÜIKYA LUK 3:17

Tsaxfa chaple awüt laxle tsaxtsangtsang pangnu pung ma athün angkya hanpakma chix chak ma own twonlaxle tüile; chixe tsaxfa tamchu chimax angkya wünkha to zokle ashunüi.”

MATHI 3:12

Chix a tsax chap angkya won chak ma laxlaxle ngole. Chixe tsax otsangtsang süilaxle pung ma afoxüi ikoxle tsaxtsatsa a tamchu chimax angkya wünkha to zok ang koxüi.”

HOSIA 13:3

Ikhoma ibu khünaknu a anopningkya zangfwom ningle lebama wüi maxle samüi, swomsa ma wüi zuale samkya nyenti ningle a. Hwom a tsaxnak nui tokya tsaxsa zangwin to jeple paokyabu ningle changüi, fongbak angkya wünkhut samle paokya ninglea.

EZEKEL 19:12

Ikoxle mongtsik chak füi ija otsing makhange file lax ilaxle ija a haxkha to tswonle awüt. Handünchi zangwine ija oziak to jeple azan. Ija pünkangbu apakle akhai; hwome ija azan ilaxle zokle ashun.

MANGSOP 4:6

Sodom to ngaxchu kaile ku khünaknu to sikangün, ija khoma allele hwom a Zang chak fangma lam angkya hato ahüi.

MANGSOP 4:3

Shwon honue ngaxchu hosa hwom apu-achangle, ikoxle ku khünaknu a ostris obu ningle, ma sa hwom zongto tüle shix-male.

MANGSOP 3:48

Ku khünaknu thama ngünkya zuma ku mikfiti shuajen ningle jenle ju.

MANGSOP 2:11

Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

JEREMIA 23:19

Chix mongtsik a tuita zangchei changle, chichangchizangle tüikya khünaknu khangkho ma shingle hüi angkya,

JEREMIA 14:17

Jowanpae ku ang kaxtom koxle ku mongtsik bama khünaknu hama apua angkya tamchu: “Ku mik ma zangnak zangngaile mikfi jenle naxngo, ku sopkya tamchizakle naxchang, chemthüikoxle ku khünaknu to zule mak-kha laxle tüile ilaxle hwom to chisumüile thomzünle.

JEREMIA 9:7

Ile changkya khoma Jowanpa Khüthak Zang-e thüile, “Kue ku khünaknu jan atsao pupule atsaoüi ilaxle hwom to thwonle anoüi. Ku khünakbue ochax mwot mokdaoa— kue hwom to chemle mok angkya tamtüi?

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

JEREMIA 8:19

Apalax! Haxtok pangkha towüi Ile ku khünaknu akhongkya kue atatle, “Zaion ma Jowanpa münngo hia? Zaion nok wanghompa ima müntüi hia?” Jowanpa, hwom wanghompa-e lan, “Hünzome ma chapabu to shwomlaxle tamchu laxli chitüikya mixnok baozangbu tong to akhuxlaxle ku ang mong büthüikoxle amapu?”

ISAIA 64:6

Kwom pangwüi ochaxe awangle ngo; müile mokpu lükya kwom mwot ngaxchu othai ang wüi changle nui. Chemthüikoxle kwom a kwom ochax makhange jumle dütkya pünchak zangwin to pikle paongokya ningle chang.

ISAIA 41:16

Hünzome ibu zangwin to chapüi; zangwine ibu jeple pik paoüi; ilaxle hwom a zangcheie chiakle awütüi. Ifüima ku a hünzom Zang chang koxle hünzom ang mongmüiüi; hünzome ku, Israel nok otsao Zang achuaküi.

ISAIA 27:8

Jowanpae chix khünaknu to pünpao ang achangle sikangün. Handünchi tokya mongtsik zangchei füi chixe hwom tswonle pao.

ISAIA 22:4

Athax a ibu ku khünaknu mikmaxünkyabu hanpakma mongmaxle sop ang ku to chitsale danhüi. Owaechu ku taxjox.

MANGSOP 4:10

Ku Khünaknu hato hüikya thama-thomshixe tüle khomtsi ang tom; mongkün honu hwome süt ang sax ang masu masa hwom müi song.

MÜNCHUAK-TSAI 11:6

Ochax khünakbu ding to adütle chixe wün füikya wündix üntoxle chuale ngokya khat; tamchu zokle ashunkya zangwin ibu füi chixe hwom sikangünle.

JEREMIA 4:12

Jowanpa kaxtom ma hüikya zangwin a tüle janzüi füikya zangwin changüi. Chix khünaknu hato kaxfün khuapukya a Jowanpa chixjao changpu.

JEREMIA 13:24

Sak-hax zangwin to jeple paopu tsaxsa lailaile Jowanpae hünzom a chaxwan tok to chiak angkya changle.

HABAKUK 1:6

Za-adünkya hia chakjao chidangkya Babilon nok ang kue apün-awangle chang ang tompu. Hwom a chaxwannu akaile mama haxtokbu kop ang zan to ka ang laile.

HABAKUK 1:11

Ibu zangwin ningle hüile tox ilaxle pao. Hwom baozang a ibu khünakbu tsak-zong changkya.”

HOSIA 4:19

Hwom a zangwin to jeple paopupule paodaoüi, ilaxle hwom a songsaribu koxkya töbu. Bama azak zi