JEREMIA 39:11 - OTSAO BAIBEL (BSI)

¹¹ Ikoxlechu wanghompa Nebukadnezar-e chix süpahi lompa Nebuzaradan ang ibubu kax kox angkya kaxtom kox:

JEREMIA 39:11 ပူးပေါင်းရင်းမြစ်များ

WANGSHEMBU MWOT 24:23

Chixe nyekya alixachong ang Pol nyele thom angkya ikoxlechu hidaole chix mongmong ma ngo ang kox angkya üntoxle chix zuikhuibue chemchem jali koxtwon angkya taxabaxkox le thüi.

JEREMIA 15:21

Tsakzongle hia changnong-pünthomle tüikya khünakbu chak tokya kue nang azünüi. Ija a, Jowanpa, ku kax changpu.”

JEREMIA 37:2

Ikoxle Zedekiah hia nguakax-wangkhobu opupuechu chichangba khünaknu owaechu Jowanpa tokhange hüikya kaxho kax ma chilax.

JEREMIA 15:11

Jowanpa, kue müile nang thotha-manzaile chichang thüiningle hwome thuakzomkya pangwüi ku hato naxnguikox tamchu hwom sikngünle hia tuitaile ngopongma kue ku zanpa hwom hanpakma nang ma chingcha chijule jangchangdao thüiningle a. (

JOB LAIPEX 5:19

Nyixfo to thomzün-maklax chak tokya chixe nang azün;

JOB LAIPEX 5:15

Ikoxlechu zasabu a zise tokya Zang-e khosünle; nuakmixbu chixe afangle ngo ang chitomle sünle kople.

JOB LAIPEX 5:16

Chixe zasabu ang monghom koxle, ilaxle chichang-chizangkyabu adangle.

JEREMIA 1:8

Hwom thua taxza, chem, thüikoxle nang kho awa ang ku nang füi ngo angkya changle. Jowanpa, kue, ija akaxpu!”

JEREMIA 15:20

Hwom hanpakmale kue nang a khop füi zingkya katuk tuita ningle shingmongle zingüi. Hwome nang zongto tüiüi, ikoxlechu hwome nang to münlüt. Nang khangkho sünle thom angkya hanpakma ku a nang füi womle tüiüi.

JEREMIA 40:1

Süpahi lompa Nebuzaradan-e ku Ramah angkya danle changkya füima Jowanpae ku füi zangwün. Ku ikhato janbüi füi khale apüikya; ku füi tomle Jerusalem hia Judah angkya Babilon nok to zanda ang koplaxle apüikya khünaknu pangwüi tüikya.

JEREMIA 40:4

Athax kue nang khyadax angkya janbüi akax thomkya dapu ilaxle nang danpu. Nang ku füi tomle Babilon nok kase jangtsu, nang hüi ang tsuak, ilaxle nang hanpak kue humele changüi. Ikoxle nang ku füi tomle hüise chitsu, nang atsang angkya müntüi. Nang zünle kop angkya haxtok pangwüi nang chak to dantoxpu, ilaxle nang mong atsutsu khato nang aham ang tsuak.”

JEREMIA 52:12

Wanghompa Nebukadnezar-e Babilon apünkya zanglao bün-aku lyetjang aga nyixbün lükya to, wanghompa zongto wangshem tüichong Nebuzaradan hia chix süpahi lompa, Jerusalem to nop.