JEREMIA 38:20 - OTSAO BAIBEL (BSI)

²⁰ Kue lan: “Nang a hwom chak to koxle münapao. Chingchalaxle nange pi Jowanpa kax ma wüi shong-laxhüi; ile jangchangba nang hanpakma pangnu müile hüiüi, ilaxle nang khüzün chimaxle ngoüi.

JEREMIA 38:20 ပူးပေါင်းရင်းမြစ်များ

DANEL 4:27

Idaile, wanghompa, ku kax ma laxlax. Ochax lyenkya zaklax, chem supuix ija moklax, ilaxle chitüi-chinang mix to chingchale changlax. Ile jangchang thüiningle nang tamchatle ahak-aluale chang ang tomüi.”

JEREMIA 26:13

Hünzom ngole hüikya lomtang hia hünzome mokle hüikya mwot pangwüi hünzome lüi angkya wüi, ilaxle hünzome Jowanpa kax ma laxle chang angkya wüi. Hünzome mong alople jangchang, chixechu hünzom hato thama tsangmüt apüi angkya chix mongjang alüixüi.

ISAIA 55:3

“Athax apalax, ku khünaknu, ilaxle ku hato nguilax; ku hato nguilax, jangchangba nang ang khüzün tüiüi! Kue nang füi otsün lo angkya tsaotsütle changüi ilaxle kue Dawid ang koxüile tsaokya mohiman nang ang koxüi.

2 PUKAX-PANGAO 20:20

Ngainop ningle swomsa ma wüi khünaknu a Tekoa nok zui ma tüikya faochi to pao. Hwom ka ang laipongma, Jehusafat-e ile pünzün-wangsaile chang: “Judah hia Jerusalem angkya khünaknu! Jowanpa, hünzom Zang to mongong tüikox, ile jangchangba hünzom shingmongle ajong ang thoüi. Chix ajebue akaxkya kax to mongongkya tüikox, ikoxle hünzome lütkya kopüi.”

WANGSHEMBU MWOT 26:29

Pol-e lan: “Noxtakya bama wüi changlax, hanpak homle wüi changlax, nang ilaxle mamabuchu wüi, anyix ku kax apa ngokyabu pangwüi ku ningle chang angkya a ku zangjop changle bachutix hünzomchu ku ningle khakle thom angkya a ku zangjop münchang!”

JAKOP 1:22

Chix kax apa lanlankyae nang to dyen-ngan ang taxtom; itülüi, Ija mwot ang achangle mok kox.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

2 KORIN 5:20

Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

2 KORIN 5:11

Zang thua zale le chem ang thüipuix ija kwome awanpu, ikhoma kwome Kaxho Müikya füi anom-anai ang azongpu. Zange kwom bama bakle awan ngole ilaxle hünzomechu mamong mongto ku abakle loplaxle ngopule monghompu.

JEREMIA 11:4

Hwom zongto okham wünnukha lailaile tüikya chaxwan, Ijip nok tokya hwom alaile apüi pongma, ija Tsaotsüt a hwom pupa hwom füi tsaotsütle wünkya kax changpu. Ku kax ma laxle tüi angkya tamchu ku kaxtom ma mokle chang angkya kue hwom füi akaxdaoa. Hwome ku kax ma laxle jangtüi, hwom a ku khünaknu ang ngoüi ilaxle ku a hwom Zang ang ngo angkya kax kue hwom füi akaxdaoa.

PONGWANG LAIPEX 12:13

Hwom hama nang a kunao changle le akaxlax; ile nang hanpakma hwome ku to müile humele thomüi.”

PONGWANG LAIPEX 19:20

Hünkhie chuja tingsa ngüncha? Ija a nuisox changle. Ku ikhato pao ang koxhüi: ikha a onui hixkya changle: ku ikhato ozün ma ngo ang müiüi.”

JEREMIA 7:23

Ikoxle kue hwom ang ku kax ma laxle tüi angkya kaxtom koxpu, ile ku hwom Zang ang ngo angkya hanpakma tamchu hwom a ku khünaknu ang ngo angkya hanpakma. Ilaxle kue hwom ang koxkya kax ningle hwom ngo angkya kue hwom füi akaxpu, ile chang koxle jalinusa hwom hanpakma ma omüimüi angwüi naxchang kox ang.

JEREMIA 11:8

Ikoxle hwome apachu chiapa ilaxle kax machu chilax. Itülüi, amipongkya lailaile wüi hwom pangwüi sisile mongkhüi tamchu chichangchizangle tüikya chizak. Kue hwom ang Tsaotsüt thom angkya kaxtom koxpu, ikoxle hwome ija pongle chikop. Ikhoma ijama zale tüikya thangnak pangwüi hwom khangkho to ahüipu.”

JEREMIA 38:21

Ikoxle nange chak münajongpule angamle jangchang thüiningle chemle chang angkya hex, Jowanpae ku mikngün ma bakle ahodaoa.

WANWÜNKAX 4:4

ipongma apae ku hama anwot-anole chang. Chixe thüi: “Kue akaxkyabu mong ma akhax-adangle thomlax ilaxle ibu taxalak. Kue nang füi chemle akaxpuix ile moklax, jangchangba nang ozün ma ngoüi.

WANWÜNKAX 7:2

Kue chem akaxpuix ija moklax, jangchangba nang ozün ma ngoüi. Nange nang mik sünle thom ang chemtukux khünzaipuix itukuxle ku hwon-nwot kax ma laxle tüi angkya bama khünzailax.

AMOS 5:4

Jowanpae Israel khünaknu füi akax: “Ku hato oman, jangchangba hünzom ozün ma ngoüi.

AMOS 5:6

Jowanpa hato nguilax, ikoxle hünzom ozün ma ngoüi. Hünzom ikhato chipao jangthüi: Israel khünaknu hato chix a wün lailaile zikle juüi. Bethel angkya khünaknu wünkha to zokle ashunüi, ilaxle ija wün owaechu amüt ang münthoüi.