JEREMIA 4:1 - OTSAO BAIBEL (BSI)

¹ Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,

JEREMIA 4:1 ပူးပေါင်းရင်းမြစ်များ

JOEL 2:12

“Ikoxle athax ngaxchu”, le Jowanpae thüile, “chisax-chilingle atsaokya zangjop füi sople tamchu mongmaxle künlop-monglüilax ilaxle ku hato chatlax.

JEREMIA 3:22

Jowanpa hato tok ahole paokyabu hünzom pangwüi chat-hüi; chixe hünzom kak amüiüi ilaxle mongong tüikyabu ang achangüi. Hünzome thüi: “Changle, kwom a Jowanpa hato chatpu chemthüikoxle chix a kwom Zang changle.

EZEKEL 43:9

Athaxpi hwom ang ibu hwom chapabu hia hwom wanghom hwom mangbu ku füi atsaile pao ang tomkox, hwome ile jangmok, ku a hwom füi tomle jento ngoüi.

JEREMIA 25:5

Hünzom chichangchizangle ngokya zanglom hia ochax mwotbu tokya mongchatle chang angkya hwome hünzom hama akaxpu; ile changkox tix wüi hünpu hünpa hwom ang othuithuima hwom kux hex-ole koxkya ija hünzom haxtok ma hünzom chemsua chisixle ngole hüitsuak angkya chang koxle.

JEREMIA 3:12

“Mongong chitüikya Israel, ku hato chat-hüi. Ku a chingcha mix changle ilaxle mongtsikkya müntüiüi; ku nang füi othuithuima mongtsikkya müntüiüi.

JEREMIA 3:1

Jowanpae thüi: “Khünak tuitae chix kakonu füi fan-janle jangchang, tamchu she paolaxle mama mix kakonu ang jangachang, chixe she tam achatle lax ang müntho. Ijae haxtok jaojao komkaile chitsaokya ang achangüi. Ikoxle, Israel, hünzom ang mongkünbu huanuma tüile hüidaoa, ilaxle athax nang a ku hato chat-sele tsupu!

PONGWANG LAIPEX 35:2

Ikhoma Jakop-e hwom homkha tamchu hwom füi tüikya khünak pangwüi ang thüi: “Hünzom ma tüikya mixnok baozangbu awütdao üntoxle ma alüile atsaole changlax üntoxle hünzom nyizabu lüilax.

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

HOSIA 2:2

Ku naosombu, hünnu to jox-naile changlax: she ku zongto kakonu tuita chichang koxlechu, ilaxle ku chix kakopa ang chichang koxlechu. Chinunchakkai hia ma tsangtsa hangle ngokya she mwot shongzak-hüile jox-naile akaxlax.

2 PUKAX-PANGAO 33:8

Ilaxle Israel nok pangnusa ku kaxtombu kax ma laxle jangchang, ilaxle ku dapa Mosa-e hwom ang koxkya Wanlombu pangwüi tole jangchang, kue hwom putong hwom ang koxle changdaokya haxtok angkya hwom otuechu pao ang müntom”, le akaxkya onui ma chixe chapabu dan.

2 PUKAX-PANGAO 15:8

Chemtue Asa-e Obed sasün Azariah-e akaxkya jekax atatle laxpuix, chix ang mongchong. Judah hia Benjamin haxtok angkya tamchu hwom Efraim nok angkya kople tüikya tingnubu ma tüikya chapa pangwüi awüt. Chixe Zangshwom-Hom Lopsha ma tüikya Jowanpa tö-tsap zingle amüi.

2 WANGHOMBU 23:24

Nguakho Hilkiah-e Zangshwom-Hom ma atakkya laipex ma zale tüikya wanlom to angkya tsaitsuak kaxtsuakle chang angkya hanpakma wanghompa Josiah-e Jerusalem hia Judah haxtok angkya jenu-shipabu hia chajik-muashem tamchu kako baozangbu pangwüi, chapabu, tamchu songsari baozang to shwomkya tuina pangwüi awüt.

2 WANGHOMBU 23:13

Sidon nok baozangchanu Astarte, Moab nok baozang Molek, nushix dongkya ibu chapabu to sho angkya hanpakma, Olip Haxhua zong ma shuathongchi; handünchi Jerusalem ma wanghompa Solomon-e zingkya tö-tsapbu Josiah-e atsunle awüt.

1 SAMUEL 7:3

Israel khünaknu füi Samuel akax: “Hünzom a Jowanpa hato mongchatle jangchang, hünzom mixnok baozangbu hia baozangchabu Astarte chapabu pangwüi füi atsai angkya changle. Hünzome ma alüile Jowanpa chak to ma alüile atsaole bakle koxlax ilaxle chix tata to shwomlax, ile jangchangba chixe hünzom a Filistia nok chak tokya khosünle kopüi.”

KAXFÜNPA-HWOM 10:16

Ikhoma hwome mixnok baozang ibu danle tox ilaxle Jowanpa to shwom; ilaxle Israel nok sikngün bama chix mongto kak.

HOSIA 7:16

Hwome tsak-zong chemchu chitüikya baozang hato paoüima ku hato tok ahokya chizak. Hwom a mongong thom ang chimüile chitangkya san ningle changle. Chemthüikoxle hwom lompabue mongngam füi zangwün, hwom a alün-aloxkya ma ziüi, ilaxle Ijip noke hwom cha nyiüi.”

EZEKEL 18:13

ilaxle olap kop ang ngun koxle apao. Chix ozün ma ngo ang cha? Münngo, nushix dongkya mwot ibu pangwüi chixe mokle tsuakdaoa, ikhoma chix a zi angkya wüi changpu. Chix zik bama owamachu tsaitox-kaxfe angkya müntüi.

EZEKEL 11:18

Chemtue hwom chatle chatüihex, hwome hwom thoma abangbang, chisumüikya hia zakkop chapabu füi asax-amokle münchang angkya oli.

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

JEREMIA 24:9

Hwom hato kue chisumüikya thama-thomshix apüiüi oja thotho chaxwan tok angkya khünaknu nok wüi khomtsile changüihex. Khünaknue hwom chanyi-wanjaile changüi, ajao-ahaiüi, ilaxle kue hwom chiakle apaokya chaxwan pangkha towüi hwom mün a tuita othuak-ozom lom to twonüi.

JEREMIA 15:4

Chix Judah wanghom ang ngopongma Manasseh sasün Hezekiah-e Jerusalem ma chemle mokdaopuix ija bama kue zangfang angkya khünaknu hwom ma abüt ang tomüi.”

JEREMIA 4:4

Hünzom Judah hia Jerusalem angkya khünakbu, hünzome ku, Jowanpa füikya tsaotsüt thomlax, ilaxle ma lailai to ku ang atsaole koxlax. Hünzome ile chichang thüiningle, hünzome mokdaokya ochaxbu khoma wün füi zokkya ningle hünzom a ku mongtsik füi zoküi. Ijae hünzom zokle ashunüi ilaxle ija amüt angkya mix owachu müntüiüi.”

JEREMIA 3:14

“Mongong chitüikya khünakbu, chatlax; hünzom a ku kux changle. Kue hünzom kha angkya tingnu foto khünak tuipong, saxthom foto khünak tuipongle laxüi ilaxle hünzom a kue Zaion Haxnu to chatle apüiüi.

ISAIA 31:6

Jowanpae thüile: “Israel khünaknu, hünzome ku zongto ochax lyendaoa ilaxle ku füi alünle ajongle. Ikoxle athax, ku hato anongle chat-hüi!

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

TSAITONG-KAXTONG 27:15

“‘Long hia pünbu füi chapa zinglaxle huxsa ma ibu to opange shwomle changlaxpuix, hwom to Zang-e thuakzomle changkox; Jowanpa a chapa shwomkyabu thua anule.’ “Ilaxle khünaknue lanüi, ‘Amen!’

TSAITONG-KAXTONG 4:30

Chemtue hünzome sikngün apong ilaxle ibu pangnu changle hüipuix, ifüimatix hünzom Jowanpa hato chatüi ilaxle chix kax ma laxle tüiüi.

JEREMIA 7:5

“Hünzom ngole hüikya olom lüilax ilaxle hünzome mokle ngokya mwotbu zaklax. Hünzome tata füi mapai-mixzünkya taxtüi.

JEREMIA 7:7

Hünzome monglüile jangchang, kue hünpu hünpa hwom ang tsüntsün to hwom kux hex-ole koxkya ija haxtok ma hünzom ngo ang tomüi.

JEREMIA 15:19

Ija to Jowanpae ile lan: “Nang mongchatle jangchang kue pongle kopüi, ilaxle nang a tamchatle ku dapa ang ngoüi. Nange ongat zang wünle chingo homtoxle laxli kaxho apukle jangchang, nang a tamchatle ku ajepa ang ngoüi. Khünaknu nang hato tamchatüi, nang mix hwom hato paongo angkya mwot müntüi.

JEREMIA 18:11

Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

ZEKARIA 1:4

Hünzome a hünpu-hünpa hwom lailaile taxchang. Ku ajebue kaitanto wüi hwom hato ku kaxho apüile, hwom ang chichangchizangle tamchu ochax tsün chingo angkya akaxpu. Ikoxle hwome ku kax chiapa tamchu ija ku kax ma chilax.

2 PUKAX-PANGAO 34:33

Wanghompa Josiah-e, Israel nok haxsüt ma atüitüi nushixdongle tüikya chapabu pangwüi oli thule ama ilaxle chix ozün ma ngokya kople khünaknu ang, Jowanpa, hwom putong hwom Zang thotha-manzaile ngo ang tom.