JEREMIA 39:1 - OTSAO BAIBEL (BSI)

¹ Judah ma wanghompa ang Zedekiah ngokya zanglao aku lyetbün lükya to, Babilon nok wanghompa Nebukadnezar chix süpahibu komkaile koplaxle nguile Jerusalem to sing.

JEREMIA 39:1 ပူးပေါင်းရင်းမြစ်များ

ZEKARIA 8:19

“Lyetnu kua ali, aga, anüt hia bün ma süt chisax ti chilingle atsaole changkya a Judah ma ngokya khünaknu hanpakma pwonla dongkya pangpwonbu ang changüi. Hünzome kaxtsing zangwün hia tumüi to mongkün angkya changpu.”

TSAITONG-KAXTONG 28:36

“Jowanpae hünzom tamchu hünzom wanghompa, mixnok chaxwan, hünzome tamchu hünpu hünpa hwome owaechu mangüntoxkya haxtok to paoüi. Ikhato hünzome long hia pün, ibu makhange zingkya baozangbu thothale ngoüi.

JEREMIA 32:1

Judah ma Hezekiah wanghom ang ngokya zangbün lükya to Jowanpae ku füi akax, ija a Babilon nok wanghompa Nebukadnezar-e apünle hüikya zanglao bünba-achyet lükya to changkya.

JEREMIA 34:1

Babilon nok wanghompa Nebukadnezar hia chix süpahibue, chaxwannu nok opang chix fang ma tingnu-noksa ang changle ngopuix, ibu nok angkya süpahibue namfong laxle, Jerusalem hia ija akhople tüikya tinglongbu to tingtakle changpongma Jowanpae ku füi akax.

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

JEREMIA 42:18

“Jowanpa, Israel nok Zang-e akaxle, ‘Chemle ku mongtsik-mongma Jerusalem angkya khünakbu ding to thokle adütpuix, ija ningle hünzom Ijip nok to kale jangchang thüiningle ku mongtsik-mongma a hünzom khangkho ma adütüi. Mikngün zongma hünzom a za-adünle tüiüi; khünaknu hünzom chanyi-wanjaile changüi ilaxle hünzom mün a othuak-ozom lom to twonüi. Hünzome ija onui otuechu tamchatle ngün ang münkop.’”

EZEKEL 4:3

Nang hia tingnu nyi obama jan tik-khe tuita jan katuk thatha ang ajongkox. Tingnu chito thün ahokox. Ija hwople kopkya to nange ija ziakople wintuk-hantha thomüi. Ija a Israel nok hanpakma mowan tuita ang changüi.

EZEKEL 5:2

Ija hwople koptsuakkya zuma thom tuita a tingnu ma zokle ashunlax. Othom tuita a hünzom tingnu toknakai to paopongma asexle awütlax. Othom tuita a zangwin to apikle awütkox, ilaxle kue ku changlo füi ija mantole changüi.

EZEKEL 33:21

Kwom zanda ang kople paokya füima zanglao 12 lükya to lyetnukua bün ma nyix aga to, Jerusalem angkya azangle paokya owawae ku hama Jerusalem a nguakdaoa le wün.

EZEKEL 40:1

Ija a, kwom zanda ang kople paokya füima zanglao 25 lükya tamchu Jerusalem pünle amakya füima zanglao 14 lükya, zangzün zangpua ma nyix 10 lükya changkya. Ija nyix kue Jowanpa tsak-zong chongkya ku ma nguile kue awanle lax, ilaxle chixe ku tswonle pao.

2 PUKAX-PANGAO 36:17

Ikhoma Jowanpae hwom zan to Babilon nok wanghompa akat. Wanghompa-e Judah nok naosünbu Zangshwom-Hom ma jaojao lang. Chixe owatochu chingcha ahokya chitüile, mixmüi hia naosom, sheko hia lüka, kakmix hia bwotmix owa chu shanle chitox. Zang-e hwom pangwüi chix chak to dan.

JEREMIA 6:6

Jowanpa Khüthak Zang-e wanghom ibu ang pündak laxle Jerusalem tingnu hwople kop ang athünle zing angkya kaxkox. Chixe akax: “Kue ija tingnu to sikangünüi chemthüikoxle ikha a zothupmixbue awangle tüile.

JEREMIA 52:1

Chix Judah ma wanghom ang achang pongma Zedekiah a zangtsa büta changkya, ilaxle chixe Jerusalem ma zanglao bün-büta apün. Chix honu mün a Hamutal changkya, ilaxle she a Libnah tingnu ma ngokya Jeremia sacha changkya.