JEREMIA 4:10 - OTSAO BAIBEL (BSI)

¹⁰ Ifüima kue akax: “Khüthak Jowanpa, nang Jerusalem angkya khünaknu komkaile dyendaoa! Nang tumüi tüiüihex-ole thüi: ikoxle hwom dingkux ma changlo tüile.”

JEREMIA 4:10 ပူးပေါင်းရင်းမြစ်များ

JEREMIA 5:12

Jowanpa khünakbue chix pongle chikop ilaxle akax: “Chixe chemli-chemlichu münmok.”

ISAIA 37:35

Kue ija tingnu kho-awaüi ilaxle sünle kopüi; ija a ku münchuak hanpak ang tamchu kue ku dapa Dawid füi tsaosaxle changdaokya hanpakma ile changüi.’”

ROM NOK HATO ZAKYA POL LAIZA 1:28

Hwome Zang bama tsingwankya otsingtsing mong ma kop ang angamkya khoma Zange hwom oma mong chak to dan, ikhoma chem chimokse hex ija hwome mok.

ROM NOK HATO ZAKYA POL LAIZA 1:26

Khünakbue ile mokkya khoma, Zange hwom khualyenle zakkop mwot mok ang dan. Shekobue to apüile kolyen laxle makux-maka olom ma chichang homle twon.

ROM NOK HATO ZAKYA POL LAIZA 1:24

Khünakbu itukux ongat ang achangkya khoma, Zange hwom mong ma tsukya chichang-chizang mwot mok ang dan, ilaxle hwome tata zongto zakkop mwotbu mok.

EZEKEL 11:13

Kue ajele ngopongma, Pelatiah nguakle zi. Kue thün haxchi to aho ilaxle akhong: “Münchang, Jowanpa Khüthak Zang! Israel nok ma danle toxkya pangwüi nange langüihi?”

MANGSOP 2:21

Naosom hia zunu-zupa tomwüile tingjang lomnubu to mang ma pangle tüile, Naocha hia naosün hwom, zan changlo fang ma lamkyabu a. Nang mongtsik nyix nange ojao chingcha chitüile ibu langle awüt.

JEREMIA 32:17

“Khüthak Jowan Zang, nange nang tsak-hi-zong chongkya makhange chaxwannu hia zangdingkho zingle alaipu; nang zongto huanuma tsakkya oli chemchu chitüi.

JEREMIA 23:17

Kue akax daokya kax to mün-apapule angamkya khünaknu füi, hwome chizakle, hwome oma chemchu münapongpule akax ngo. Mongkhüile ngokya khünakbu ang chuwüi hwome thomshix-thama chemechu hwom to nun-maokya müntüipule akax.”

JEREMIA 8:11

Hwome ku khünaknu angkya makthünbu a muakya büizüikya ang laxle. Müimüi-zangngaile chitüikya khato ‘Pangwüi müimüi-zangngaile tüile’, le hwome thüitüi.

JEREMIA 6:14

Hwome ku khünaknu janthün a muale büizüikya man ningle ahole. Chemli chu müile chitüikya tuke, hwome pangwüi müile tüile le thüile.

JEREMIA 4:18

Nang ngokya zanglao hia nange mokle hüikya mwotbu makhange Judah nange ija nange alüile nang hato apüilaxpu. Nang ochaxbu makhange ija thangnak apong ang tomlaxpu; ijae nang mongtsang apatle tsundaoa.

JEREMIA 1:6

Kue lan: “Jowanpa Khüthak Zang, kue zang chemle wünüihex ngaxchu matik; ku a naosa tomtata changle.”

ISAIA 63:17

Nang lomtang angkya kwom omalax ang cheichakle pao ang tom? Kwome nang hato tok nam ahole kwom mong büthüikoxle tsak ang tompu? Shongchat-hüi, nang thotha-manzaile ngokyabu khokho ma thüingaxchu; ibu a jento nang kux ang ngole hüikya khünakbu changle.

ISAIA 30:10

Hwome ajepabu ang dang angkya akax. Hwome thüi: “Chem supuix ija bama kwom füi zang taxwün. Kwom hama kwome apase tsukya akaxhüi. Kwom ang othai mongong thom ang tomhüi.

LAIPAO 9:14

Izuma chixe nang wangshembu hia nang khünaknu tata ang sikangünüi münchang ikoxle nang ang chuwüi sikngün ang tomüi, ikoxle tix nange chaxwannu ma chix ninglükya owachu müntüile awan ang kopüi ta.

LAIPAO 5:22

Ifüima Mosa-e Jowanpa chito hulaxle thüi: “Jowanpa, nange büthüikoxle nang khünakbu to chisumüile hwonpu? Nange ku ikhato chem hanpak ang tsanle ahüikyadai?