JEREMIA 39:18 - OTSAO BAIBEL (BSI)

¹⁸ Kue nang ozün ma panle thomüi, ilaxle nang mik amüt ang müntom. Nange ku to mongong thomle changkya khoma nang a zi-max ang müntom. Ku, Jowanpae ija akaxdaoa.”

JEREMIA 39:18 ပူးပေါင်းရင်းမြစ်များ

JEREMIA 38:2

“Tingnu ma opangsa ngolaxüihex, hwom a zanhok ma chichangba woknuak-tilan ma chichangba okak-olak ma ziüi. Ikoxle opangsa koto lailaxle Babilon nok chak to ma alüile koxle changüihex hwom a münziüi; hwom a mik chimaxle thüingaxchu azangle pao ang kopüi.”

MÜNCHUAK-TSAI 34:22

Jowanpae chix khünaknu khosünle kopüi; ziakop-hüile chix hato nguikyabu pangwüi kho chixe awaüi.

JEREMIA 21:9

Tingnu ma angongo pangwüi zan ma chichangba woknuak ma chichangba kaklak ma zi ang tomüi. Ikoxle ikha angkya laile paolaxle, tingnu to single ngokya Babilon nok tuntho to chak ajongle changkyabu, hwom a lang ang müntom; hwom a ma khangkho azangle pao ang danüi.

EFISIA 1:12

Idaile, hai, pongwang ma Khrista to mongong thomkyabu, keme Zang fuazangkya achuak-hax.

MÜNCHUAK-TSAI 84:12

Khüthak Jowanpa, nang to mongong thomkyabu chemtukux mongmüi mixbu changpuix!

MÜNCHUAK-TSAI 147:11

ikoxle chix achuakle changkyabu füi chix ang mongmüile, ojao chithwonkya chix mongkün to mongong thomkyabu füi a.

1 PUKAX-PANGAO 5:20

Hwome Zang to mongong thom ilaxle asun angkya hanpakma chix to zangjop, ilaxle Zang-e hwom zangjop to lan ilaxle Hagri nok hia ija füikya zankat üitho pangwüi to hwom ang lüt ang kox.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

MÜNCHUAK-TSAI 33:18

Chix kax ma laxle tüikya pangnusa to Jowanpae hule nyengo, tamchu chithwonkya chix mongkün to mongong tüikyabu to a.

1 PITAR 1:21

Chix zidaokya chatle azang ang tom ilaxle fuazang ang tomkya Zang to hünzome chix makhange tix mongongpu; ikhoma hünzom mongong hia monghom tangthole Zang ma thompu.

ROM NOK HATO ZAKYA POL LAIZA 2:12

Mixnokbu ang Mosa wanlom müntüi; hwome ochax lyen ilaxle wanlom chilax homtoxle maxle. Jehudi khünakbu ang wanlom tüile; hwome ochax lyen ilaxle wanlom makhange hwom kaxfün fale.

ISAIA 26:3

Jowanpa, nange okhonguikya mongsom fahüi hwom mongtex shingmongle thomkyabu ang a tamchu nang to mongongle tüikyabu ang a.

MÜNCHUAK-TSAI 2:12

ilaxle chix chitong ma akhuxlax; chichangthüiba chix mongtsik a lebama wüi alaiüi, ilaxle nang allele ziüi. Ma kho awa ang chix hato nguikyabu pangwüi mohiman.

JOB LAIPEX 5:20

tuinu nuaknu hüipongma chixe nang azün, azan pongma nang khangtom chixe azün.

MÜNCHUAK-TSAI 91:7

Nang zui ma hajat-hajat khünak zile paokoxle, nang akhople hajat bün jao, ikoxlechu nang to chem münthüi.