JEREMIA 39:4 - OTSAO BAIBEL (BSI)

⁴ Chemtue wanghompa Zedekiah hia chix süpahibue chempangle changpuix ija ngünkya zuma, hwom ang zangnak ma tingnu angkya paole azang ang azong. Hwom a wanghom hwom tsawatkha makhange laile pao, ilaxle katuk anyix apongkya fülom makhange lai, ilaxle Jordan Haxsha chito paole azang.

JEREMIA 39:4 ပူးပေါင်းရင်းမြစ်များ

AMOS 2:14

Tüle zik tsuakkya mix ngaxchu azang ang münthoüi; tsakpa-zongpabue hwom janzüi asamüi, ilaxle süpahibue ma khang azang ang ngaxchu chithole changüi.

2 PUKAX-PANGAO 32:5

Ifüima wanghompa-e tingnu panbu azünle zai, tamchu pan toknachi azünle swon ilaxle ija kho to zanhunuibu zaile tingnu ziakopkya oshing among. Ija to obo ang, ozang Jerusalem zongma handünchi kao ma awangle tüikya hax ma zaile tüikya chwonbu chixe azünle zaile amüi. Chixe di hia pax, ibu okhonguile zingle alai.

EZEKEL 12:12

Hwom thakma apünle ngokya wanghomsae chix hün chix suakto ma koplaxle chix hanpakma zole thomkya katuk okha makhange zangnak fangto paole azangüi. Chixe ma mik to zimle kopüi ilaxle chix ochito paole ngopuix münngünüi.

TSAITONG-KAXTONG 28:25

“Jowanpae zanbu ang hünzom to lüt ang tomüi. Hünzome hwom to lomkua tuita makhange singüi, ikoxle hwom thoto hünzom pangnu chito afale paoüi, ilaxle hünzom to ile changkyabu ngünlaxle chaxwannu khünaknu nok wüi abütüi.

LIWI 26:36

“Hünzom opang mix chaxwan to samle ngolaxpuix, zangwin to pünchak azuakkya thoto ngaxchu zalaxle tüle-tüle abütle fütle pao ang tomüi. Zan owawae achuakya tukuxle hünzom fütle paoüi ilaxle hünzom zui ma zan owa ngaxchu chitüi khato hünzom nale nguaküi.

LIWI 26:17

Kue hünzom chito tok ahoüi, ile hünzom to lüt ang tomüi, ilaxle opange hünzom thua anule tüipuix hwome hünzom thakma apünüi; hünzom a huanuma abütüi, ikhoma owaechu chijwon khato hünzom fütle paoüi.

ISAIA 22:11

tüküi ozang angkya ti jenle jukya kople thom angkya hanpakma hünzome tingnu mong ma tibom tuita zing. Hünzome Zang to mongkoxkya jao chitüi; ikoxle kaitanto wüi ija ajukle thom ilaxle ija ile wüi chang ang tomkya a chix changkya.

JEREMIA 32:4

ilaxle wanghompa Zedekiah a paole azang ang müntho angkya changle. Chix a Babilon nok wanghompa chak to koxle apao angkya changle; chixe thün-khang asaole chix huak füijao zangwünüi.

EZEKEL 12:4

Zangngaile tüipongma wüi, pünpao ang pao hünzingle changlax, ile changkox tix hwome nang ngünle lax ang tsuaküi, ilaxle hansong ma pünpao cha achexkya ningle nang cha achexüi to hwome hule naxngo.

ISAIA 22:3

Hünzom lompabu pangwüi zikle pao ikoxle hwome san fa tuitae mahapba wüi hwom akhople kop.

ISAIA 29:2

ifüima “Zang tö-tsap”, le nyakkya tingnu hato Zang-e thama naxapüikox. Ikhato sopkya hia mangsopkya tüiüi, ilaxle tingnu abakle wünkhut füi joxle tuita tö-tsap lailaile changüi.

JEREMIA 32:5

Zedekiah a Babilon nok to paoüi, ilaxle kue chix füi zangwünle machang tanto chix a ikhato ngoüi. Chixe Babilon nok füi azanle changkoxchu, chixe lütüile münchang. Ku, Jowanpae ija akaxdaoa”, lükya Jowanpa kaxho kue apüipule kaxhux fe.