JEREMIA 38:4 - OTSAO BAIBEL (BSI)

⁴ Ifüima nguak-wangkhobu wanghompa hato ngui ilaxle thüi: “Ija khünak ang lang koxle müiüi. Ija ningle zangwünkya füi chixe tingnu angkya süpahibu ang mong ahikle, ilaxle tingnu ma danle toxkya pangnusa füi chixe ile mokle. Chixe khünaknu to fong ang münazong; chixe hwom mongthomzün angkya tata thütle.”

JEREMIA 38:4 ပူးပေါင်းရင်းမြစ်များ

JEREMIA 26:11

Ipongma nguapabu hia ajebue onok lompabu füi akaxle thüi: “Ija khünak mik amüt ang asupu chemthüikoxle chixe kem tingnu zongto omale akaxdaoa. Hünzome chix kax ma na füi jao atatle laxdaoa.”

WANGSHEMBU MWOT 16:20

Hwome hokhi Roman alixachongbu hato apüi üntoxle thüi: “Ija nyi a Jehudi khünak changle, ilaxle hokhie kem tingsho ma tingtui adün ngole.

AMOS 7:10

Bethel angkya nguapa Amaziah-e ifüima wanghompa Jeroboam hato ija kax hole thüi: “Khünaknu khato Amos-e nang zan to ka angkya olom zingle ngole. Chix zangwün makhange onok amüt angkya changle.

JEREMIA 29:7

Kue hünzom zanda ang apaokya khato tingnubu ofün amüi angkya mwot moklax. Hwom hanpakma ku to joplax, chemthüikoxle hwom ahak-aluale jangchangba hünzom chuwüi ahak-alua angkya changle.

NEHEMIA 6:9

Kwome mwot athole danle naxtox ang kwom aza-anale chang angkya hwom mongtex changkya. Kue zangjop: “Ikoxle athax, Zang, nange ku tsak-zong ang tomhüi!”

1 WANGHOMBU 21:20

Chemtue Ahap-e Elija ngünle laxpuix, chixe thüi: “Nang a ku zanpa changle. Nange ku ngünle laxdaopuix nyi?” Elija-e lan: “Changle, kue nang ngünle laxdaoa, Jowanpa miksho ma komkaile thaikya mwotlom to nange mongkoxle changdaoa.

LAIPAO 5:4

Wanghompa-e Mosa hia Arun nyi füi akax: “Khünakbue hwom mwot chimokle dantox angkya hünzome chem zang wünpu? Da ibu chatle mwot to süt ang tomkox!

WANGSHEMBU MWOT 28:22

Ikoxlechu nang tutex kwome nang makhange atatle laxse tsupu, chemthüikoxle nang hakkya othom mo pangnu khato wüi omale wünkya kwome awanle ngole.”

WANGSHEMBU MWOT 24:5

Chix a onok tingtui adün ngokya za-adünkya mix changa le kwome awan ang kople; chixe zangfang pangnu khato wüi Jehudi khünakbu bama wuk alaile, ilaxlechu chix a Nazarait othom khama lompa changle.

WANGSHEMBU MWOT 17:6

Okhi chibang ünkoxle hwome Jason hia züizüi tüinaobu tingsho ma pünpa-chongwangbu hato linle apüi ilaxle akhong: “Ibue pangnu khato wüi tingtui adün ngole! Athaxchu kem tingsho ma nguikoxle

KAXHO MÜIKYA LUK 23:2

Ikha to hwome chix ma kaxfele akax: “‘Chongwang süi taxtha üntoxle Ku Messaiah, wanghom changpu’ le akaxle chix jaojaoe khünaknu chichangkya lom to jikle pao ngokya, ija mixsün kwome koppu.”

EZEKEL 22:27

Tingpün-nokwangkyabu a, hwom langdaokya müimang ma atinle ashik-akhixle saxkya shwonbu ningle. Hwom ahak-aluale chang angkya hanpakma hwome mix lang mix.

IZRA 4:12

“Nang haxtok mama chito ngokya Jehudi khünakbu nguilaxle athax opang Jerusalem ma ngole tüipuix, hwome chimüikya ochax tamchu alünle ajongle tüikya ija tingnu azünle zingle ngokya, chongwangpa, nang na to awünse tsule. Hwome katukbu zing angkya mwot ma sütdaoa ilaxle ija lebama wüi zaile alaitsuak angkya changle.

2 PUKAX-PANGAO 24:21

Zekariah amüt angkya khualop zangwün khato wanghompa chuwüi hak, ilaxle Zekariah a Zangshwom-Hom lopsha ma long füi thuple lang angkya chixe khünaknu ang kax kox.

JEREMIA 11:21

Anathoth angkya khünakbue ku langse tsu, ilaxle kue Jowanpa kaxho apukle ngokya chizak thüiningle hwome ku lang angkya hwome ku hama akax.

JEREMIA 18:23

Ikoxlechu, Jowanpa, hwome ku mik amüt ang atsing ngokya pangwüi tikle ngopu. Hwom chichangchizangle tüikya hia hwom ochaxbu hanpakma thailak taxtüi. Hwom to zane lüt ang tomkox ilaxle nang mongtsikle ngopongma hwom to chak mokkox.”

JEREMIA 38:16

Ikhoma wanghompa Zedekiah-e huxsa ma ku füi tsaosax: “Kue ozün ma tüikya Zang mün ma tsaopu, kem ang khüzün koxle thomkya Zang mün ma a, kue nang mik münamüt chichangba nang langsele mongtsu ngokya khünakbu chak to koxle münapao.”

JEREMIA 38:25

Kue nang füi zangwünkya bama nguakax-wangkhobue atatle jangchang, hwom nguiüi ilaxle künyi zangwün bama nang ma tsaitik-kaxshole changüi. Nange pangwüi wünle jangfa thüiningle nang münlangpule hwome tsaosaxüi.

JEREMIA 43:3

Neriah sasün Baruk-e, Babilon noke kwom to lütlaxle kwom a zanda ang hwom chaxwan to kople pao chichangba mik-amütle chang angkya kuxmale, nang ang kwom tu ama angkya mongkho adünle koxpu.”