JEREMIA 38:2 - OTSAO BAIBEL (BSI)

² “Tingnu ma opangsa ngolaxüihex, hwom a zanhok ma chichangba woknuak-tilan ma chichangba okak-olak ma ziüi. Ikoxle opangsa koto lailaxle Babilon nok chak to ma alüile koxle changüihex hwom a münziüi; hwom a mik chimaxle thüingaxchu azangle pao ang kopüi.”

JEREMIA 38:2 ပူးပေါင်းရင်းမြစ်များ

JEREMIA 39:18

Kue nang ozün ma panle thomüi, ilaxle nang mik amüt ang müntom. Nange ku to mongong thomle changkya khoma nang a zi-max ang müntom. Ku, Jowanpae ija akaxdaoa.”

JEREMIA 45:5

Nange nang hanpakma süile hume fa angkya olom lomle ngopia? Ile otuechu taxmokngozi. Kue khünaknu pangnusa hato thama-thomshix ahüile ngopu, ikoxlechu nang a, nang apaopao khato khangkho sünle ngo ang tomüi. Ija kax Jowanpa, kue akaxdaoa.”

JEREMIA 34:17

Ikhoma athax, Jowanpa, kue akaxle ngopu, hünzome ku kax ma chilaxle changdaoa; hünzome Israel khünak noknusa ang mongtex ma ngo ang pan-danle münchang. Müihule, athax kue hünzom a mongtex pankya faüi: zanhok ma, okak-olak ma tamchu woknuak-tilan ma hünzom a mongtextex ma mik max ang tomüi. Kue hünzom to chemle mokpuix ija ngünlaxle chaxwannu nok pangwüi abütle chang ang tomüi.

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

JEREMIA 42:17

Khünak opang Ijip to chatle kalaxle ngosele tsulaxpuix, ibu pangwüi ochax-ozan chichangba woknuak-tilan chichangba okak-olak ibu chak to maxüi, Hwom khama tuita chu ozün ma münngoüi, ilaxle kue ahüi angkya thama-thomshix chak tokya owae paole azang ang münthoüi.’

EZEKEL 7:15

Tingjang lomnu to achyet-amüikya, ilaxle homkha ma kaklak hia woknuak tüile ngo. Tatok to paole asukyabu a zan ma maxüi, ilaxle tingnu mong ma asukyabu a okak-olak hia woknuak shoma ma womüi.

EZEKEL 6:11

Jowanpa Khüthak Zang-e akaxle: “Hünzom chak akhaokox! Hünzome chithom thongkox! Israel noke mokle hüidaokya chichangchizang mwot hia zakkop mwot, ibu hanpakma mongmale sopkox. Hwom a chax-zan ma chichangba woknuak ma chichangba kaklak ma mik max angkya changle.

JEREMIA 44:13

Chemle kue Jerusalem to sikangünpuix, ija lailaile Ijip to ngokya khünakbu to kue ochax-ozan, woknuak-tilan, ilaxle okak-olak, ibu füi sikangünüi.

JEREMIA 42:22

Idaile hünzome ija mong ma koplax: hünzom a hünzom kalaxle ngokya haxtok to ochax-ozan chichangba woknuak-tilan chichangba okak-olak, ibu chak ma ziüi.”

JEREMIA 29:18

Kue hwom a ochax-ozan, woknuak-tilan hia okak-olak füi achuaüi, ilaxle hwome ija ngünlaxle chaxwannu angkya khünaknu nok a huanuma abütle changüi. Khünaknue hwom wanjaiüi ilaxle hwome ibu mün a othuak-ozom lom to lünüi.

JEREMIA 27:13

Nang khünaknu chemkhoma ochax-ozan, woknuak-tilan chichangba okak-olak chak to max angkya? Ija kax Jowanpae, Babilon wanghompa chak to chikox tsuakkyabu omüt hanpak akax wüi.

JEREMIA 24:8

“Ikoxle Judah nok wanghompa Zedekiah, chix akhople tüikya tingjit-nokwale ngokyabu, ilaxle Jerusalem angkya khünaknu opang ija haxtok ma ngole hüidaopuix chichangba Ijip nok to kapuix ibu bama: ku, Jowanpae idu sax ang ojao chimüikya fupsabu to chemle hwonpuix ile hwom to hwonüi.

JEREMIA 21:4

ilaxle Jowanpa, Israel nok Zang-e akaxkya ija kax Zedekiah hama wün angkya tom: “Zedekiah, Babilon nok wanghompa hia chix süpahibu füi azan ngokya nang süpahibu to kue ang tomüi. Nang süpahibu chang-pax pangwüi kue tingnu osungwa ma athünle dan ang tomüi.

JEREMIA 27:11

Ikoxle owawa jat-lie Babilon nok wanghompa chak to koxlaxle chix thothale jangtüi, kue ija jat-li a ma ngole tüikya haxtok ma wüi thomo-manzaile ngo ang tomüi. Ija kax Jowanpa, kue akaxdaoa.”

JEREMIA 29:16

Jowanpae Dawid-e apünle ngokya wangting apünle ngokya wanghompa bama tamchu tingnu ma ngole tüikya khünaknu, opang hünzom füi tomle zanda ang kople chipaole danle toxpuix, hwom bama chemle akaxpuix ija to apalax.